Lumà 6:10 - To kə Kəzə̀ kə̀ Fughu ko

¹⁰ Vʉ zəla ù fə̀ kpuw ghè zò, ù fə̀ kpuw tən ko êsəŋò alebuū bughuso tsughu kwa wə ebō. Mughù zəla ù mughu ghè zò, ù mùghù â Zə̀ kò.

Lumà 6:10 Iomraidhean Croise

Lûk 20:38

Zə̀ kə̀ yo â ghì ghəla ghe kpuw dzə, Kə lo â ghì ghəla ghe naam lô â tuw ko, tɔŋlo enyəa â wə̄n, aghî à dzə̀m nǎam lò â tuw ko.”

Lumà 6:11

An dzîi è mɔ̀ʼɔ, a lò sugho êzə̀ vʉ e kôom ki yo daʼa ko a zəŋò ghɛ̀, ghɛ̌ êzəŋ e kuuwn mughu â Zə̀ kò aŋghəa ghɛ̀ lô fəgha ko kə mɔ̀ʼ ghɛ̀ à ghê Kə̀lestò Yɛso.

Lumà 6:9

Tɔŋlo enyəa sɛ̀ kwo nû enyəa ghəa ghəla ghe fə̀ zôm nughù kɔʼ dzə Kə̀lestò alo evʉ̄, ù kè kòom kpuw kòʼ yò, nu vʉ e kôom ki yo daʼa ko a zəŋò wə̄n.

Lumà 8:3

Tɔŋlo enyəa ghəa ghəla lâŋ kə fə̀ yo aleghəŋlo, bòʼ ghùw nsɔ̌ɔŋnchùw fə̀ lɛɛ kôom nû, Zə̀ kə̀ ŋ ghəŋlo e tsughu. Zə̀ kə̀ n nì kɔ̌ʼ Wɛ u wə̄n tùm nyə̀ wò an ghueekətsə̄ aŋ kòʼ e ghùw mbī tò kefughu, alewiī maʼà èbo.

2 Kòlentìan 5:15

Kə̀lestò fə̀ kpuw an tuw u ghì ghə̀n à dzə̀m, enyəa ghî ghəla ghe mughu ghe ka mùghùu dzə̀ aŋ ŋgə̀ŋ è ghee; ghe e mùghù an zən e wə̄n wəla ù fə̀ kpuw kɔʼsə alo evʉ aŋ tuw u ghee.

2 Kòlentìan 5:21

Kə̀lestò mò ki yo bo è li zo, Zə̀ kə̀ ŋ ghəŋlo è tsughu ù n dòʼò tsùghu tò ghûw ù bǐigh bòʼ ghəa e sɛ̀, enyəa aŋghəa sɛ̀ à ghee təmdzəə̄ŋ kɔʼ, a ke e dzeŋe lo sugho tsəghatsəgha a vʉ̀a Zə̀ kò.

1 Pità 3:18

Nu Kə̀lestò fə̀ kpuw ni nughu bôo tɛʼɛ tə dzə̀m enəgha e mɔ̀ʼ nì nùghù tən ko nù, lò êzə̀ mo ù ka fə ghəa è li ghəəŋ boon kòʼ tsəghà, ù m bùgho kpùw an tuw u ghì a biigh gho, alenìi kwəla wô sɛ̀ a vʉ̀a Zə̀ kò. Aŋghəa ghe fə̀ bûʼ wi tsughu ko wə̄n, ghe fə wə̄n wi tǒ ghùw, daʼa kə Kəzə̀ kə̀ n zòm nùghùu kɔ̂ʼ zəŋso kə wə̄n.

1 Pità 4:6

Zən lò e ghee ghe fə̀ kə̂a ndûw sugho shwaʼ u Kəzə̀ wò â ghî ghəla ghe lo mo ghe mafə kpuwnlo, tò aŋghəa ghe fə̀ bûʼ fala ko aŋ gwə̀n e ughùe tò aghî aŋghəa Zə̀ kə fə̀ fɔeso tsughu ghee, ghe lo e mughu alo təzuʼ tò Kəzə̀.