Lumà 5:9 - To kə Kəzə̀ kə̀ Fughu ko

⁹ Êzə̄ŋ wəla Zə̀ kə lo mo kə sɛ̀ nî aŋ ghì a tsəghatsəgha gho bòʼ kâŋ tə Kə̀lestò, sɛ fɛ kwo tən sugho nû enyəa Kə̀lestò lo bəghaasəa nǔ sɛ aŋ ghùu nʉ̀ghà u Kəzə̀ ù pfʉa wo.

Lumà 5:9 Iomraidhean Croise

Dzɔ̌n 5:24

Kùmkùm, aŋghəa Ǹ dzâa wô fɛ â ghɛ̀, ghùw wəla ù zuw shwaʼ waŋa wo, boo fùghù ndùw â wə̄n wəla ù mò tum wô mugho lo kele nù mughù è doʼn təla zo, ghe kê dzùuw màʼn yǒ wə̄n; tɔŋlo enyəa ù n nùghù sə̀ wò alo evʉ̄, dòʼò wò â tuw ko.

Lumà 1:18

Zə̀ kə̀ n dè fùghù sə̀ tsùghù wò alo kəwālā kə lo fɔeso ghì à biigh gho àsùghò ghì ghəla ghe ki fə̂ŋ tə̀ biigh to, bòʼ enyəa ghe təghaso maʼnlo êsəŋò aŋ ghəa a biigh ghəla ghe ghəŋlo.

Lumà 5:1

Ghəa e lo êzə̀, Zə̀ kə̀ n nì sɛ̀ aŋ ghì a tsəghatsəgha gho bòʼ enyəa sɛ̀ gaʼ fə̀ŋ a zəŋò wə̄n, sɛ̀ à ghê Zə̀ chia kə lò sugho alo ebughunlo am bàm e Mughùbè ù sɛ̀ Yɛso Kə̀lestò.

Lumà 5:10

Ghəa sɛ̀ fə̀ buʼù lô tsəgha ko ghî a kətuw a Kəzə̀ ghò, Zə̀ kə n naam nì təm dzəəŋ wò ko sɛ a ghee alo kəfəgha kə mɔ̀ʼ an vʉ e wàa wən. Yia abugho êzəŋ wəla sɛ̀ lô ghî a wə̄n gho, sɛ ki alekwo tən enyəa Kə̀lestò lo bəghasəa nǔ sɛ̀ êzəŋ wəla ù lò â tuw ko.

Lumà 8:1

Tò aŋghəa e lô êzəŋ, ghùw ù lì kôom bùʼ yò alebɛ mbɛ an tuw kə ghì ghən a dzə̀m ghe lô fəgha ko kə mɔ̀ʼ ghèe ghê Kə̀lestò Yɛso.

Lumà 8:30

Zə e lô sugho enyəa, ghî ghəla Zə̀ kə̀ lo mo kə m bàʼ nàŋa sə̀ wò bâ kə̀ mɔ̀ʼ, à lò ghəla kə fə̀ tɔŋɔ̄ enyəa ghe e lo ghî a wə̄n gho. Ghe a te ghəla kə fə̀ tɔŋɔ̄, kə ŋ ghəŋlo, ghe yia doʼò tsəghatsəgha a vʉ̀a wə̄n, chia kə ghəŋlo enyəa ghe kele sughò kɔʼso məla kə ki.

Efɛsùs 2:13

Ghɛ̀ à ghê Kə̀lestò Yɛso kǔuwn lò nû alo kəfəgha kə mɔ̀ʼ êzə̄ŋ. Ghəa e fə̀ bûʼ lô ko enyəa ghɛ̀ fə̀ lɔʼso lo tsəgha nù, Zə̀ kə̀ ŋ ghəŋlo aŋ kàŋ tə Kə̀lestò ghɛ̌ yìa kuʼso doʼò wo ghɛ̀ a ghê Zə̀ kò.

Efɛsùs 2:3

Sɛ̀ a dzə̀m mafə mughù sùghò tǒ ghee, aŋghəa gwən e ughùe e ghûw è ləghaa aŋ ki sugho moʼnlò è biigh zo tǒ ghee. È li lo enyəa ghe mǒ sɛ̀ dzə tò ghî ghəla Zə̀ kə̀ ki aledè nʉ̀ghà u wə̄n u pfʉa wo a zəŋò ghee, tò aŋghəa kə ghəŋlo â ghì ghən a dzə̀m.

1 Tɛ̀sàlonìan 1:10

Ghe buʼù kə̀aa sùghò nù ghəa ghɛ̀ lo mo ghɛ̀ ləəm Wɛ ù Kə̀zə wəla ù lo nughùn wo alò kəwālā alebùghò èbàm am mbī; wəla Zə̀ kə mò nî nughù kɔʼ alo evʉ̄, tɔɔŋ Yɛso wəla ù bəghaasəa sɛ̀ an tsu wəla u ki alebùghò.

Hibùlù 9:14

Kâŋ tə Kə̀lestò tə̀ ŋge tùghù tsə̀ghàtàʼà sə ghəa ghən a dzə̀m! Am bàm e Zuʼ tə Kəzə təla tə doʼò tən ù m fùghù ndùw ghue u wən an tuw u sɛ̀ tǒ fughu kəla kə kpe â Zə kò. Kâŋ tə wə̄n tə lo sûuw zɔnso fə̀ŋ tə sɛ̀ aŋ ghəa ghəla a nîi wô vʉ zo, enyəa to sɛ̀ e lo alefwaʼā Zə̀ kəla kə lo â tuw ko.

Hibùlù 9:22

Kùmkùm alo kəlàŋ, e lo ko tò a e soō a fʉgha wo u dzə̀m sûuw ko alo təkàŋ, àsùghò enyəa abugho kâŋ tə̀ doʼkè tsughuu tsughu Zə̀ kə̀ yo sughò aleghuūw maʼà tə̀bòo.

1 Dzɔ̌n 1:7

Abugho sɛ̀ kuūwm mughu an tsə̂, tò aŋghəa kə lo an tsə̂, à fi lo enyəa sɛ̀ a dzə̀m lò alo kəfəgha kə mɔ̀ʼ, Kâŋ tə Wɛ ù Wə̄n tɔɔŋ Yɛso, tia tə sûuw maʼn sughò bôo tə sɛ̀ tò tə dzə̀m.