Lumà 5:8 - To kə Kəzə̀ kə̀ Fughu ko

⁸ Zə̀ chia kə kwuun dê tsughu ləgha e wən zo a ghəa zən enyə, a fə bugho sɛ̀ fə̀ naam lô ghî a biigh gho, Kə̀lestò m bughò kpuw an tuw u sɛ̀.

Lumà 5:8 Iomraidhean Croise

Dzɔ̌n 15:13

Ləgha è səŋò è li e yo e kôom tsəghàsə zəla ghùw lò alekele enyəa: Ghùw ù te boo tsughu alekpuw an tuw u fən a wə̄n enyəa to ghe mô kele èmùghù.’

Dzɔ̌n 3:16

Tɔŋlo enyəa Zə̀ kə fə̀ ŋge ləgha nu mbī alenìi fughuu wô sɔ̀ʼ kə wɛ̀ kə wə̄n kə mɔ̀ʼ enyəa mò ghùw bǒo fùghù ndùw dzə̀ â wə̄n, ghùw ù te ŋ kè kpuūw mîa alo kəleŋe, ù n laam kelê mùghù è doʼn təla zo.

Lumà 3:5

Ghî a li a lo nû aledzɛ̀ enyəa abugho a ghəəŋ boo zo, ghî ghə̀ n lo alekòʼ enyəa Zə̀ kə lo nû tsəghatsəgha. A lo nû aledzɛ̀ enyəa, Zə̀ kə ghəəŋ boon nù abugho kə dêe nʉgha u wən ù pfʉa wo a zəŋò sɛ̀ a? (Ŋ̀ ghəa ghən gho enyə kə̀aa an dziī è ghùw nsɔ̌ɔŋnchùw).

Lumà 4:25

Yɛso wəla Zə̀ kə fə̀ fughu sə wo enyəa u kpuw bòʼ bòo tə sɛ̀. Zə̀ kə n zòm nùghù kɔʼ wə̄n alo evʉ enyəa to Zə̀ kə̀ mô nîi naŋa sɛ̀ aŋ ghì a tsəghatsəgha gho.

Lumà 5:20

Ghəa lâŋ kə bugho am mbī, bo zə n kôom fəghan dùw e tsughu. A m bùgho bo ŋge dûw tsughu am mbī, dzɔ̂ e Kəzə̀ zə ŋ kuuwn tsə̀ghàsə̀ è tsughu.

Lumà 5:6

A fə bugho an tì kəla sɛ̌ fə̀ yo aleyòsò ghue e sɛ̀, Kə̀lestò u m bùghò kpuw an tuw u ghì biigh gho an nə̀gha zəla Zə̀ kə̀ mò fôʼ naŋa enyəa e lo səa a te.

Lumà 5:7

E ŋgee tughu nù â ghùw aleboo enyəa e kpuw an tuw kə ghùw ù lì, abugho ghùw ù te tso bûʼ lô ko ghùw ù tsəghstsəgha, mò e ŋgəəŋ lò ko nû enyəa to ghùw ù li naām ləghaa alekpuw an tuw kə ghùw ù dzùŋ.

Lumà 8:32

Wən wəla ù fə̀ tâʼkè ghôʼ wɛ ù wə̄n, kuuwn nì fùghù sə̀ wò wə̄n tò kəfughu an tuw u sɛ̀ a dzə̀m. Abugho ù fə̀ lô alenìi fughuu səā wô Wɛ ù wə̄n ù nùu, fəgha kə̀ li kə kôom lò nû à ghèe wɛ u wə̄n lo aledòʼò mò ghe kâ â sɛ̀ nî fùghù wò à?

Lumà 8:39

ŋkāa fʉgha wəla u lo edzuŋ ŋkāa àsùghò wəla u lo aŋ ghueekətsə̄, ŋkāa fəgha kə nsɔ̌ɔŋnchùw kə̀ li kə̀ yo dzə̂ am mbī e dzə̀m kə lo yò dzə̂ alegbòo sɛ̂ɛ sɛ̀ an ləghaa zəla Zə̀ kə̀ ki a sɛ̀ a m bàm e Yɛso Kə̀lestò Yɛso Mughùbè ù sɛ̀.

Gàlashìan 2:20

E fi lo ko to ghe mǒ ghàʼ à ghê Kə̀lestò təghāa dzəəŋ kɔʼ a dzə̀m alo kədàŋlo; à kòom yò dzə̂ mugho M̀ mughu, à lǒ Kə̀lestò ù mùghù a zəŋò mùghò. Mughùu zəla M̀ mughu êzə̄ŋ aŋ gwə̀n e ughùe, M̀ mughu ghè zò am fə̂ŋ zəla Ŋ̀ gaʼ tsughu a zəŋò Wɛ̀ ù Kə̀zə̀, wəla ù mò ləgha tsughu mugho, ù m fùghù ndùw tuw kə wə̄n aŋ ghəa zaŋā.

Efɛsùs 2:7

Zə̀ kə fə̀ ènyə ghəəŋ tsughu enyəa an tì kəla kə ki alebùghò, kə ke e lo aledè dzɔ̀ e wə̄n e ne zo an ləgha zəla kə lo mo kə n dè â sɛ̀ aŋghəa ù fə̀ ghəə̄ŋ tsughu enyəa sɛ̀ doʼò kə̀fəgha kə mɔ̀ʼ sɛ̀ à ghê Kə̀lestò Yɛso.

Efɛsùs 5:2

E ləghaa nduw nlò ghî ghò tò aŋghəa Kə̀lestò mò ləgha wo sɛ̀ a te, ù m fùghù sùghò ghue u wə̄n to kəfughu kə̀ ləə̄m dzɔɔ̄ ko enyəa ghe sâa ndûw â Zə̀ kò an tuw u sɛ̀.

1 Timotì 1:16

Zə̀ kə̀ ŋ kuuwn kwuso tsughu ese a zəŋò mùghò wəla mùgho fə̀ bûʼ bo tsəghà ko ghî à biigh gho a dzə̀m, aŋghəa Yɛso Kə̀lestò fə̀ kǔum maʼà tsughu ghue wo alebəghaasə mugho am bòo taŋa tǒ tsə̌a â ghî ghəla ghe naām ki aleboō fughu â wə̄n to ghe lo kelê mùghù èdoʼntəla zo.

Hibùlù 8:3

Ghe tuw u təfɔ̀e wən u dzə̀m tsuʼu naaŋ kɔʼɔ enyəa ghe e fughuu fughu wo, sàa ndùw ùfʉgha â Zə̀ kò an tuw u aghì, tuw kə fɔ̀e kə sɛ̀ kə fi telè ki sugho nû fəgha ko alefughu.

1 Pità 3:18

Nu Kə̀lestò fə̀ kpuw ni nughu bôo tɛʼɛ tə dzə̀m enəgha e mɔ̀ʼ nì nùghù tən ko nù, lò êzə̀ mo ù ka fə ghəa è li ghəəŋ boon kòʼ tsəghà, ù m bùgho kpùw an tuw u ghì a biigh gho, alenìi kwəla wô sɛ̀ a vʉ̀a Zə̀ kò. Aŋghəa ghe fə̀ bûʼ wi tsughu ko wə̄n, ghe fə wə̄n wi tǒ ghùw, daʼa kə Kəzə̀ kə̀ n zòm nùghùu kɔ̂ʼ zəŋso kə wə̄n.

1 Dzɔ̌n 3:16

Ghəa ghən ghə ŋ ghəŋlo sɛ̀ yia a zoʼn kele kɔʼ fəgha kəla ləgha e lo ghe kò, mo e lo enyəa: Tò aŋghea Kə̀lestò fə̀ boo tsughu alekpuw an tuw u sɛ̀, sɛ̀ ki aleboo tsughuu sughò alekpuw an tuw u waazə̂ a sɛ̀.