Lumà 5:6 - To kə Kəzə̀ kə̀ Fughu ko

⁶ A fə bugho an tì kəla sɛ̌ fə̀ yo aleyòsò ghue e sɛ̀, Kə̀lestò u m bùghò kpuw an tuw u ghì biigh gho an nə̀gha zəla Zə̀ kə̀ mò fôʼ naŋa enyəa e lo səa a te.

Lumà 5:6 Iomraidhean Croise

Lumà 11:26

À ke lò an dziī e mɔ̀ʼɔ̀ zən ghî ghə Ezə̀lɛ̂ a dzə̀m a kê zəā tuw ko a te. Nu ghe tɔm naŋa am mwàʼsò kə Kəzə̀ enyəa, “Bəghambī lo səa kɔʼɔ̄ an naʼ e Zayòn: Ù kè ghəŋlo ghî ghə Ezə̀lɛ̂ a dzə̀m a kê tiī maʼà ghəa a ghee à biigh gho.

Lumà 4:25

Yɛso wəla Zə̀ kə fə̀ fughu sə wo enyəa u kpuw bòʼ bòo tə sɛ̀. Zə̀ kə n zòm nùghù kɔʼ wə̄n alo evʉ enyəa to Zə̀ kə̀ mô nîi naŋa sɛ̀ aŋ ghì a tsəghatsəgha gho.

Lumà 4:5

Ghe kuuwn nìi dzə̀ yǒ ghùw enyəa ù lò tsəghatsəgha am fwàʼ kə wə̄n, à lǒ bòʼ fə̀ŋ è wə̄n zəla ù gaʼ tsughu a zəŋò Zə̀ kəla kə nîi kɔʼɔ̄ ghùw ù bǐigh kə n naŋa wò aŋ ghùw ù tsəghatsəgha.

Lumà 5:10

Ghəa sɛ̀ fə̀ buʼù lô tsəgha ko ghî a kətuw a Kəzə̀ ghò, Zə̀ kə n naam nì təm dzəəŋ wò ko sɛ a ghee alo kəfəgha kə mɔ̀ʼ an vʉ e wàa wən. Yia abugho êzəŋ wəla sɛ̀ lô ghî a wə̄n gho, sɛ ki alekwo tən enyəa Kə̀lestò lo bəghasəa nǔ sɛ̀ êzəŋ wəla ù lò â tuw ko.

Lumà 5:7

E ŋgee tughu nù â ghùw aleboo enyəa e kpuw an tuw kə ghùw ù lì, abugho ghùw ù te tso bûʼ lô ko ghùw ù tsəghstsəgha, mò e ŋgəəŋ lò ko nû enyəa to ghùw ù li naām ləghaa alekpuw an tuw kə ghùw ù dzùŋ.

Lumà 5:8

Zə̀ chia kə kwuun dê tsughu ləgha e wən zo a ghəa zən enyə, a fə bugho sɛ̀ fə̀ naam lô ghî a biigh gho, Kə̀lestò m bughò kpuw an tuw u sɛ̀.

Lumà 8:32

Wən wəla ù fə̀ tâʼkè ghôʼ wɛ ù wə̄n, kuuwn nì fùghù sə̀ wò wə̄n tò kəfughu an tuw u sɛ̀ a dzə̀m. Abugho ù fə̀ lô alenìi fughuu səā wô Wɛ ù wə̄n ù nùu, fəgha kə̀ li kə kôom lò nû à ghèe wɛ u wə̄n lo aledòʼò mò ghe kâ â sɛ̀ nî fùghù wò à?

Lumà 8:34

À lò ndugho ù lò aledzɛ̀ enyəa a m bvʉ̌ saʼ a? À lǒ mò à lǒ Kə̀lestò Yɛso wəlà ù mò kpuw dzə a, ŋkāa à lǒ wən wəla ghe mò zôm nughù kɔʼ alo evʉ a, vʉa u doʼ ezəŋ an kwe u Kəzə̀ u təma wo, dìi fughû dì e sɛ̀ à?

Gàlashìan 2:20

E fi lo ko to ghe mǒ ghàʼ à ghê Kə̀lestò təghāa dzəəŋ kɔʼ a dzə̀m alo kədàŋlo; à kòom yò dzə̂ mugho M̀ mughu, à lǒ Kə̀lestò ù mùghù a zəŋò mùghò. Mughùu zəla M̀ mughu êzə̄ŋ aŋ gwə̀n e ughùe, M̀ mughu ghè zò am fə̂ŋ zəla Ŋ̀ gaʼ tsughu a zəŋò Wɛ̀ ù Kə̀zə̀, wəla ù mò ləgha tsughu mugho, ù m fùghù ndùw tuw kə wə̄n aŋ ghəa zaŋā.

Gàlashìan 4:4

A ŋ kuuwn bùghò nəgha e te e biso kpe tsughu, Zə̀ kə̀ n tùm sə̀ wò Wɛ ù wə̄n. Wɛ ù te n nyə wò am mbī mò à wə̄n dzə wò wìzən, wɛ wən m noo kɔʼ a tsəlà làŋ kò.

Efɛsùs 5:2

E ləghaa nduw nlò ghî ghò tò aŋghəa Kə̀lestò mò ləgha wo sɛ̀ a te, ù m fùghù sùghò ghue u wə̄n to kəfughu kə̀ ləə̄m dzɔɔ̄ ko enyəa ghe sâa ndûw â Zə̀ kò an tuw u sɛ̀.

Kòloshìan 2:13

Yia a bughò ghɛ ghəla ghɛ̌ fə̀ lo tò ghî à kpuuwn gho bòʼ ghəa ghɛʼɛ à biigh gho, aŋghəa ghɛ̀ mò naam lo mò ghɛ̀ kaām boo fughu dzə̀ â Zə̀ kò, Zə̀ kə̀ ŋ ghəŋlo enyəa ghɛ̀ koōm doʼo wo â tuw ko am bàm è Kə̀lestò aŋghəa ù fə̀ ghuūw maʼà ghəa a sɛ̀ à biigh gho a dzə̀m.

1 Tɛ̀sàlonìan 5:9

Tɔŋlo enyəa Zə̀ kə̀ ka fə sɛ̀ shîaa sə̀ wò dzə̀ aledè nʉghà u wən ù pfʉa wo a zəŋò sɛ̀. Ù fə̌ sɛ̀ shiāa enyəa a lâam zə kətuw am bàm e Mughù ù sɛ̀ tɔɔŋ Yɛso Kə̀lestò.

1 Timotì 1:9

A kwo sugho nû enyəa ghe kâ lâŋ kə̀ naŋa dzə̀ â ghî à dzûŋ ghò; kə kuuwn lò â ghì ghəla ghe bvuʼū lâŋ kò àsùghò ghəla ghe ghəə̄ŋ fɛ̀ɛn tə aghəa tə̀ biigh to, â ghì ghəla ghe moʼò enyəa Zə̀ kə̀ yo, ghəla ghe ghəə̄ŋ dzə̀adzə̀ tə aghì təla tə ki yo fəgha fwàʼ kə̀ li ko, àsùghò â ghì ghəla wiī maʼn tsughuu tsele ŋkāa zə̂, ŋkāa ghe gbôo ghùw.

Taetùs 2:12

Dzɔ̂ e Kəzə̀ zən zoʼn wò sɛ̀ enyəa sɛ̀ tuū maʼà tsughu mughùu zəla à yò dzə̂ mughùu e ghì a Kəzə̀ zò, a ka fə̂ŋ tə̀ gaʼ sùghò am fʉgha u mbī wo, àsùghò enyəa sɛ̀ è naŋso tsughuu kə ebwìi kə sɛ̀ kò aŋ ghəa a sɛ̀ à ghəəŋ gho, sɛ̀ è ki fə̂ŋ tə̀ dzûŋ tò, mùghù sugho aŋghəa Zə̀ kə̀ ləghaa enyəa to a mô mùghu fɛ a te am mbī zən.

Hibùlù 8:3

Ghe tuw u təfɔ̀e wən u dzə̀m tsuʼu naaŋ kɔʼɔ enyəa ghe e fughuu fughu wo, sàa ndùw ùfʉgha â Zə̀ kò an tuw u aghì, tuw kə fɔ̀e kə sɛ̀ kə fi telè ki sugho nû fəgha ko alefughu.

Hibùlù 9:26

Abugho e mò lo ezə̀, à fi lo enyəa to Kə̀lestò mò fala ndə̀mà tə̀nəgha alekaʼa nughù wô aŋghəa mbī mò kaʼ tsughu. E fɛ kuuwn lo enyəa, ù fə̀ tee sə tən wo ko e nəgha e mɔ̀ʼ aŋghəa mbī fə̀ kaʼa wo alemìaa, alesùuw maʼà èbo aŋghəa ù fə̀ nî fughu sə wô ghue u wə̄n wo a te tò kefughu.

1 Pità 1:20

Zə̀ kə fə̂ mbī kaʼ tsughu alegbə̀n mo kə n wə̄n shîa naŋa kɔʼ dzə̀, a m bùghò nəgha e kpe tsughu, ghe n nì dè sə wò wə̄n an tuw wɛʼɛ.

2 Pità 3:7

Zəa e kuuwn lô enyəa, an dzə̂ è mɔ̀ʼɔ e wə̄n e te, Zə̀ kə̀ m bàʼ nàŋa sə̀ wo wala kəla kə lo êzəŋ àsùghò ghueekətsə̄ ko enyəa ghe e ləəm tsughu tî kə̀la kə̀ kê saʼa wiī maʼn ghî ghəla ghe kwo yo wə̄n a te.

Dzûd 1:15

Ù kè bùghòo ghèe ghee alebùghò saʼ aghî a dzə̀m, àsùghò alebùghò fɔesô ghì ghə̀n a dzə̀m ghe kwo yo Zə̀ kò aŋ ghəa a ghee ghela ghe ghəŋlo mo a dzɔ̂ɔ yò an sə̀ Kəzə̀, àsùghò an shwaʼ u biigh wəla ghî ghəla ghe doʼkè boō fughu â Zə̀ kò kə̀a bonlo an zən e wə̄n.”

Dzûd 1:18

Ghe fə̀ dzɛ â ghɛ̀ enyəa, “A kê bugho an tsuʼu məla ŋ gùŋso tsughu, ghî a li a kê bùghòo nù ghe e tsoʼo ghɛ, aghî mo ghe kəŋo kô aleghəəŋ ghəa ghəla Zə̀ kə̀ ləghaa yo.”

Dzûd 1:4

Tɔŋlo enyəa ghî à li ghə n nyɛʼɛ bùghò tsɔŋ tsə̀ghà nyə am bvʉa zɛʼɛ mo ghe fughuu yo kɔʼso mò â Zə̀ kò, nu ghe nî kɔ̂ʼ dzɔ̂ e Kə̀zə̀ fwə̀n naŋa tsughu enyəa alo dzì â ghee aleghəəŋ kaāŋ dzə̀adzə̀ tə aghəa to a te. Aghî tò ghən, ghe mafə ki tɔm naŋa aŋghəa ghe lo baā mbɛ̄ a te an tuw kə ghee. Ghe tuu màʼn sùghò Yɛso Kə̀lestò wəla à mìaa ko wə̄n Mughùbè ù sɛ̀.