Lumà 5:5 - To kə Kəzə̀ kə̀ Fughu ko

⁵ Tùʼ zəla sɛ̀ chiī yo dzə̂ alebvʉ̀sò maʼà sɛ bòʼ enyəa Zə̀ kə̀ n dzə̀n nàŋa ləgha e wə̄n zo am fə̀ŋ tə sɛ̀ an Zuʼ tə Zɔlɔ təla kə fughu â sɛ̀.

Lumà 5:5 Iomraidhean Croise

Kə̀fwàʼ 10:45

Dzûu təla ghe mò boō fughu tsughu, nùghù wò a bǎà ghê Pità, dzughu zə n zuu ghee, bòʼ ghe mò kwən fughu dāŋso sugho Etoʼò â namso kə Zuʼ tə̀ Zɔlɔ to;

Kə̀fwàʼ 2:17

‘Zə̀ kə̀ dzɛ̂ enyəa, “Kən lò fəgha kəla Ǹ lo fwaʼa an tsuʼ məla ŋ gùnsò tsughu; Ǹ lo fughuu tsughûu ghì ghə̀n à dzə̀m â shʉ̀ghà waŋa wo. Wɛ ghɛʼɛ à nûu ghò àsùghò a zən gho e ke naʼn wo fəgha kə̀là Zə̀ kə̀ dzɛ â ghee. Waafəghàŋ ghə̀ e ke koʼo sə gho, dzǒo mə̀ e ke tsəən noo mò məla n dwə̀n tsughu.

Kə̀fwàʼ 2:33

Zə̀ kə̀ ŋ wən kɔʼso naŋa, vʉ̀a ù lò êzəŋ aŋ kwe u Kəzə̀ ù təma wo, vʉ̀a ù mò nî kɔʼ Zùʼ tə̀ Zɔlɔ təla Zə̀ kə fə̀ to naŋā aŋ ghùu Tsele ù te. Fəgha kə̀là ghɛ̀ koʼō ezə̄ŋ à kə̀là ghɛ̀ zuūw, à kwə̀n fughu tsughu wə̄n â ghàʼ.

Lumà 1:7

Mwàʼsò kən kə tɔɔ wò â ghɛ̀ yì a dzə̀m a fi am mbùʼ è Lumà Zə̀ kə̀ ləghaa, tsɔʼ kɔʼ ghɛ enyəa ghɛ̀ doʼo ghî a wə̄n gho. Ŋ̀ gɔ̂ŋlò enyəa to Kə̀zə̀, Tsele ù sɛ̀ ghèe Mughu ù te Yɛso Kə̀lestò mò dê ghɛ̀ â dzɔ̀ zò, ghe fughuu sugho ghɛ̀ â bughuun zo.

Lumà 8:28

Sɛ̀ kwo nû enyəa alo aghəa a dzə̀m, Zə̀ kə̀ fwaʼa ko alekòʼ enyəa ghî ghəla ghe ləghaa wə̄n e mugho dzɔ̄. Ghən lò ghî ghə̀là kə̀ fə̀ tɔŋɔ̄ aleghəŋlo enyəa ghəa ghəlà kə mò fôʼ naŋa a bughò sə êzə̀.

Lumà 9:33

E lo tò aŋghəa ghe tɔm naŋa am Mwàʼsò kə Kəzə̀ enyəa, “Koʼô, Ǹ tamso naaŋ tsughûu tia è li zo aŋ Zayòn, ghî ghə̀ e ke taāŋ bvʉā a te, (kənɛ kə lo ghəŋlo ghe tsəghàa bvʉ̂). Ghùw wəla ù gaʼ fə̀ŋ a zəŋo Zə̀ kò kè kèle kòʼ yò tuw kə dəla ko.”

1 Kòlentìan 8:3

Abugho ghùw kuūwn ləghaa Zə̀ kò, Zə̀ kə ŋ kwo wə̄n.

2 Kòlentìan 1:22

Kə n sɛ̀ tsə̂sò nàŋa an lɔ̀m kə wə̄n, dzə̀n nàŋa wò Shʉ̀ghà u wə̄n am fə̀ŋ tə sɛ̀ aledèe wô enyəa kə lo fughuu mɛ̀ʼn nǔ sɛ̀ â fʉgha wəla kə fə̀ to naŋā alefughu â sɛ̀.

2 Kòlentìan 13:14

To dzɔ̂ è Mughu ù te Yɛso Kə̀lestò, ləgha e Kəzə̀ àsùghò Zuʼ tə Kəzə̀ təla tə təmdzəə̄ŋ sɛ̀ alo kəfəgha kə mɔ̀ʼ, mô lǒ ghɛ̀ à ghee a dzə̀m.

2 Kòlentìan 3:18

Ezə̀ŋ, sɛ̀ ghən à dzə̀m à sʉ zo mo a kâ dzə̀là kèle ndɔ̀ŋ kò a te a koʼò ndùw nǔ səghanyəgha m Mughu ù te mò, ghe fɛ kuuwn ndùw sɛ̀ am fwèen kə wə̄n an səghanyəgha ŋ wən məla n noōm ndûuŋ nduw. Səghanyəgha mən nughù wò aŋ ghùu Mughu ù te wəla ù lò Shʉghà u te wo.

2 Kòlentìan 4:6

À lǒ Zə̀ kəla kə fə̀ dzɛ̂ tsughu enyəa, “Tsə̀ tughūu səā wô alo kələ̄m”, Ù tughu sə wo am fə̂ŋ taʼa alefughūu tsughu tsə̀ enyəa a kôʼ səghanyəgha ŋ Kə̀zə̀ mə̀là n tughūu an sʉ u Kə̀lestò.

Gàlashìan 4:6

Zə̀ chìa kə dzə̂n nyə wo Zuʼ tə Wɛ ù wə̄n to am fə̀ŋ tə sɛ̀ aledèe tsughu enyəa sɛ̀ lo wɛ a wə̄n. Zuʼ tə te tia tə ghəŋlo sɛ̀ yia a tɔɔŋ tsughu Zə̀ kò enyəa, “Bəghà! Tsele waŋā!”

Gàlashìan 5:22

Twam wəla Zuʼ tə̀ Zɔlɔ tə mʉā wo lò, eləgha, ebughunlo, ghue ù zumso wo, mwam ù dzûŋ wò, edzɔ̂ àsùghò səŋò zò,

Efɛsùs 1:13

Kə̀lestò n dê wò sùghò ghɛ̀ â səŋò zò, mò à lo làbəlà ê dzuŋ zəla è zoʼn ghɛ an dzì zəla ghɛ lô alezə kətuw a te. Ghɛ m boo fughu ndùw â Kə̀lestò, Zə̀ kə̀ fughu wò ghɛ̀ â zuʼ tə zɔlɔ təla Zə̀ kə fə̀ to naŋa, aledè tsughu enyəa ghɛ̀ e zəŋ lo ghî a wə̄n.

Efɛsùs 4:30

Kà nlò è ghəŋlo enyəa Zuʼ tə Kəzə̀ tə̀ Zɔlɔ tə e lo alo esē, tɔŋlo enyəa à lò tə ghee ghe fə̀ tsə̂sò naŋa ghɛ a te, aledèe tsughu enyəa Zə̀ kə̀ kê bə̀ghasəa nù ghɛ abugho tsuʼ u te u kê kpe.

Fèlepìan 1:20

Ləgha zaŋa, àsùghò mòʼn zaŋa zo, lo enyəa, e kwo ko Ŋ̀ kê bvʉ̂a kôʼ am fwàʼ kaŋa, à è tsoo səasəa êzə̄ŋ a, àsùghò an nə̀gha tən tə̀ dzə̀m à, to Ǹ lo e ki fə̀ŋ, ghue waŋa u dzə̀m wə̀ è fughuu sugho kɔʼso mò â Kə̀lestò, ŋkāa Ǹ lo â səa à tughu gho ŋkāa M̀ kpuw ko nû.

1 Tɛ̀sàlonìan 4:8

E fi lo enyəa ghùw wəla ù tue maʼà tsʉ̂ zən zo, ù kà tsùghòsò dzə ghùw, ù kǔuwn tsùghòsò Kə̀zə̀, tɔ̂ɔŋ Zə̀ kəla kə fughuu ghɛ â Zuʼ tə̀ Zɔlɔ to.

2 Tɛ̀sàlonìan 2:16

Ghaʼ gɔ̂ŋlò enyəa to ghuūghùe u Mughùbè ù sɛ̀, Yɛso Kə̀lestò, ghèe Tsele ù te tɔɔŋ Zə̀ kə sɛ̀, ghe ghəla ghe mò ləgha sɛ̀, fughu tən sɛ̀ â tsə̀mso kə fə̂ŋ kəla kə doʼò tən, àsùghò moʼnlò è dzûŋ zò an dzɔ̀ e ghee,

2 Timotì 1:12

Zən lò e ghee M̀ fanlo enyə a fɛ an ndùghùtsāʼ. Ghəa M̀ buʼù faan ko enyə, Ǹ tsoo də̀nsò yò tuw ko, Ǹ sô kwo ghùw wəla M̀ boō fughu â wə̄n; yia Ŋ̀ kûum kwo sughò enyəa ù lo kwuu kele nù fəgha kəla ù mò fughu â mùghò, alendùw tâa ndûw an tsuʼ fəla ù lo bughoo a te ebàm.

1 Dzɔ̌n 4:19

Sɛ̀ ləgha e fɛ ki aŋ ghùe e sɛ̀ bòʼ Zə̀ kə̀ fə̀ ləgha wo dzə̄ sɛ̀ esə̄.