Lumà 5:2 - To kə Kəzə̀ kə̀ Fughu ko

² À lò fə̀ŋ zəla sɛ̀ gaʼ tsughu a zəŋò Kə̀lestò è ghəŋlo enyəa a kelê dzɔ̂ e Kəzə̀ zən, zəla a mughu êzəŋ a te, yia a duʼnlo, chìi tùʼ enyəa a lo dòʼn nù an nsəghānyəghā ŋ Kəzə̀ məla n lo à sə̌ ko.

Lumà 5:2 Iomraidhean Croise

Matìo 25:21

Mughùbè ù wə̄n n dzɛ̀ â wə̄n enyəa, ‘Ghù n nyɔ̀ʼ fwàʼ, ghù lǒ ghùw ù kə̀fwàʼ ù dzùŋ to a e naŋa aŋ ŋgòʼ; ghù n sə fən kwu kele dzɔ̀, Ǹ naaŋ ghù êzəŋ tò ghù e lɛnlo â ndə̀m. Nyə wò tò ghɛ̀ à mughùbè wùa saŋlo.’

Dzɔ̌n 10:7

Yɛso fi kôom tèso ndùw nù tuŋlō u ghee wo enyəa, “M̀ fɛ kuu dzàa wò nù â ghɛ̀, à lò mugho fuū u ughɔ̄ŋ u təndzì wò.

Dzɔ̌n 10:9

Ǹ lo fuū u ughɔ̄ŋ, abugho à lò ko ndughoo ù tsə̀ghà nyə dzə a zəŋò mùghò, lo zəa nù tuw ko; ù e ke doō tsəghāa nyəa, tsə̀ghà sə̌a, kele sùghò fʉ̀ghà zəa u wə̄n.

Dzɔ̌n 14:6

Yɛso n dzɛ̀ ndùw â wə̄n enyəa, “Ǹ lo dzì, yìa Ǹ lô səŋò zò àsùghò mùghù zò. Ghùw yo alebùghò tɛ̂ alô Bə̀ghà mò ù kà tsə̀ghà a zəŋò mùghò.

Dzɔ̌n 5:24

Kùmkùm, aŋghəa Ǹ dzâa wô fɛ â ghɛ̀, ghùw wəla ù zuw shwaʼ waŋa wo, boo fùghù ndùw â wə̄n wəla ù mò tum wô mugho lo kele nù mughù è doʼn təla zo, ghe kê dzùuw màʼn yǒ wə̄n; tɔŋlo enyəa ù n nùghù sə̀ wò alo evʉ̄, dòʼò wò â tuw ko.

Kə̀fwàʼ 14:27

A m bùghò ghe ndûw nyə nduw, ghe n tɔŋɔ naŋa tsughu ghî à Kə̀lestò, dzɛ̀ kɔ̀ʼ ndùw ghəa ghə̀n à dzə̀m Zə̀ kə̀ lo mo kə m fwǎʼ ghèe ghee àsùghò ghəa ù tsʉ tsughu dzì enyəa Toʼò tə̀ è lo alegaʼ a sughò fə̀ŋ aŋ Kə̀lestò.

Lumà 11:20

E lo nû èsəŋò, ghe ka fə boo fùghù dzə̀ â Zə̀ kò, zə̀ lò e ghee ghe fə̀ bvuʼn maʼà sə tsughu wo ghee. Ghɛ̌ yia kuuwn nyɔ̂ʼ ti bòʼ ghɛ̀ fə̀ boo fughu à Zə̀ kò. Ghùw wɛʼɛ ki dzə yo alekɔʼso kaaŋ mbòʼ tò aŋ ghəa a te gho, ghɛ̀ laam ki aleghomlo aŋ ghəa zəla e lo alesə̄.

Lumà 12:12

Ghɛ̀ e duʼnlo an tùʼ zəla ghɛ̀ chiī ghè zò. Ghɛ̀ kɔlɔ tsughu nlò fə̂ŋ tò an tsù wɛʼɛ, ghɛ̀ è gɔŋlo an nə̀gha tən tə̀ dzə̀m.

Lumà 14:4

Ghɛ̀ lò ghê ndugho â ghɛ̀ alesaʼa kɔ̀ɔ ŋ ghùw ù lì mò a? A kè tèlè tsə̀mà tsùghuu ko Mughùbè ù ghee enyəa ghe ŋ ghəəŋ dzɔ̀ ŋkāa ghe ŋ ghəəŋ bonlo. Ghe kê tèlè sə̌a ko nù fəgha ko, tɔŋlo enyəa Mughùbè ù ghee lo nû aleghəŋlo ghe sə kəfəgha.

Lumà 15:13

To Zə̀ kəla kə ghəŋlo enyəa a chiī tùʼ alo aghəa a dzə̀m mò fughu ghɛ â bughuun zo, kə ghəŋlo ghɛ̀ e duʼnlo, aŋghəa ghɛ̀ boō fughu tsughu à ghè kò, to enyəa Zuʼ tə Zɔlɔ tə mô ghə̀ŋlo ghɛ̀ e fəghaan ŋgee chiī tsughu tùʼ.

Lumà 2:7

Ghî ghəla ghe kəŋo alekele zən e dzûŋ zo, ŋkɔʼso àsùghò mùghù zəla e mian koʼo yo aŋghəa ghe ghəə̄ŋ zeē ghəa a dzûŋ ghò, Zə̀ kə lo â ghe fughuu mùghù è doʼn təla zo.

Lumà 3:23

Nu aghî a dzə̀m m bo e ghəŋlo, ghe yia bvʉ̂ kômlo aledòʼò an səghanyəgha ŋ Kə̀zə̀.

Lumà 5:5

Tùʼ zəla sɛ̀ chiī yo dzə̂ alebvʉ̀sò maʼà sɛ bòʼ enyəa Zə̀ kə̀ n dzə̀n nàŋa ləgha e wə̄n zo am fə̀ŋ tə sɛ̀ an Zuʼ tə Zɔlɔ təla kə fughu â sɛ̀.

Lumà 8:1

Tò aŋghəa e lô êzəŋ, ghùw ù lì kôom bùʼ yò alebɛ mbɛ an tuw kə ghì ghən a dzə̀m ghe lô fəgha ko kə mɔ̀ʼ ghèe ghê Kə̀lestò Yɛso.

Lumà 8:24

À lò bòʼ tùʼ zəla sɛ̀ mò chiī ghè zò aŋ ghəa ghən e mò ghəŋlo ghe bəghasə̄ sɛ̀. Abugho a ki dzə̂ fəgha ko, a kôom kì yo alechì tùʼ a te. À lò ndugho a bugho ù ki fəgha ko a, ù n naam kòom chìi ko tùʼ a te?

1 Kòlentìan 15:1

Êzə̄ŋ a waazə̂ ghò, Ǹ so Ǹ zə̂əŋ wô ghɛ̀ an làbəlà zəla mùgho mò bughò naʼà wo â ghɛ̀, ghɛ̀ n zùw è naŋa, ghɛ̌ yia bɔɔ̄m ti ko a te.

2 Kòlentìan 3:18

Ezə̀ŋ, sɛ̀ ghən à dzə̀m à sʉ zo mo a kâ dzə̀là kèle ndɔ̀ŋ kò a te a koʼò ndùw nǔ səghanyəgha m Mughu ù te mò, ghe fɛ kuuwn ndùw sɛ̀ am fwèen kə wə̄n an səghanyəgha ŋ wən məla n noōm ndûuŋ nduw. Səghanyəgha mən nughù wò aŋ ghùu Mughu ù te wəla ù lò Shʉghà u te wo.

2 Kòlentìan 4:17

Nyàaŋ fə utsù fə̀là ghàʼ zuw kəŋo ndûw fɛ lo tsùuŋ yò, fə fɛ ndzùuŋ nǎaŋ ghàʼ an səghanyəgha n sə̀ŋò mə̀là n dòʼò tən, mò n tsə̀ghàtàʼà sə tsû wə̄n.

Efɛsùs 2:18

À lò am bàm e Kə̀lestò, sɛ̀ a dzə̀m, Tə̀dzûu à Tòʼò zò, sɛ̀ lô alendùw a vʉ̀a Tsele ù te an daʼa kə Zuʼ tə̀ Zɔlɔ to.

Efɛsùs 3:12

À lǒ Kə̀lestò ù ghəŋlo enyəa sɛ̀ e ndzəə̄m lo alebùghò a vʉ̀a Zə̀ kò mo a ki yo tsəŋ è li zo aŋghəa sɛ̀ gaʼ fə̀ŋ a zəŋò wə̄n.

Efɛsùs 6:13

Ghɛ fi ki alenìi kele təla kɔʼ fʉgha u tsam wɛʼɛ wəla Zə̀ kə fughu â ghɛ̀ aleghəŋlo enyəa mo tsuʼu zʉ boon ko nù, vʉ u tsəgha mîaa nduw, ghɛ̀ n naam ti ko alo tətsə̂n.

2 Tɛ̀sàlonìan 2:16

Ghaʼ gɔ̂ŋlò enyəa to ghuūghùe u Mughùbè ù sɛ̀, Yɛso Kə̀lestò, ghèe Tsele ù te tɔɔŋ Zə̀ kə sɛ̀, ghe ghəla ghe mò ləgha sɛ̀, fughu tən sɛ̀ â tsə̀mso kə fə̂ŋ kəla kə doʼò tən, àsùghò moʼnlò è dzûŋ zò an dzɔ̀ e ghee,

Hibùlù 3:6

Kə̀lestò vʉ̀a ù kuūwn fwâʼ am fə̂ŋ e wə̄n e dzə̀m tǒ wɛ aŋ ghì a Kəzə̀. Sɛ̀ lo tǒ ndughu è wən abugho sɛ tee tsughu ko am fəŋ zəla a ki àsùghò am fə̀ŋ zəla a tsɔɔ an tuʼ zəla a chiī.

Hibùlù 6:18

Zə̀ kə fə̀ enyəa an zen e wə̄n kɛ tsughu aledèe tsughu enyəa am bàm e ghəa ghən a bə̀ghà a kuuwn koʼò tsəghà yo, ghəla a ki ghəa ghəla a dêe enyəa Zə̀ kə̀ yo dzə̂ alekaʼ e gha, sɛ̀ ghəla sɛ̀ ti nân wo, a tee tsughuu an tùʼ zəla sɛ̀ chiī ghè zò.

1 Pità 3:18

Nu Kə̀lestò fə̀ kpuw ni nughu bôo tɛʼɛ tə dzə̀m enəgha e mɔ̀ʼ nì nùghù tən ko nù, lò êzə̀ mo ù ka fə ghəa è li ghəəŋ boon kòʼ tsəghà, ù m bùgho kpùw an tuw u ghì a biigh gho, alenìi kwəla wô sɛ̀ a vʉ̀a Zə̀ kò. Aŋghəa ghe fə̀ bûʼ wi tsughu ko wə̄n, ghe fə wə̄n wi tǒ ghùw, daʼa kə Kəzə̀ kə̀ n zòm nùghùu kɔ̂ʼ zəŋso kə wə̄n.

Edêe Fughu 21:11

Naʼe te zə n lo an səghanyəgha ŋ Kəzə̀, nyəghanlo tò tia è li zo e nyəghanlo tò kəlùwŋgɛ̀lɛ, nyəghaan sùghò tò eshiaghɔŋlo.

Edêe Fughu 21:23

Ezuw ŋkāa dzɔ̀ŋ buʼ ki yo fwàʼ kò fughu alo enaʼ, tɔŋlo enyəa səghanyəgha ŋ Kə̀zə̀ n lo tsə̀ a fughu alo enaʼ, Tsʉa u Ndzì vʉa u baŋà sugho fughu alo enaʼ tò kəkɛ̀ʼɛ̀.

Edêe Fughu 21:3

Mùghò n daŋso zùw ndùw ghe dzɛ̂ sə wo fughu an ndàŋ è kə̀də̀ŋ e te an dzə̂ è tughu enyəa, “Kòʼô, luʼū kəla Zə̀ kə̀ mughu a te lo dzəəŋ ghèe ghê ghì ghò. Kə lo mùghùun ghèe ghee, ghe e ke lo ghî a wə̄n gho, kə e ke lo Zə̀ kə ghee ko.

Edêe Fughu 3:21

Ghùw wəla ù ghaʼ bo zo, Ǹ lo fughu nu wə̄n â daʼa ko aledòʼò tsughu am bùghu e ndàŋ è kə̀də̀ŋ zaŋa, tò aŋghəa ghuūghùe waŋā u fə̀ ghaʼ sugho bo zo, mùghò n dòʼò tsughu am bùghu e Bə̀ghà an ndàŋ è kə̀də̀ŋ è wə̄n.”