Lumà 5:18 - To kə Kəzə̀ kə̀ Fughu ko

¹⁸ Ghəa e lô enyəa aŋghəa bo e ghûw u mɔ̀ʼ e fə̀ ghəŋlo Zə̀ kə̀ n dzɛ̀ enyəa aghî a dzə̀m ghə̀ m bvʉ̂ sāʼ, e fi lo nû enyəa ghəa e ghûw e dzûŋ zò e mɔ̀ʼ zə ŋ ghəŋlo Zə̀ chia kə zê zəghà ghî yia a bughò doʼò tsəghatsəgha a vʉ̀a wə̄n, chia kə fughuu sughò ghee a mùghù zò.

Lumà 5:18 Iomraidhean Croise

Dzɔ̌n 1:7

U fə̀ sə wo aletesō dzâa wô fwaʼ kə tsə̂ è te a ghì ghò enyəa ghe zuw, to ghe boo.

Dzɔ̌n 12:32

Abugho ghe lo tɔ̂ʼ kɔʼso kɔʼ mugho edzuŋ, aghî a dzə̀m lo daŋso boō fughuu wô â mùghò.”

Dzɔ̌n 3:26

Ghe m bùghò dzɛ̀ â Dzɔ̌n enyəa, “Wàdè, ghùw wəla ghàa wə̄n mò lo a dzə̀m a ŋgùŋù tsə̀, abugho a dâŋ sə kɔʼ Dzodàn, wəla ghù fə̀ teso dzàa ghəa a wə̄n gho enyəa ù lǒ Ù tsùʼu, ù lò fɛ, fughu àghì â mùghù ŋ Kə̀zə̀ mò, ghî a fi tsòo nyə̀ŋo ko a fughu.”

Kə̀fwàʼ 13:39

àsùghò enyəa ghùw wəla ù boō fughu tsughu â Zə̀ kò, Zə̀ kə m bəghasə tsughu wə̄n aŋ ghùu bòo tə̀n tə̀ dzə̀m lâŋ kə Musî kə̀ mò yô alezèe zəghàa wən a te.

Lumà 3:25

Wə̄n wəla Zə̀ kə fə̀ nî fughu sə wo enyəa ù bùghò kpuw vʉ e kəmùwnlo to kâŋ tə wən tə sûuw maʼa bòo tə aghì ghəla ghe boō fughu â wən. Zə̀ kə fə̀ enyə ghəŋlo aledèe tsughu enyəa kə lo tsəghatsəgha. Nu â wǐiwǐi, kə mò kɔɔn tsughu fə̀ŋ, kə̀ n tsò zhə̌ən zə̀ghàa sùgho bòo tə aghì.

Lumà 4:25

Yɛso wəla Zə̀ kə fə̀ fughu sə wo enyəa u kpuw bòʼ bòo tə sɛ̀. Zə̀ kə n zòm nùghù kɔʼ wə̄n alo evʉ enyəa to Zə̀ kə̀ mô nîi naŋa sɛ̀ aŋ ghì a tsəghatsəgha gho.

Lumà 5:12

Bo e fə nyə wo am mbī mo e kaʼ tsughu a zəŋò ghùw u mɔ̀ʼ. Bo e te zə n nì wò è vʉ. Vʉ zə n ndàŋ nduw a zəŋo ghì ghò a dzə̀m am mbī bòʼ aghî a dzə̀m ma fə ghəəŋ bo zo.

Lumà 5:15

Namso kəla Zə̀ kə̀ ndzə̂əm fughuu wo yo dzə tò bo e Adàm. Tɔŋlo enyəa ndə̀m e aghì fə̀ kpuwnlo bòʼ bo e ghûw u mɔ̀ʼ. Dzɔ̂ e Kəzə̀ zəa e kuūwn ŋgeē duūw àsùghò ndzə̀əm kə kənamso kə wə̄n kəla ù fughu â ndə̀mà tə aghì tò am bàm e dzɔ̀ e ghùw ù mɔ̀ʼ sughò, tɔɔŋ Yɛso Kə̀lestò.

Lumà 5:19

À fə̀ lo bòʼ tughu e kətuw e ghùw u mɔ̀ʼ ndə̀mà tə aghì tə fə̀ ndûw bugho ghî à biigh gho, à lo sugho eghala bòʼ ghùw ù mɔ̀ʼ fə̀ zuw sugho lâŋ kò e fə̀ ghəŋlo ndə̀mà tə aghì tə lo bugho doʼn tsəghatsəgha.

Lumà 6:14

Bo e lo kòom kì yo daʼa kə̀ li ko a zəŋò ghɛ̀, mbuu ghɛ̀ kôom yò dzə a tsəlà làŋ kò, nu ghɛ̀ êzəŋ kuuwn mùghu an dzɔ̀ e Kəzə̀.

1 Kòlentìan 15:22

Tò aŋghəa ghî ghən a dzə̀m lo kpuwnlo aŋghəa ghe mò lô fəgha ko kə mɔ̀ʼ ghèe ghê Adàm, à lò sùghò eghala ghî ghə̀n a dzə̀m lo doʼn wo ebàm â tuw ko aŋghəa ghe lô fəgha ko kə mɔ̀ʼ ghèe ghê Kə̀lestò.

Hibùlù 2:9

A kuuwn kòʼò ndùw nù Yɛso, wəla ghe fə̀ ghəə̄ŋ tsughu enyəa tsə̀təndə̄ghā tə tsùuŋ tsə̀ghàsə tsughu wə̄n aŋ kəmà fə kəgha, Zə̀ kə̀ n tsuʼ naŋa kɔʼ wə̄n alo udwaʼa àsùghò kɔʼso mò, aŋghəa u mò fala alekpuw, enyəa an dzɔ̀ zəla Zə̀ kə̀ ki a zəŋò sɛ̀ to ù mò kpuw an tuw u ghì ghən a dzə̀m.

2 Pità 1:1

Mùghò Sǎemòn, tɔɔŋ Pità, wəla Ǹ lo ghùw ù kə̀fwàʼ àsùghò tum è Yɛso Kə̀lestò; M̀ fughu wò ètɔŋlo â ghɛ̀ ghəla ghɛ̀ lo mò ghɛ̀ ŋ kele boo zəla e tughuu sugho tò zaʼā zo. À lǒ bòʼ dzɔ̀ e Zə̀ kə sɛ̀ àsùghò e Bəghambī ù sɛ̀ zo e ghəŋlo enyəa sɛ̀ e ki boo zən zo.

1 Dzɔ̌n 2:20

Yia a kuuwn bughò â ghɛ̀, Kə̀lestò ŋ ghɛ̀ â Zuʼ tə Zɔlɔ tə fughu, ghɛ̀ a dzə̀m yia a kwo seŋò zò.