Lumà 5:11 - To kə Kəzə̀ kə̀ Fughu ko

¹¹ À kà yò ko ezə̀, a ki sugho nû duʼn zo â Zə̀ kò bôʼ Yɛso Kə̀lestò, Mughùbè u sɛ̀ wəla ù ghəəŋ tsughu sɛ̀ yia a lò fən gho sɛ̀ à ghê Zə̀ kò.

Lumà 5:11 Iomraidhean Croise

Lûk 1:46

Mèle n dzɛ̀ enyəa, “M̀ fughuu ŋkɔʼso â Mughu ù te am fə̂ŋ zaŋa e dzə̀m.

Dzɔ̌n 1:12

A m bùghò ghì ghəla ghe kpe nī Wə̄n, boo fùghù tsùghù sùghò â wə̄n, ù m fughu ghee â daʼa ko aledòʼò wɛ a Kəzə̀.

Lumà 11:15

Nəghā zəla Zə̀ kə fə̀ tue maʼà tsughu Dzûu tò, kə n nì kaaŋ wò ghì a li ghən am mbī enyəa ghe bughò doʼò ghì a wə̄n. E kê bòʼò lò ênzə̂n abugho Zə̀ kə kôom nî nyə wô Dzûu tò ebàm a? To e bɔɔ̄m doʼò ko tò ghùw ù kpǔuw lô zôom nughùn wô alo evʉ̄.

Lumà 2:17

Ghɛ̀ ghəla ghɛ̀ dzɛ̂ enyəa ghɛ̀ lo Tə̀dzûu, ghɛ̀ tsəghà tə̀ŋò dòʼò tsughu an làŋ kə Musî, ghɛ̀ yia tsɔ̂ɔ sugho fə̂ŋ tò enyəa ghɛ̀ lo ghî a Kəzə̀.

Lumà 5:1

Ghəa e lo êzə̀, Zə̀ kə̀ n nì sɛ̀ aŋ ghì a tsəghatsəgha gho bòʼ enyəa sɛ̀ gaʼ fə̀ŋ a zəŋò wə̄n, sɛ̀ à ghê Zə̀ chia kə lò sugho alo ebughunlo am bàm e Mughùbè ù sɛ̀ Yɛso Kə̀lestò.

Lumà 5:10

Ghəa sɛ̀ fə̀ buʼù lô tsəgha ko ghî a kətuw a Kəzə̀ ghò, Zə̀ kə n naam nì təm dzəəŋ wò ko sɛ a ghee alo kəfəgha kə mɔ̀ʼ an vʉ e wàa wən. Yia abugho êzəŋ wəla sɛ̀ lô ghî a wə̄n gho, sɛ ki alekwo tən enyəa Kə̀lestò lo bəghasəa nǔ sɛ̀ êzəŋ wəla ù lò â tuw ko.

Lumà 5:3

Zəla e bûʼ tsəgha taʼa zən lò enyəa, sɛ̀ ki aleduʼn sugho am fala e sɛ̀, bòʼ sɛ̀ kwo nû enyəa fala e ghəəŋ nù sɛ̀ n lo alekɔlɔ fə̀ŋ alo aghəa.

Lumà 8:23

À bùʼ kà yo ko fʉgha u te wo u dînlo am fɔnlo e te zo, ghuūghùe e sɛ̀ ghəla sɛ̀ bûʼ ki Zuʼ tə̀ Zɔlɔ to tǒ fughu kə Kəzə̀ kə sûesʉ ko, sɛ̀ zuuw efɔnlo, dìi sughò nʉghà ù nʉ̀ghà aŋghəa sɛ̀ ləmlo enyəa Zə̀ kə̀ lo bughò nîi naŋa tsughu sɛ̀ tò wɛ a wə̄n; asùgho enyəa kə zuū səā sughò tuw kə sɛ̀.

Lumà 9:10

À bùʼ yò ko zə̀, Lɛ̀bɛkà fə̀ wɛ a wə̄n ghən a bə̀ghà dzə ko ghèe num, tɔɔŋ Esâʼ, tsele ù ghê tsele a sɛ̀.

1 Kòlentìan 10:16

Wùa zəla sɛ̀ dzeŋe mʉā səa kɔʼ a te abugho a kɔʼsō Zə kò, à mgbàŋ yò kâŋ tə Kə̀lestò a sɛ̀ dzeŋe mʉā a? À m bùghò a boʼn zə kɔʼ bɛ ko, à fi mgbaŋ yò gwən e Kə̀lestò a dzeŋe zəā a?

2 Kòlentìan 8:19

À bùʼ kà yò ko êzə̀, dzweŋe u ghì a Kəzə̀ ù tsɔʼ kɔʼ wə̄n enyəa ù è bwiī kaaŋ ghàʼ à ghee aŋghəa fwaʼà nduw fwàʼ kə̀ dzûŋ kən kəla kə fughuu kɔʼso mò â Mughu ù te, àsùghò aledèe tsughu enyəa ghàʼ ləghaa nù alefughu yôsò zò â ghì ghò.

Gàlashìan 4:9

Yia a kuuwn bughò êzəŋ wəla ghɛ̀ kele tsughu Zə̀ kò, ŋkāa aŋghəa Zə̀ kə̀ kwo ghɛ, ghɛ̀ lo ênzə̂n alekòom nughù ndûw èbàm a vʉ̀a bvùʼù mə̀ nzə̀a ŋ kə̀nughùnùghù məla n saʼā mbī zən a, alendùw doʼò kpeʼe ndûw ukɔ̀ u gheē a?

Gàlashìan 5:22

Twam wəla Zuʼ tə̀ Zɔlɔ tə mʉā wo lò, eləgha, ebughunlo, ghue ù zumso wo, mwam ù dzûŋ wò, edzɔ̂ àsùghò səŋò zò,

Fèlepìan 3:1

Aŋ ghəa à li ghən a waazə̂ ghaŋa gho, duʼn kɛʼɛ̄ kə e lo nduw ko nû, tɔŋlo enyəa ghɛ̀ lo ghî a Mughu ù te. À yò dzə̂ tsû ù li wo â mùghò aletɔɔ̄ kûeen kpeʼē wô ko ghɛ̀ â ghəa è mɔʼɔ̄ zo.

Fèlepìan 3:3

Tɔŋlo enyəa sɛ̀ fɛ lǒ tò ghî ghəla ghe lo mo ghe n twii u ghee wo u dzə̂əm sugho, ghî ghəla ghe kɔʼso Zə̀ kò mò à ghe â daʼa kə fughuu wò Zuʼ tə̀ Zɔlɔ to am bàm e Kə̀lestò Yɛso,

Fèlepìan 4:4

E duʼnlo nlò an ghəa e Mughùte nəgha tən tə̀ dzə̀m. Ǹ so naam dzàa kueen wô ko â ghɛ̀ enyəa elo alo eduʼnlo.

Kòloshìan 2:6

Ghəa e nyɔ̂ʼ lô enyəa ghɛ̀ m boo fughuu â Kə̀lestò Yɛso, Mughu ù te, e ti ko nlò ghuw ko kə mɔ̀ʼ ghɛ̀ à ghee.

1 Pità 1:8

Ghəa ghɛ̀ lo ko mò ghɛ̀ kaam wə̄n m bûʼ kòʼ, ghɛ̀ yia ləghaa wə̄n, alekòom nîi tsughu sughò, ghəa ghɛ̀ koʼò ko yo wə̄n, ghɛ̀ yia naām boō fughu ko â wə̄n. Ghɛ̀ yia ki duʼnlo è ne zo àsùghò tsoʼn zəla ghùw buw aletɔ̀ʼɔ̀ teso dzɛ̂.