Lumà 5:1 - To kə Kəzə̀ kə̀ Fughu ko

¹ Ghəa e lo êzə̀, Zə̀ kə̀ n nì sɛ̀ aŋ ghì a tsəghatsəgha gho bòʼ enyəa sɛ̀ gaʼ fə̀ŋ a zəŋò wə̄n, sɛ̀ à ghê Zə̀ chia kə lò sugho alo ebughunlo am bàm e Mughùbè ù sɛ̀ Yɛso Kə̀lestò.

Lumà 5:1 Iomraidhean Croise

Lûk 19:38

Ghe n dzàa tsùghuu enyəa, “Dzɔ̀ lǒ də̀ŋ kəla kə bugho an zən e Mughu u te! Bughunlo e lo alo kəwālā à kəma mò â Zə̀ ghaʼa kən kə̀ dzə̀m!”

Lûk 19:42

ù n dîi, dzâa tsùghuu enyəa, “Abugho ghuūghùe zɛʼɛ̄ e mô lô alekpaʼā buʼù kele kô ghəa ghəla a bughòo â bughuso zo tsuʼ u nɛ wə̄n, à sò fɛ lo ko enyəa ghe n nàn ghəa a te gho â ghɛ̀, enyəa e kwo ghɛ̀ lô kele.

Lûk 2:14

“Kɔʼso n lo â Zə̀ kə̀ edzuŋ ko. Ghî ghəla ù taʼ sugho ghèe ghee am mbī, ghe n dòʼò nyə̀ wò alo ebughunlo.”

Dzɔ̌n 14:27

M̀ fughu ghɛ â bughun zo, bughun zaŋā zəla M̀ fughu â ghɛ̀, Ŋ̀ kâ fùghù dzə̀ to aŋghəa mbī fughuu. E kwo ko ghùw wɛʼɛ lô so e bâŋsò fə̀ŋ aŋghəa è li zo ŋkāa ù lò so e tsəŋo ghə̀a è li zo.

Dzɔ̌n 16:33

Ŋ̀ ghəa ghən gho â ghɛ̀ fɛ nì dzɛ̀ wò enyəa to ghɛ̀ mô kì ebughunlo bòʼ mùghò. Ghɛ̀ lo ŋgee faan nù fɛ am mbī; kuuwn dzə̀la tsughu ko nlò fə̂ŋ tò, nu mùgho m mbī tughu tsəghà.”

Dzɔ̌n 20:31

ghe ghəa ghən fɛ kuuwn tɔm naŋa aleghəə̄ŋ tsughu enyəa ghɛ̀ boo fughu enyəa Yɛso lǒ Kə̀lestò, Wɛ u Kə̀zə̀, àsùghò enyəa, am boo zɛʼɛ̄ to ghɛ̀ mo kele mughù zò an zən e wə̄n.

Dzɔ̌n 5:24

Kùmkùm, aŋghəa Ǹ dzâa wô fɛ â ghɛ̀, ghùw wəla ù zuw shwaʼ waŋa wo, boo fùghù ndùw â wə̄n wəla ù mò tum wô mugho lo kele nù mughù è doʼn təla zo, ghe kê dzùuw màʼn yǒ wə̄n; tɔŋlo enyəa ù n nùghù sə̀ wò alo evʉ̄, dòʼò wò â tuw ko.

Kə̀fwàʼ 10:36

Ghɛ̀ kwo nû tum zəla ù fə̀ tum nduw â ghì ghə Ezə̀lɛ̂ ghò, tsʉ̀a ndùw àghì aŋ ghəa ghe lô alekele èbughunlo a te am bàm e Yɛso Kə̀lestò (ù lò Mughùbè ù ghì ghə̀n à dzə̀m).

Lumà 1:17

Làbəlà è dzùŋ zən dêe fughuu wò dzì zəla Zə̀ kə̀ ghəŋlo a te enyəa ghùw è lo tsəghatsəgha a vʉ̀a wə̄n; mò a lò ko â ghì ghəla ghe tɔ̂ʼ boo fughu â wə̄n alendùw tâa ndûw. E fɛ nyoʼn lò aŋghəa ghe tɔm naŋā am mwàʼsò kə Kəzə̀ enyəa, “À lô tuw kə zəa ghùw wəla Zə̀ kə̀ ghəə̄ŋ tsughu enyəa ù è lo tsəghatsəgha a vʉ̀a wə̄n bòʼ fə̀ŋ zəla ghùw ù te gaʼ tsughu a zəŋo Zə̀ kò.”

Lumà 1:7

Mwàʼsò kən kə tɔɔ wò â ghɛ̀ yì a dzə̀m a fi am mbùʼ è Lumà Zə̀ kə̀ ləghaa, tsɔʼ kɔʼ ghɛ enyəa ghɛ̀ doʼo ghî a wə̄n gho. Ŋ̀ gɔ̂ŋlò enyəa to Kə̀zə̀, Tsele ù sɛ̀ ghèe Mughu ù te Yɛso Kə̀lestò mò dê ghɛ̀ â dzɔ̀ zò, ghe fughuu sugho ghɛ̀ â bughuun zo.

Lumà 10:10

Bòʼ à lò fə̀ŋ zəla ghùw gaʼā tsughuu a zəŋò Zə̀ kò enyəa è kə̀ ghəŋlo enyəa ghùw ù te doʼò tsəghatsəgha, à lò sugho bòʼ enyəa ghùw dzâa sə̌a wò an dzughu e tughō zo enyəa ù bǒo fughu â Yɛso e ghəŋlo enyəa ù zə kətuw.

Lumà 10:15

Ghùw lò sugho alebùghò naʼà ênzə̂n tum lo, mo ghe kâ wə̄n tum sə wo a? Tò aŋghəa ghe tɔm taŋā am Mwàʼsò kə Kəzə̀ enyəa, “À ŋgè lǒ dzɔ̀ɔdzɔ̀ kə eghəa enyəa ghî ghəla ghe naʼn wo làbəlà è dzùŋ bùghòo nù.”

Lumà 14:17

Nu Fɔ̂e u Kəzə̀ u ki yo ghəa e li zo aleghəŋlo ghèe ghəa a zəa gho ŋkāa a mʉa a kəfəgha gho, à kǔuwn lò alemughu alo ebughunlo àsùghò an duʼn zəla Zuʼ tə̀ Zɔlɔ tə fughuu, àsùghò enyəa a e mughu mughù zəla e zɔlɔ an sə kə Kəzə̀.

Lumà 15:13

To Zə̀ kəla kə ghəŋlo enyəa a chiī tùʼ alo aghəa a dzə̀m mò fughu ghɛ â bughuun zo, kə ghəŋlo ghɛ̀ e duʼnlo, aŋghəa ghɛ̀ boō fughu tsughu à ghè kò, to enyəa Zuʼ tə Zɔlɔ tə mô ghə̀ŋlo ghɛ̀ e fəghaan ŋgee chiī tsughu tùʼ.

Lumà 15:33

To Zə̀ kəla kə fughuu sɛ̀ â bughuun zo e lo ghɛ̀ a ghee a dzə̀m. Zə e lo ko êzə̀!

Lumà 3:22

Zə̀ kə̀ ghəŋlo enyəa ghî à dòʼò tsəghatsəgha a vʉ̀a wə̄n abugho ghe boō fughu tsughu â Yɛso Kə̀lestò. Zə̀ kə̀ ghəŋlo enyə â ghì ghən a dzə̀m ghe boō fughu â Yɛso Kə̀lestò, mò nəŋo nəŋ yo a te

Lumà 3:30

Zə̀ kə̀ lo ko kə mɔ̀ʼ, e fi lo enyəa kə lo ghəəŋ nù enyəa Tə̀dzûu àsùghò ghì ghəla ghe yô Dzûu tò dòʼò tsəghatsəgha a vʉ̀a wə̄n an dzì è mɔ̀ʼɔ bòʼ fə̀ŋ zəla ghe gaʼ tsughu a zəŋò Yɛso.

Lumà 4:5

Ghe kuuwn nìi dzə̀ yǒ ghùw enyəa ù lò tsəghatsəgha am fwàʼ kə wə̄n, à lǒ bòʼ fə̀ŋ è wə̄n zəla ù gaʼ tsughu a zəŋò Zə̀ kəla kə nîi kɔʼɔ̄ ghùw ù bǐigh kə n naŋa wò aŋ ghùw ù tsəghatsəgha.

Lumà 5:11

À kà yò ko ezə̀, a ki sugho nû duʼn zo â Zə̀ kò bôʼ Yɛso Kə̀lestò, Mughùbè u sɛ̀ wəla ù ghəəŋ tsughu sɛ̀ yia a lò fən gho sɛ̀ à ghê Zə̀ kò.

Lumà 5:18

Ghəa e lô enyəa aŋghəa bo e ghûw u mɔ̀ʼ e fə̀ ghəŋlo Zə̀ kə̀ n dzɛ̀ enyəa aghî a dzə̀m ghə̀ m bvʉ̂ sāʼ, e fi lo nû enyəa ghəa e ghûw e dzûŋ zò e mɔ̀ʼ zə ŋ ghəŋlo Zə̀ chia kə zê zəghà ghî yia a bughò doʼò tsəghatsəgha a vʉ̀a wə̄n, chia kə fughuu sughò ghee a mùghù zò.

Lumà 6:23

Ghɛ̀ kele tsughu enyəa, namso kəla ghùw kele am bo zəla ù ghəə̄ŋ tsughu lò evʉ, Zə̀ chia kə kuuwn tsôo ndzə̂əm fughuu ko mughù è doʼn təla zo am bàm e Kə̀lestò Yɛso, Mughùbè ù sɛ̀.

Lumà 9:30

A lo aledzàa tsughu èndugho êzəŋ à? E lo enyəa Toʼò zəla e mò buʼù kəŋo yo alebùghò doʼò tsəghatsəgha a vʉ̀a Zə̀ kò m bùghò dòʼò, mo ghe bùghò dòʼò tsəghatsəgha bòʼ ghe boō fughu tsughu â Zə̀ kò.

Gàlashìan 2:16

a kwo sugho nû enyəa ghùw dòʼn dzə̀ yǒ ghûw ù zɔ̀lɔ a vʉ̀a Zə̀ kò enyəa so ù nàŋa tsughu kəlâŋ, à lǎam lò abugho ù gaʼ tsughu fə̀ŋ e wə̄n a zəŋò Yɛso Kə̀lestò. Zən lò e ghee ghàʼ boō fughu ndûw sugho â Kə̀lestò, enyəa ghàʼ doʼò tsughu ghî à zɔlɔ gho am fə̀ŋ zəla a gaʼ tsughu a zəŋò Kə̀lestò Yɛso, à yò dzə̂ làŋ kə̀ naaŋ ko; tɔŋlo enyəa abugho à lò ko an làŋ kə̀ naaŋ ko, ghùw yò aledòʼò ghùw ù zɔ̀lɔ.

Gàlashìan 3:25

Yia kuūwn bughò êzəŋ wəla ghəa è gaʼā a fə̂ŋ zən bugho, à kà kòom kwukele dzə̀ lâŋ kǒ sɛ̀.

Gàlashìan 5:22

Twam wəla Zuʼ tə̀ Zɔlɔ tə mʉā wo lò, eləgha, ebughunlo, ghue ù zumso wo, mwam ù dzûŋ wò, edzɔ̂ àsùghò səŋò zò,

Efɛsùs 2:7

Zə̀ kə fə̀ ènyə ghəəŋ tsughu enyəa an tì kəla kə ki alebùghò, kə ke e lo aledè dzɔ̀ e wə̄n e ne zo an ləgha zəla kə lo mo kə n dè â sɛ̀ aŋghəa ù fə̀ ghəə̄ŋ tsughu enyəa sɛ̀ doʼò kə̀fəgha kə mɔ̀ʼ sɛ̀ à ghê Kə̀lestò Yɛso.

Fèlepìan 3:9

mùghò è kuūm lo fəgha ko kə mɔ̀ʼ ghàʼ à wə̄n, də̀mà yò alelo tsəghatsəgha aŋ ŋgəŋ zaŋā, à yò dzə̂ alelo tsəghatsəgha enyəa Ǹ zûuw làŋ kə enaʼ ko. Mùghò êzə̄ŋ e lo tsəghatsəgha bòʼ boo zaŋā àsùghò fə̀ŋ zaŋa zəla Ŋ̀ gaʼ a zəŋò Kə̀lestò,

Kòloshìan 1:20

À fə̀ lo sugho am bàm e Wɛ ù wə̄n Zə̀ kə fə̀ nî naŋā wo fʉgha wo u dzə̀m e bàm a tsəla wə̄n, wəla u lô alô kəwālā àsùghò aŋ ghueekətsə̄. Zə̀ kə fə̀ êzə̀ ghəəŋ tsughu alenìi wô ebughunlo aŋ kàŋ tə Yɛso təla tə fə̀ tsughu tsughu alo kədàŋlo.

Kòloshìan 3:15

Bughun zəla Kə̀lestò fughuu â ghɛ̀ lò aledeē nduw ghɛ â fəgha kə̀là ghɛ̀ ki aleghəŋlo, bòʼ Zə̀ kə̀ mò ghɛ̀ fɛ tɔŋɔ enyəa ghɛ̀ bugho doʼo tǒ ghùw u mɔ̀ʼ enyəa ghɛ̀ kele bughuun zən zo, tò ghɛ̀ è fughuu zɔ̀ɔŋ kò â Zə̀ kò.

1 Tɛ̀sàlonìan 5:23

To Zə̀ kəla kə fughu bughun zo mô tɔʼɔ̀ ghəə̄ŋ tsughu enyəa ghɛ̀ è zɔlɔ, wən à mughu ko: to ghue zɛʼɛ, zuʼ tɛʼɛ àsùghò gwən e ughùe zɛʼɛ zo mô kì yo dzʉ ù li wo alebùghò tâa wô an tsuʼ fəla Mughu ù te Yɛso Kə̀lestò kè bugho a te ebàm.

2 Tɛ̀sàlonìan 3:16

To ghuūghùe u Mughu ù te wəla ù fughuu ghî ghò â bughuun zo, mò fughuu sughò ghɛ â bughuun zo alo tənə̀gha tə dzə̀m àsùghò alo aghəa a dzə̀m. Mughu ù te e lo ghɛ̀ à ghee a dzə̀m

Hibùlù 13:20

Ŋ̀ gɔ̂ŋlò êzəŋ enyəa to Zə̀ kə ebughuun kəla kə mò kôom nî nughù wò Mughùbè Yɛso alo evʉ̄, wəla ù lǒ bàʼàtə̀ndzì ù ghàʼa — aŋghəa kə fə̀ nî kɔʼ kàŋ tə wə̄n to zə kɔʼ kàa məla n dòʼo tən a te,