Biblia Todo Logo
Bìoball air-loidhne

- Sanasan -




Lumà 4:17 - To kə Kəzə̀ kə̀ Fughu ko

17 To aŋghəa ghe tɔm naŋa am mwàʼsò kə Kəzə̀ enyəa, “Mùghò ŋ ghəŋlo enyəa ghù è lo tsele â ndə̀mà tə tənàʼà.” To kən kə lo êsəŋò a sə̌a Zə̀ kəla Abə̀làhâm gaʼ fə̀ŋ a zəŋò ghè kò. Zə̀ kəla abugho ghùw kpuw ko nù, kə n zòm nàŋa wò ghùw u te ebàm. Mo fəgha kə yo tsəgha ko nu, kə n ghəəŋ tsughu enyəa kə səa kɔʼ, kə e lo.

Faic an caibideil Dèan lethbhreac




Lumà 4:17
32 Iomraidhean Croise  

E kwo ghɛ̀ lô moʼò enyəa ghɛ̀ lo nû alezə kətuw abugho ghɛ̀ dzâa tsùghù dzə̂ enyəa, ‘Abə̀làhâm lǒ tsele waʼa.’ Tɔŋlo enyəa to Zə̀ kə̀ nîi kɔʼ tia ghən kə fənsò fughuu kɔʼ awɛ a te â Abə̀làhâm.


Aŋghəa Tsele bɔɔ̄m zôo nughùun kɔʼɔ̄ ghî à kpuuwn gho alo evʉ̄, naaŋ wò ghee â tuw ko, wɛ bɔɔm fughuu sùghò êzə̀ mughù zò â ghì ghə̀là ù tsə̀m tsughu.


Kùmkùm, M̀ fɛ dzàa wò nù â ghɛ̀, nəgha e te e kpee wò nù, zə m bùʼ kpē, mo ghî à kpuwnlo a kê zǔuw wô dzə̀ è Wɛ̀ ù Kə̀zə̀, ghəla ghe zuw tɔ, ghe lo zôo doʼò wò â tuw ko.


À lò Zuʼ tə Kəzə̀ tə fughuu ghùw â mùghù zò, gwən e ughùe ki yo ghəa è li zo aleghəŋlo. Shwaʼ wəla Ǹ tsɔ̂ɔn tsughu fɛ â ghɛ̀ lò Zuʼ tə Kəzə̀ təla tə fughuu ghɛ â mùghù zò.


Mughu ù te mò ghəəŋ tsughu enyəa ghî à kelê ghəa ghən â wǐiwì.’ ”


Alenìi tsughu, à lo mò Zə̀ kə̂ ka lò ko kə Tə̀dzûu kò, chia kə kuūwn buw kə Ghì ghəla ghe yô Dzûu tò à? Ɛ̂ŋgaŋ dzə̂, kə ka yò ko kə Tə̀dzûu tò, kə lo sugho Zə̀ kə ghì ghəla ghe yò Dzûu tò.


Abə̀làhâm fə̀ gaʼ fə̀ŋ a zəŋò Zə̀ kò, ù n chîi tùʼ am fəgha kəla Zə̀ kə fə̀ dzɛ̂ enyəa kə lo nìi nù bəla ko, aŋghəa e fə̀ bûʼ lô ko ghəa è tughu zo â ghùw aleboo. Zən lò e ghee ù fə̀ bughò doʼo tsele ù n dəmà tənàʼà. Ù n tèlè bùghò dòʼò kò tsele ù ndə̀mà tə̀nàʼà an dzughu zəla Zə̀ kə fə̀ dzɛ̂ naŋa â wə̄n enyəa, “Wɛ ghə̂a a kê lò ndə̀m tǒ sə̀ghàbəlà mə̀la n lò edzūŋ.”


Abugho e mò lo enyəa Abə̀làhâm fə̀ tsəghatsəgha a vʉ̀a Zə̀ kə̀ doʼo mò à lò fwàʼ kə wə̄n, to ù mò ki ghəa è li zo ù tsɔ̌ɔ fə̀ŋ a te, mò à kǔuwn yo dzə a vʉ̀a Zə̀ kò.


Abugho e kuuwn lô enyəa Zuʼ tə Zə̀ kəla kə fə̀ zôm nughu kɔʼ Yɛso alo evʉ lo nû a zəŋo ghɛ̀, e fi lo enyəa wə̄n wəla u mò zôm nughù wo Kə̀lestò Yɛso alo evʉ lo ghəəŋ nù ghue zɛʼɛ zəla e kpuūw lo kôm kele èmùghù, bòʼ Zuʼ tə Kə̀zə̀ təla tə lo a zəŋò ghɛ̀.


Ghəa wɛ a te a fə̀ bûʼ lô ko mo ghe kaām ghee n dzə̄, à n lo sugho mò ghee kaām ghəəŋ naŋa dzə̀ ghəa è dzûŋ zò è li zo ŋkāa è biigh zo, aledèe wô enyəa dzì zəla Zə̀ kə̀ niī kɔʼɔ̄ aleshìa ghùw ù wə̄n a te yo dzə̂ aŋ ghəa è li zo ghùw ghəə̄ŋ tsughu, à kuuwn lò enyəa à tsə̀mà kɔ̀ʼɔ Kəzə̀ aletɔ̄ŋɔ̄ ghùw ù te.


A m bùghò an lùʼu təla ghe mò dzɛ â ghì a te gho enyəa, ‘Ghɛ̀ yo dzə̂ ghî ghaŋa gho.’ Ghe lô ghee êzəŋ e tɔŋlo enyəa ghe lo Wɛ a Zə̀ kəla kə mughu.”


Ù n shìaa kɔ̀ʼ ghəa ghəla ghe chwiīlwiī àsùghò lwənso mə ŋ ghə̀an mò, bùʼ shìaa kɔ̀ʼ sùghò ghəa ghəla a buw alo aghəa aletsughuso maʼà ghəa ghəla a lô ghəa gho.


Zən lò e ghee ghe tɔm tsughu enyəa, “Ghùw ù sûesʉ, Adàm, m bùghò dòʼò wò ghùw wəlà ù mùghu am mbī.” Adàm wə̀ ebàm wən bùghò dòʼò wò Zuʼ tə Kəzə̀ təla tə fughuu mughù zò.


M̀ fɛ êzəŋ e dzâa wò nù â ghù an sə kə Kəzə̀ kəla kə fughu mughù zò à fʉgha wə̄n wo ù dzə̀m, àsùghò an sə kə Kə̀lestò Yɛso wəla ù fə̀ ndzə̂əm kə̂aa ghəa gho an sə kə Pontios Paelɛ̀t, to ghùw wəla ù kwo səŋò zò,


Zən lo e ghee ghî a fə̀ sə tsughu aŋ ghuw wə̀n ù mɔ̀ʼ, mò ù m bùʼ mìaa mɛ̀ʼɛ̀ sugho, ghî a fə̀ sə tsughu aŋ ghùe ndzà tò nsə̀ghàbəlà alo kəwala àsùghò shiashia kə mǎakùw kò mo yo aletaŋ.


À lò aŋghəa a boō fughu tsughu â Zə̀ kò, a zuwkɛlɛ enyəa mbī fə̀ ghue u gbən sə kɔʼ wo mò à dzɛ̀ tsùghù Kəzə̀, to zə e lo enyəa ghe mò fʉgha wəla a koʼò nduw fəghaan sə kɔʼ am fʉgha wəla a koʼò yo.


À fə̀ lo bòʼ Nôa fə̀ boō fughu tsughu â Zə̀ ko e fə̀ ghəŋlo ù n zùw ndùw shwaʼ u Kəzə̀, aŋghəa Zə̀ kə̀ kʉɛɛn tsughu wən kùu nduw ghəa ghəla ù fə̀ kaām koʼò yo, u m bəgha kɔʼ kəkwə̀n alebəghaasə kèndughu kə wə̄n. Aŋ ghəa zən, Nôa fə̌ fi de nduw enyəa ghî a mbī a lo ghî a biigh gho. Bòʼ Nûa fə̀ boō fughu â Zə̀ kò, Zə̀ kə̀ n nì ndùw wə̄n enyəa ù lo ghûw u tsəghatsəgha.


Sʉèsʉ, ghɛ mò buʼ yo tsəgha dzə ghî a Kəzə̀ ghò, yia a kuūwn bugho êzə̄ŋ, ghɛ yia lô ghî a wə̄n gho; alekòom nîi tsughu, Zə̀ kə̀ ka fə dê se e wə̄n e kwuso zo a zəŋò ghɛ̀, yia a kuūwn bugho êzə̄ŋ, ghɛ̀ n tɔ̀ʼ kòʼ aŋghəa Kə kwuso se zo a te a zəŋò ghɛ̀.


Fən ghaŋa à dzûŋ ghò, ghəa e kuuwn lô e mɔ̀ʼ ghɛ̀ ki yo alenìizə̂, ghəa e te e lo enyəa: an sə kə Mughu ù te, fətsuʼ fə mɔ̀ʼ fə̀ lo tò tənǔu təbɔm èghəm; tənǔu təbɔm èghəm tia tə lo tò fətsuʼ fə mɔ̀ʼ. Ghəa a te gho a bə̀ghà lò ko kəfəgha kə̀ mɔ̀ʼ â wə̄n.


Lean sinn:

Sanasan


Sanasan