Lumà 4:16 - To kə Kəzə̀ kə̀ Fughu ko

¹⁶ Zə̀ lò e ghee à mìaa ko fə̀ŋ zəla ghùw gaʼ tsughu a zəŋò Zə̀ kò è ghəŋlo enyəa ù kele dzɔ̀ e Kəzə̀. Dzɔ̂ zən fɛ lo tǒ tsə̌a aledèe wô enyəa Zə̀ kə̀ lo ghəəŋ nù ghəa ghəla kə fə̀ to naŋa â waawɛ ghə Abə̀làhâm ghò a dzə̀m — ghəla ghe gaʼ tsughu fə̀ŋ a zəŋò Zə̀ kò tò aŋghəa Abə̀làhâm fə̀ gaʼ sugho fə̀ a zəŋò Zə̀ kò a te. E ka yò ko â ghì ghəla ghe zuuw lâŋ kò, mo dzɔ̂ e te e lo sugho â ghì ghəla ghe gaʼ sugho fə̀ŋ a zəŋò Zə̀ kò tò Abə̀làhâm, tɔŋlo enyəa Abə̀làhâm lo tsele ù sɛ̀ a dzə̀m.

Lumà 4:16 Iomraidhean Croise

Lûk 19:9

Yɛso n dzɛ̀ â wə̄n enyəa, “Nɛ an tsuʼ u nɛ wə̄n, ndughu zən n tuw kə zə bòʼ tûwbʉ̀ghà wən lo sugho wɛ ù Abə̀làhâm.

Lumà 15:8

Ǹ so Ǹ dzâa wô â ghɛ̀ enyəa Kə̀lestò fə̀ bugho tǒ ghùw u kəfwàʼ â Dzûu tò alebùghò dêe tsughu enyəa Zə̀ kə naaŋ nù dzughu e wən zo am fəgha kəla kə fə̀ to naŋa à ghê tselê tsele a ghee gho.

Lumà 3:22

Zə̀ kə̀ ghəŋlo enyəa ghî à dòʼò tsəghatsəgha a vʉ̀a wə̄n abugho ghe boō fughu tsughu â Yɛso Kə̀lestò. Zə̀ kə̀ ghəŋlo enyə â ghì ghən a dzə̀m ghe boō fughu â Yɛso Kə̀lestò, mò nəŋo nəŋ yo a te

Lumà 3:30

Zə̀ kə̀ lo ko kə mɔ̀ʼ, e fi lo enyəa kə lo ghəəŋ nù enyəa Tə̀dzûu àsùghò ghì ghəla ghe yô Dzûu tò dòʼò tsəghatsəgha a vʉ̀a wə̄n an dzì è mɔ̀ʼɔ bòʼ fə̀ŋ zəla ghe gaʼ tsughu a zəŋò Yɛso.

Lumà 4:11

Ghe fə̀ tigh kə Abə̀làhâm kə̀ bugho sugho tsughu tǒ tsə̌a enyəa ù lo ghùw ù fə̀ ki gaʼ fə̀ŋ a zəŋò Zə̀ kò, Zə̀ kə̀ n nì ndùw wə̄n aŋ ghùw ù tsəghatsəgha bòʼ fə̀ŋ zəla ù fə̀ naŋa a zəŋò Zə̀ kò mo ghe kaām tigh kə wən kə m bûʼ sugho. Zən fə̀ lo aledèe tsughu enyəa Abə̀làhâm lǒ tsele a zəŋò ghì ghən a dzə̀m ghe lo boōm Zə̀ kò, Zə̀ kə̀ lo nîi ndûw ghe enyəa ghe lo tsəghatsəgha mo ghe kaām tigh kə ghee kə m bûʼ sugho.

Lumà 5:1

Ghəa e lo êzə̀, Zə̀ kə̀ n nì sɛ̀ aŋ ghì a tsəghatsəgha gho bòʼ enyəa sɛ̀ gaʼ fə̀ŋ a zəŋò wə̄n, sɛ̀ à ghê Zə̀ chia kə lò sugho alo ebughunlo am bàm e Mughùbè ù sɛ̀ Yɛso Kə̀lestò.

Lumà 9:8

Ghəa ghən fɛ mòʼnlò enyəa, à fə̀ yo dzə wɛ a awɛ ghə Abə̀làhâm a dzə̀m ghe fə̀ ni an taŋ enyəa ghe lo wɛ a Kəzə̀, à kuuwn tɔʼ lo ko wɛ ghəla Zə̀ kə fə̀ to naŋā enyəa ghe e ke kuūm lo wɛ a awɛ a wə̄n gho.

Gàlashìan 3:14

Kə̀lestò fə̀ enyə ghəəŋ tsughu enyəa, Toʼò zə è lo alekelê bughuso zəla Zə̀ kə fə̀ to naŋa â Abə̀làhâm, àsùghò enyəa sɛ̀ è lo alekelê Zuʼ tə̀ Zɔlɔ təla Zə̀ kə fə̀ to naŋā â sɛ̀ enyəa a kê kèle ko abugho sɛ̀ boō fughu tsughu â Kə̀lestò Yɛso.

Gàlashìan 3:16

Zə̀ kə fə̀ to kə to â Abə̀làhâm, àsùghò â wɛ ù wə̄n. Mwàʼsò kə Kəzə̀ kə̀ kâ dzɛ̀ dzə̀ enyəa, “Àsùghò â wɛ a awɛ a wə̄n gho.” E fi moʼò dzə̀ yǒ ndə̀m è àghì; e moʼò ko ghùw u mɔ̀ʼ, “Àsùghò â wɛ wʉ̂a.” Mò à lǒ Kə̀lestò.

Gàlashìan 3:22

Mwàʼsò kə Kəzə̀ kə̀ fwə̂n dzɛ̀ tsùghù enyəa aghî à dzə̀m am mbī lo ukɔ̀ â bo zo. E dêe enyəa, Zə̀ kə̀ lo fughuu kô namso kə̀là kə to naŋā â ghì ghəla ghe boō fughu â Yɛso Kə̀lestò.

Efɛsùs 2:5

Aŋghəa sɛ̌ fə̀ bûʼ lô ko tò sɛ̀ kpuw dòʼò nù bòʼ ghəa a sɛ̀ à biigh gho, Zə̀ kə̀ ŋ ghəəŋ tsughu enyəa sɛ̀ e dzeŋe mughu sɛ̀ à ghê Kə̀lestò. À lo dzɔ̂ zəla Zə̀ kə mò dê tsughu â ghɛ e mò ghəŋlo enyəa ghɛ zə tuw ko.

Efɛsùs 2:8

Tɔŋlo enyəa à ghəə̄ŋ dzɔ̀ e Kəzə̀ enyəa ghɛ̀ zə tuw ko bòʼ boo zəla ghɛ̀ ki â Kə̀lestò. À kà ghə̀əŋ tsùghù dzə̀ ghɛ enyəa ghɛ̀ zə tuw ko, à lǒ fughu kə Kəzə̀.

Taetùs 3:7

enyəa, bòʼ dzɔ̀ e Wə̄n n te zo, sɛ̀ è ke lo tsəghatsəgha a vʉ̀a Zə̀ kò, tò sɛ̀ è ke lo alenìi kelê mùghù è doʼn təla zəla sɛ̀ chiī tùʼ a te.

2 Pità 1:10

Waazə̂ ghaŋa gho, à fi lo enyəa ghɛ̀ ki alesɔʼn tsughu ŋkāa aledèe tsughu enyəa Zə̀ kə̀ ghɛ shìaa tɔ̀ŋɔ sə̀ wò nù enyəa ghɛ̀ bugho doʼō ghî a wə̄n gho. Abugho ghɛ̀ ghəəŋ dzə êzə̀, ghɛ̀ kê bvʉ̀ kòʼ yò am boo zɛʼɛ̄,