Lumà 4:14 - To kə Kəzə̀ kə̀ Fughu ko

¹⁴ Abugho e lo enyəa à fəgha kə̀là Zə̀ kə̀ to naŋa à ki alezə ghuw wəla ù zuuw lâŋ kò, e fi lo enyəa fə̀ŋ zəla ghe gaʼ tsughu a zəŋò Zə̀ kò kì dzə yo fwàʼ ko, asugho enyəa to kə Kəzə̀ kə̀ tsô lò ko dzughu è fughuu zo.

Lumà 4:14 Iomraidhean Croise

Lumà 3:31

E sò yia fɛ mòʼnlò enyəa lâŋ kə̀ kôom yò aŋghəa a boō fughu dzə â Yɛso Kə̀lestò à? Ɛ̂ŋgaŋ dzə̂, e laam lò enyəa a n lueso lâŋ kə te ko.

Lumà 4:16

Zə̀ lò e ghee à mìaa ko fə̀ŋ zəla ghùw gaʼ tsughu a zəŋò Zə̀ kò è ghəŋlo enyəa ù kele dzɔ̀ e Kəzə̀. Dzɔ̂ zən fɛ lo tǒ tsə̌a aledèe wô enyəa Zə̀ kə̀ lo ghəəŋ nù ghəa ghəla kə fə̀ to naŋa â waawɛ ghə Abə̀làhâm ghò a dzə̀m — ghəla ghe gaʼ tsughu fə̀ŋ a zəŋò Zə̀ kò tò aŋghəa Abə̀làhâm fə̀ gaʼ sugho fə̀ a zəŋò Zə̀ kò a te. E ka yò ko â ghì ghəla ghe zuuw lâŋ kò, mo dzɔ̂ e te e lo sugho â ghì ghəla ghe gaʼ sugho fə̀ŋ a zəŋò Zə̀ kò tò Abə̀làhâm, tɔŋlo enyəa Abə̀làhâm lo tsele ù sɛ̀ a dzə̀m.

1 Kòlentìan 1:13

À lò enyəa Kə̀lestò dzùghùun dòʼò nù à? Ŋkāa à lò enyəa à mò lo Pôl ghe mò təghāa an tuw wɛʼɛ, ŋkāa ghe mò ghɛ a mùghù ŋ Kə̀zə̀ m fughu an zən e Pôl a?

Gàlashìan 2:21

Ǹ yo dzə̂ aletuū maʼà ghəa zən enyəa Zə̀ kə̀ maā sɛ̀ bəghasə am fə̀ŋ è wən è dzùŋ zəla kə ki a zəŋò sɛ̀. Abugho ghùw mò doʼn ghûw tsəghatsəgha an sə kə Kəzə̀ bòʼ enyəa ù naāŋ kò, to e mò fi lo enyəa Kə̀lestò mò kpuw maʼa kə̀nughùnùghù.

Gàlashìan 5:4

Ghùw wɛʼɛ wəla ù də̀ma aledòʼò tsəghatsəgha a vʉ̀a Zə̀ kò bòʼ ù naāŋ lâŋ kò, u ŋ ghue u wə̄n u bâʼ nùghù sə a vʉ̀a Kə̀lestò. Ù n naŋa sə̀ ndùw ghue u wə̄n wo an lùʼu kəla ù yò alekòʼ dzɔ̂ e Kəzə̀ a te.

Fèlepìan 3:9

mùghò è kuūm lo fəgha ko kə mɔ̀ʼ ghàʼ à wə̄n, də̀mà yò alelo tsəghatsəgha aŋ ŋgəŋ zaŋā, à yò dzə̂ alelo tsəghatsəgha enyəa Ǹ zûuw làŋ kə enaʼ ko. Mùghò êzə̄ŋ e lo tsəghatsəgha bòʼ boo zaŋā àsùghò fə̀ŋ zaŋa zəla Ŋ̀ gaʼ a zəŋò Kə̀lestò,

Hibùlù 7:19

Laŋ kə te kə fə̀ ghəəŋ dzə yo enyəa ghəa zə e dzɔɔ̄, aŋghəa e mô ki alelo a te. Ghe n dzì è dzùŋ zəla a lo alechìi tùʼ a te dê â sɛ̀, mo a lo aletsəgha a te alendùw a vʉ̀a Zə̀ kò.

Hibùlù 7:28

Lâŋ kə Musî kə fə̀ boom nû ghî gho mo ghe tɔʼ ti yo enyəa ghe doʼò tuw u təfɔ̀e; A m bùgho Zə̀ kə̀ zə kɔʼ kàa mò aŋghəa kə fə̀ to naŋā, mo e fə̀ bugho a bǎa làŋ kò, kə n tsuʼ kɔʼ Wɛ ù wə̄n mò ù dòʼo tən tsəghatsəgha.