Lumà 4:11 - To kə Kəzə̀ kə̀ Fughu ko

¹¹ Ghe fə̀ tigh kə Abə̀làhâm kə̀ bugho sugho tsughu tǒ tsə̌a enyəa ù lo ghùw ù fə̀ ki gaʼ fə̀ŋ a zəŋò Zə̀ kò, Zə̀ kə̀ n nì ndùw wə̄n aŋ ghùw ù tsəghatsəgha bòʼ fə̀ŋ zəla ù fə̀ naŋa a zəŋò Zə̀ kò mo ghe kaām tigh kə wən kə m bûʼ sugho. Zən fə̀ lo aledèe tsughu enyəa Abə̀làhâm lǒ tsele a zəŋò ghì ghən a dzə̀m ghe lo boōm Zə̀ kò, Zə̀ kə̀ lo nîi ndûw ghe enyəa ghe lo tsəghatsəgha mo ghe kaām tigh kə ghee kə m bûʼ sugho.

Lumà 4:11 Iomraidhean Croise

Matìo 16:16

Sǎemòn, tɔɔŋ Pità m bɛ̀lɛ̀ tsùghù enyəa, “Ghù lǒ Kə̀lestò, wɛ ù Zə̀ kəla kə mughù tən.”

Matìo 8:11

M̀ fɛ dzàa wò nù â ghɛ̀ enyəa, ndə̀mà tə aghì tə̀ kè nùghùun wò am bàa tə mbī tən tə̀ dzə̀m, ghe e ke zəa dzəəŋ ghèe ghê Abə̀làhâm, Aezìk àsùghò ghê Yàkɔ̂b an naʼ e kəwālā.

Lûk 19:9

Yɛso n dzɛ̀ â wə̄n enyəa, “Nɛ an tsuʼ u nɛ wə̄n, ndughu zən n tuw kə zə bòʼ tûwbʉ̀ghà wən lo sugho wɛ ù Abə̀làhâm.

Dzɔ̌n 3:33

Ghùw wəla ù zuw shwaʼ u wə̄n wo, ù fi dê tsùghù dzə̀ nù enyəa Zə̀ kə̀ kə̂aa èsəŋò.

Dzɔ̌n 3:36

Ghùw wəla ù boō fughu nduw â wɛ̀ ù te, ù ki mughù è doʼn təla zo, wəla ù zuūw yo â Wɛ̀ ù te, ù kè zə̀ yo tuw ko; nʉghà u Kəzə̀ ù pfʉa u kê kǔuwn dòʼn tə̀là an tuw kə wə̄n.”

Dzɔ̌n 6:35

Yɛso n dzɛ̀ â ghee enyəa, “Ǹ lo bɛ kəla kə fughu mughùu zò â ghì ghò. Ghùw wəla ù dòʼòdoʼò wo ghàʼ à wə̄n kê dì yǒ dzə̀ŋ, wəla ù boo fughu tsughu â mùghò, fə̀ŋ è mmùghu lô wə̄n zuʼso kòʼ yò.

Dzɔ̌n 6:40

Tɔŋlo enyəa, kən lǒ to kə Bəghà, enyəa, ghùw wəla ù kôʼ tsughu Wɛ ù wə̄n ù nùu, vʉ̀a ù boō fughu nduw â wə̄n lo kele mùghù è doʼn təla zo, Ŋ̀ kê nîi nùghùsò kɔ̀ʼ wə̄n an tsuʼ fəla fə doʼò gûŋsò tsughu.”

Dzɔ̌n 6:47

Kùmkùm, Ǹ dzâa wò â ghɛ̀ enyəa, ghùw wəla ù boō tsughu dzə̄, ù kì mughù è doʼn təla zo.

Dzɔ̌n 8:33

Ghe m bɛ̀lɛ̀ ndùw wə̄n enyəa, “Ghaʼ lo wɛ a awɛ ghə Abə̀làhâm, ghàʼ kaām doʼò kòʼ am fàŋa kə ghùw ù lì. Ghù lò ênzə̂n aledzaā wo â ghàʼ enyəa, ‘Ghe lo bəghāsə̄ ghɛ a?’ ”

Lumà 10:11

Mwàʼsò kə Kəzə̀ kə̀ dzɛ̂ enyəa, “Ghùw wəla ù boō fughu â Zə̀ kò, fəgha kə̀ li kə kê ghə̂əŋ kòʼ yò enyəa ù kelê tuw kə̀ dəla ko.”

Lumà 10:4

Tɔŋlo enyəa Kə̀lestò mafə bughò fwàʼ mɛ̀ʼɛ̀ fəgha kəla lâŋ kə fə̀ ki alefwàʼ, zən fə̀ lo aleghəŋlo enyəa mò à lò ko ndughoo ù boō fughu tsughu dzə̄ â wə̄n, Zə̀ kə n nì ghùw u te aŋ ghûw u tsəghtsəgha.

Lumà 10:6

Fəgha kə̀là Mwàʼsò kə Kəzə̀ kə̀ kuuwn dzaā kùu ndùw ghəa ghùw bùghò doʼn tsəghatsəgha a te a vʉ̀a Zə̀ kò bòʼ boo e wə̄n lo enyəa, “Ghù ki dzə yo alebvʉa tsughu am fə̂ŋ zə̀ghà enyəa, à kè lò alo kəwala kɔʼɔ ndùw ndùgho.?” (Aledzàa tsughu enyəa, ù so ndûw nîi tsughuu wô Kə̀lestò a),

Lumà 3:22

Zə̀ kə̀ ghəŋlo enyəa ghî à dòʼò tsəghatsəgha a vʉ̀a wə̄n abugho ghe boō fughu tsughu â Yɛso Kə̀lestò. Zə̀ kə̀ ghəŋlo enyə â ghì ghən a dzə̀m ghe boō fughu â Yɛso Kə̀lestò, mò nəŋo nəŋ yo a te

Lumà 3:26

À fə̀ lo aledèe tsughu êzəŋ enyəa ghuūghùe u wən u lo tsəghatsəgha àsùghò enyəa à lǒ wə̄n ù ghəŋlo enyəa ghùw bùghò dòʼò tsəghatsəgha a vʉ̀a wə̄n bòʼ boo zəla ghùw ù te ki â Yɛso.

Lumà 3:30

Zə̀ kə̀ lo ko kə mɔ̀ʼ, e fi lo enyəa kə lo ghəəŋ nù enyəa Tə̀dzûu àsùghò ghì ghəla ghe yô Dzûu tò dòʼò tsəghatsəgha a vʉ̀a wə̄n an dzì è mɔ̀ʼɔ bòʼ fə̀ŋ zəla ghe gaʼ tsughu a zəŋò Yɛso.

Lumà 4:10

Ghəa a te a fə̀ sə zən? À fə̀ lo mo ghe n sugho tigh kə wən ko ŋkāa mo ghe kaām sugho a? À fə̀ lo mo ghe kaam tigh kə wən kə n sugho dzə̀.

Lumà 9:30

A lo aledzàa tsughu èndugho êzəŋ à? E lo enyəa Toʼò zəla e mò buʼù kəŋo yo alebùghò doʼò tsəghatsəgha a vʉ̀a Zə̀ kò m bùghò dòʼò, mo ghe bùghò dòʼò tsəghatsəgha bòʼ ghe boō fughu tsughu â Zə̀ kò.

Lumà 9:33

E lo tò aŋghəa ghe tɔm naŋa am Mwàʼsò kə Kəzə̀ enyəa, “Koʼô, Ǹ tamso naaŋ tsughûu tia è li zo aŋ Zayòn, ghî ghə̀ e ke taāŋ bvʉā a te, (kənɛ kə lo ghəŋlo ghe tsəghàa bvʉ̂). Ghùw wəla ù gaʼ fə̀ŋ a zəŋo Zə̀ kò kè kèle kòʼ yò tuw kə dəla ko.”

Lumà 9:6

Ŋ̀ ghəa ghən enyəa dzàa wò dzə̀ yo tò a e soō to kə Kəzə̀ kə̀ ka mo kwu dzə̀ ghəa è li zo, tɔŋlo enyəa à yò dzə̂ ghî ghə Ezə̀lɛ̂ a dzə̀m ghe lô ghî a Kəzə̀ ghò.

2 Kòlentìan 1:22

Kə n sɛ̀ tsə̂sò nàŋa an lɔ̀m kə wə̄n, dzə̀n nàŋa wò Shʉ̀ghà u wə̄n am fə̀ŋ tə sɛ̀ aledèe wô enyəa kə lo fughuu mɛ̀ʼn nǔ sɛ̀ â fʉgha wəla kə fə̀ to naŋā alefughu â sɛ̀.

Gàlashìan 3:22

Mwàʼsò kə Kəzə̀ kə̀ fwə̂n dzɛ̀ tsùghù enyəa aghî à dzə̀m am mbī lo ukɔ̀ â bo zo. E dêe enyəa, Zə̀ kə̀ lo fughuu kô namso kə̀là kə to naŋā â ghì ghəla ghe boō fughu â Yɛso Kə̀lestò.

Gàlashìan 3:29

Abugho ghɛ̀ lô dzə̂ ghɛ̀ à ghêe Kə̀lestò, ghɛ̌ fi lo wɛ ghə Abə̀làhâm, ghî ghəla ghe ki to kəla Zə̀ kə fə̀ to naŋā â Abə̀làhâm.

Gàlashìan 3:7

Ghɛ̀ koʼ tsughu êzəŋ enyəa ghî ghəla ghe boō fughu tsughu â Zə̀ kò lò wɛ ghə Abə̀làhâm.

Gàlashìan 5:5

Zuʼ tə Kəzə̀ tə kûm dzə̀là nù fə̂ŋ tə sɛ̀ tò enyəa sɛ̀ e kwo tən enyəa Zə̀ kə̀ lo nìi sɛ enyəa sɛ̀ lo tsəghatsəgha bòʼ sɛ̀ boo fughu â Kə̀lestò.

Gàlashìan 6:16

Ghùw wəla ù naāŋ dzə̂ laŋ kən, to Zə̀ kə̀ mô fughu wə̄n â bughuun zo, kə dêe sùghò wə̄n a se è kwuso zo, àsùghò â ghì a Kəzə̀ ghò a dzə̀m.

Efɛsùs 1:13

Kə̀lestò n dê wò sùghò ghɛ̀ â səŋò zò, mò à lo làbəlà ê dzuŋ zəla è zoʼn ghɛ an dzì zəla ghɛ lô alezə kətuw a te. Ghɛ m boo fughu ndùw â Kə̀lestò, Zə̀ kə̀ fughu wò ghɛ̀ â zuʼ tə zɔlɔ təla Zə̀ kə fə̀ to naŋa, aledè tsughu enyəa ghɛ̀ e zəŋ lo ghî a wə̄n.

Efɛsùs 4:30

Kà nlò è ghəŋlo enyəa Zuʼ tə Kəzə̀ tə̀ Zɔlɔ tə e lo alo esē, tɔŋlo enyəa à lò tə ghee ghe fə̀ tsə̂sò naŋa ghɛ a te, aledèe tsughu enyəa Zə̀ kə̀ kê bə̀ghasəa nù ghɛ abugho tsuʼ u te u kê kpe.

Fèlepìan 3:9

mùghò è kuūm lo fəgha ko kə mɔ̀ʼ ghàʼ à wə̄n, də̀mà yò alelo tsəghatsəgha aŋ ŋgəŋ zaŋā, à yò dzə̂ alelo tsəghatsəgha enyəa Ǹ zûuw làŋ kə enaʼ ko. Mùghò êzə̄ŋ e lo tsəghatsəgha bòʼ boo zaŋā àsùghò fə̀ŋ zaŋa zəla Ŋ̀ gaʼ a zəŋò Kə̀lestò,

Hibùlù 11:7

À fə̀ lo bòʼ Nôa fə̀ boō fughu tsughu â Zə̀ ko e fə̀ ghəŋlo ù n zùw ndùw shwaʼ u Kəzə̀, aŋghəa Zə̀ kə̀ kʉɛɛn tsughu wən kùu nduw ghəa ghəla ù fə̀ kaām koʼò yo, u m bəgha kɔʼ kəkwə̀n alebəghaasə kèndughu kə wə̄n. Aŋ ghəa zən, Nôa fə̌ fi de nduw enyəa ghî a mbī a lo ghî a biigh gho. Bòʼ Nûa fə̀ boō fughu â Zə̀ kò, Zə̀ kə̀ n nì ndùw wə̄n enyəa ù lo ghûw u tsəghatsəgha.

2 Pità 1:1

Mùghò Sǎemòn, tɔɔŋ Pità, wəla Ǹ lo ghùw ù kə̀fwàʼ àsùghò tum è Yɛso Kə̀lestò; M̀ fughu wò ètɔŋlo â ghɛ̀ ghəla ghɛ̀ lo mò ghɛ̀ ŋ kele boo zəla e tughuu sugho tò zaʼā zo. À lǒ bòʼ dzɔ̀ e Zə̀ kə sɛ̀ àsùghò e Bəghambī ù sɛ̀ zo e ghəŋlo enyəa sɛ̀ e ki boo zən zo.

Edêe Fughu 9:4

Ghe n dzɛ̀ â ghee enyəa e kwo ghe lô wii maʼn ghê kò am mbī ŋkāa tam kə̀ li ko ŋkāa kâʼ fə̀ lo fo. Ghe n lo ko alenomsô ghì ghəla ghe ki yô lɔʼɔ kə Kəzə̀ kò aŋ kàʼ mə̀ esʉ ŋ ghee.