Lumà 3:4 - To kə Kəzə̀ kə̀ Fughu ko

⁴ Ɛ̂ŋgaŋ dzə̂, e dɔ̂m yò aledòʼò ezə̀. Zə̀ kə̀ lo tsəghatsəgha, abugho aghî a dzə̀m bùʼ kaʼn mɛʼɛ̀ nduw ko gha gho: to aŋghəa ghe tɔm naŋa am mwàʼsò kə Kəzə̀ enyəa, “Ghù ki aledèe tsughuu enyəa ghù lò tsəghatsəgha abugho ghù kə̀aa ghəa gho, mo ghe nî nduw ko ghù an tia e saʼ, ghù n saʼ e zə.”

Lumà 3:4 Iomraidhean Croise

Matìo 11:19

Wɛ̀ ù Ghùw vʉ̀a ù ndùw bugho, zuuw ko èzə, mʉa sùghò nlʉ̀, ghe yia so enyəa, ‘Kòʼo ko ghùw wə̀n à, ghùw ù kàla, ghùw fə̀n ù ghê dzə̀akə̀mwàʼsò ghèe ghê ghì à biigh gho!’ Ghî à koʼòkɛ̀lɛ̂ kô tɔ u Kəzə̀ aŋ ghəa zəla e sə kɔʼ a te.”

Lûk 20:16

Ù bùghò mìasò nǔ ghee a, ù daŋso nìi fughuu səā ndûw sum u te wo â ghì à nughù ghò.” Ghəa ghî yi zuw tsughu ghəa ghən, ghe mo enyəa, “Kà boo!”

Dzɔ̌n 3:33

Ghùw wəla ù zuw shwaʼ u wə̄n wo, ù fi dê tsùghù dzə̀ nù enyəa Zə̀ kə̀ kə̂aa èsəŋò.

Lumà 11:1

M̀ bvʉ enyəa, à lò enyəa Zə̀ kə ghî a wə̄n a tue màʼa nù a? Ɛ̂ŋgaŋ dzə̂! Ghuūghùe waŋā, Ǹ lo ghùw wə Ezə̀lɛ̂, Ǹ sə an tigh kə Abə̀làhâm aŋ kèndughu kə Bɛndzàmɛ̂n.

Lumà 11:11

M̀ bvʉ enyəa, à lǒ mò Dzûu tə̌ fə̀ taāŋ kɔʼ alebvʉ̀a doʼo təla tsughu alo kə lùʼu kə mɔ̀ʼ à? E yo dzə ezə̀. À fə̀ lo bòʼ ghe fə̀ ghəəŋ tsughu ebo, zə lo e ghee ghəa à zəa a kətuw a bughò mɔ̂m Toʼò zò, aleghəŋlo enyəa Dzûu tə̀ è ki ghòʼ ko a zəŋò ghee.

Lumà 3:31

E sò yia fɛ mòʼnlò enyəa lâŋ kə̀ kôom yò aŋghəa a boō fughu dzə â Yɛso Kə̀lestò à? Ɛ̂ŋgaŋ dzə̂, e laam lò enyəa a n lueso lâŋ kə te ko.

Lumà 6:15

A lo aledzàa tsughu êndughō êzəŋ a? À lò enyəa sɛ̀ ki aleghəəŋ nduw ko ghəa a biigh gho aŋghəa sɛ̀ sô kôom mughu yo a tsəla làŋ ko a, bòʼ a sô kuuwn mùghù an dzɔ̀ e Kəzə̀ à? Ɛ̂ŋgaŋ dzə̂!

Lumà 6:2

Ɛ̂ŋgaŋ dzə̂! Abugho à lò aleghəŋlo ebo, sɛ̀ êzəŋ e lo tò ghî a kpuuwn gho. E fi lo enyəa sɛ̀ kôom ki yo alenaam mughu nduw ko alo ebō.

Lumà 7:13

À sò yia fi lo enyəa fəgha kə̀ dzûŋ kə̀ mò koōm ni wo mugho â vʉ zo a ŋkāa? Ɛ̂ŋgaŋ dzə, à fə̀ lo ebo e fə̀ nî wô vʉ zo a zəŋò mùghò a m bàm e kəlàŋ, mò à lò fəgha kə dzɔɔ̄ ko, aleghəŋlo enyəa Ŋ̀ kele fəgha kəla bo e biso lo ghè kò, to lâŋ kə Kəzə̀ kə̀ e lo aledèe fughuu wô enyəa bo e ŋge lo fɛ̀ɛn kə kəfəgha.

Lumà 7:7

A yia fɛ èzəŋ kə̂aa èndughō? À sò lo enyəa lâŋ kə̀ lo ebō ŋkāa? Ɛ̂ŋgaŋ, à dɔ̀m yò dzə̂ èzə̀. Zəa e kuuwn lô enyəa abugho à mò buw â làŋ kò mùgho mò sô ŋ kele yò fəgha kəla bo e lo ghè kò. Mùgho mò so Ŋ̀ kele dzə̂ yò enyəa sə à səa à lo ebo, abugho lâŋ kə̌ fə̀ taʼ kə̀ dzâa tsughu enyəa, “Kà â sə gho e səa am fʉgha u aghì.”

Lumà 9:14

À fɛ̀ êzəŋ lo to a e dzâa tsughu êndūghō? À lò enyəa Zə̀ kə̀ bâa nù kpiī wo ŋkāa? Ɛ̂ŋgaŋ dzə!

1 Kòlentìan 6:15

À lǒ mò ghɛ̀ kwo yo enyəa ghɛ̀ lo nyùŋ u ughùe u Kə̀lestò. À lǒ mò Ŋ̀ ki nû alenìi kɔʼ nyùŋ kə ughùe kə Kə̀lestò Ǹ ndûw təmadzəə̄ŋ kɔʼ ghèe ghê kpàlà kò à? Ɛ̂ŋgaŋ dzə̂, Ǹ tso yò.

2 Kòlentìan 1:18

Aŋghəa Zə̀ kə̀ kûu naāŋ dzughu e wə̄n zo, ghǎʼ mò boom yo ghəa zo kòom tǔu màʼnlo.

Gàlashìan 2:17

Abugho sɛ̀ dəmà enyəa a doʼò ghì à tsəghatsəgha gho a vʉ̀a Zə̀ kò aŋghəa sɛ̀ lô fəgha ko kə mɔ̀ʼ sɛ̀ à ghê Kə̀lestò, zə e kôom sə wô enyəa sɛ̀ lo ghî à biigh gho — à so yia lo enyəa à lǒ Kə̀lestò ù kòom ghəŋlo enyəa sɛ̀ e ghəəŋ bo zo ŋkāa? Ɛ̂ŋgaŋ dzə̂, à dɔ̀m yò dzə̂ èzə̀!

Gàlashìan 2:21

Ǹ yo dzə̂ aletuū maʼà ghəa zən enyəa Zə̀ kə̀ maā sɛ̀ bəghasə am fə̀ŋ è wən è dzùŋ zəla kə ki a zəŋò sɛ̀. Abugho ghùw mò doʼn ghûw tsəghatsəgha an sə kə Kəzə̀ bòʼ enyəa ù naāŋ kò, to e mò fi lo enyəa Kə̀lestò mò kpuw maʼa kə̀nughùnùghù.

Gàlashìan 6:14

Yia a bùghò, Ŋ̀ ki ko aletsɔɔ̄ fə̀ŋ an dǎaŋ kə Mughùbè ù sɛ̀, Yɛso Kə̀lestò. Ghəa a mbī a dzə̀m à lo kənughùnu â mùghò, yìa à lǒ tò mùghò m kpuw â ghəa a mbī gho.

1 Timotì 3:16

Ghùw ù li yo aletuū maʼà nàn kə eghəa kəla kə lo aŋ ghəa a Kəzə̀ ghən enyəa, Ù fə̀ a m mbī bugho tǒ ghuw wə̀ nsɔ̌ɔŋnchùw. Zuʼ tə Kəzə̀ tə̀ n dè wò enyəa ù lo tsəghatsəgha, Tsə̀təndə̄ghā tə Kəzə̀ tə̀ ŋ kòʼ wə̄n. Ghî ghə̀ n zoʼn ŋgə̀a wò àghì aŋ ghəa a wə̄n alo tənàʼà tə dzə̀m. Mbī e dzə̀m m boo fùghù ndùw â wə̄n. Ghe n nì nyə̀ kɔ̀ʼ ndùw wə̄n alo kəwala alo n nsəghānyəghā.

Taetùs 1:2

Tsʉ̂ è səŋò zən lo ghəəŋ nù ghe lo e mughu, kwo tən enyəa ghe lo kelê mùghù e doʼn təla zəla Zə̀ kəla kə kaʼn yô gha gho fə̀ to naŋā â wǐiwì.

Hibùlù 6:18

Zə̀ kə fə̀ enyəa an zen e wə̄n kɛ tsughu aledèe tsughu enyəa am bàm e ghəa ghən a bə̀ghà a kuuwn koʼò tsəghà yo, ghəla a ki ghəa ghəla a dêe enyəa Zə̀ kə̀ yo dzə̂ alekaʼ e gha, sɛ̀ ghəla sɛ̀ ti nân wo, a tee tsughuu an tùʼ zəla sɛ̀ chiī ghè zò.

1 Dzɔ̌n 5:10

Abugho ghùw boo fughu tsughu â Wɛ u Kəzə̀, à fi lo enyəa ù n nì nàŋa shwaʼ u te wo am fəŋ è wə̄n. Ghùw wəla ù taʼkè boo fughu shwaʼ wən wo, nîi ndùw enyəa Zə̀ kə̀ kaʼnlo àgha bòʼ u kà bǒo dzə̀ fəgha kəla Zə̀ kə̀ teso dzâa wo kùu ndùw Wɛ ù Wə̄n.

1 Dzɔ̌n 5:20

Sɛ̀ kwo sugho nû enyəa Wɛ ù Kə̀zə̀ ù nùu m bùghò, vʉ̀a ù fughu sɛ̀ â tɔ wo alezuūwkɛlɛ Zə̀ kə̀ êsəŋò kò a te. Sɛ̀ à ghê Zə̀ kə̀ lo alo kəfəgha kə mɔ̀ʼ àsùghò Wɛ u wə̄n, tɔɔŋ Yɛso Kə̀lestò. Ù lǒ Zə̀ kə̀ səŋò kò, vʉ̀a ù fughuu mughù e doʼn təla zo.

Edêe Fughu 3:7

Yɛso n dzɛ̀ wò â mùgho enyəa, “Tɔm ndùw â tsə̀ndə̄ghā è â dzeŋe kə ghì a Kəzə̀ ghò è zə̂ am Fìlàdɛfìa enyəa, ‘Ghùw wəla u zɔlɔ̄, kə̀a sùghò êsəŋò, vʉ̀a ù ki tsʉ kə Dɛvìd kò, ù dzɛ̀ enyəa, abugho ù dzʉ̀a fê sə wo ndughu, ghùw n yo aletsʉ̄, abugho tsʉ naŋa tsughu ndughu, ghùw n yo alefè.