Lumà 3:3 - To kə Kəzə̀ kə̀ Fughu ko

³ À fə̀ sə kə kwò aŋghəa ghee à li a tɔ̂ʼ tì yo am boo e ghee a? Aŋghəa ghee à li a fə̀ taʼkè ghə̂əŋ ghəa ghəla ghe fə̀ boō naŋa aleghəŋlo, e fə lo nû enyəa Zə̀ kə̀ yo sugho aleghəə̄ŋ ghəa ghəla kə fə̀ to naŋa a?

Lumà 3:3 Iomraidhean Croise

Matìo 24:35

Wala kə kê tsə̀ghàa mìan nù, àsùghò ghueekətsə̄ ko, shwaʼ waŋā u kê kǔuwn mìa kòʼ yò.”

Dzɔ̌n 1:16

Ù bùghùso sɛ̀ bughuso kwènlò bòʼ ləgha è ne zəla ù ki a zəŋò sɛ̀.

Lumà 10:16

À sò kǔuwn lo ko enyəa à yò dzə aghî a dzəm ghe lo mo ghe m boo làbəlà è dzùŋ è te. Tɔŋlo enyəa ghùwshʉ̀ghà ù Kə̀zə̀, Èzayà fə dzɛ̀ naŋa enyəa, “Mughu ù te, à mò lo ndugho ù mò boo fughu â shwaʼ u sɛ̀ wò?”

Lumà 11:29

Tɔŋlo enyəa Zə̀ kə̀ kôom kǔuwn tsə̀ghà yǒ fə̀ŋ e wə̄n abugho kə tsɔʼ kɔʼ ghùw, kə kôom nìi nùghùun sùghò yò namso kəla kə mò fughu â ghùw u te.

Lumà 9:6

Ŋ̀ ghəa ghən enyəa dzàa wò dzə̀ yo tò a e soō to kə Kəzə̀ kə̀ ka mo kwu dzə̀ ghəa è li zo, tɔŋlo enyəa à yò dzə̂ ghî ghə Ezə̀lɛ̂ a dzə̀m ghe lô ghî a Kəzə̀ ghò.

2 Kòlentìan 3:18

Ezə̀ŋ, sɛ̀ ghən à dzə̀m à sʉ zo mo a kâ dzə̀là kèle ndɔ̀ŋ kò a te a koʼò ndùw nǔ səghanyəgha m Mughu ù te mò, ghe fɛ kuuwn ndùw sɛ̀ am fwèen kə wə̄n an səghanyəgha ŋ wən məla n noōm ndûuŋ nduw. Səghanyəgha mən nughù wò aŋ ghùu Mughu ù te wəla ù lò Shʉghà u te wo.

2 Tɛ̀sàlonìan 1:3

Waazə̂ ghaʼa gho, ghàʼ ki alefughuu zɔ̀ɔŋ kò â Zə̀ kò nəgha tən tə̀ dzə̀m, mo e ŋgəmso dzɔ̀ɔ nù aleghəŋlo èzə̀ tɔŋlo enyəa boo zɛʼɛ̄ àsùghò ləgha zəla ghɛ̀ ki aŋ ghùe zɛʼɛ̄ ŋgee noom nù.

2 Timotì 2:13

Abugho a tâʼkè gaʼ fə̀ŋ è sɛ̀ e dzə̀m a zəŋò wə̄n, Ù è naam lo ko ghùw wəlà ù lǒ ghè wò, tɔŋlo enyəa ù yò dzə aletuū maʼà ghue u wə̄n.

Hibùlù 4:2

Tɔŋlo enyəa ghe maā làbəlà e dzùŋ zən â sɛ̀ naʼa wò, to aŋghəa ghe fə̀ naʼà ndûw sugho â wɛ ghə Ezə̀lɛ̂ ghəla ghe fə̀ lo aŋ ŋgwən. Làbəlà zəla ghe fə̀ naʼa nduw â ghee ŋ kè kuuwn kwu eghəa, bòʼ ghî ghəla ghe fə̀ zuw làbəlà e te ka fə nî naŋa dzə̀ am fə̀ŋ tə ghee.