Lumà 3:25 - To kə Kəzə̀ kə̀ Fughu ko

²⁵ Wə̄n wəla Zə̀ kə fə̀ nî fughu sə wo enyəa ù bùghò kpuw vʉ e kəmùwnlo to kâŋ tə wən tə sûuw maʼa bòo tə aghì ghəla ghe boō fughu â wən. Zə̀ kə fə̀ enyə ghəŋlo aledèe tsughu enyəa kə lo tsəghatsəgha. Nu â wǐiwǐi, kə mò kɔɔn tsughu fə̀ŋ, kə̀ n tsò zhə̌ən zə̀ghàa sùgho bòo tə aghì.

Lumà 3:25 Iomraidhean Croise

Dzɔ̌n 6:47

Kùmkùm, Ǹ dzâa wò â ghɛ̀ enyəa, ghùw wəla ù boō tsughu dzə̄, ù kì mughù è doʼn təla zo.

Kə̀fwàʼ 14:16

Sʉ̂esʉ, Zə̀ kə̀ n zə̀ghàa tsùghù ghî ghə̀n à dzə̀m enyəa ghee e ghəəŋ nduw ghəa a ghee gho.

Kə̀fwàʼ 15:18

Mughu ù te mò ghəəŋ tsughu enyəa ghî à kelê ghəa ghən â wǐiwì.’ ”

Kə̀fwàʼ 17:30

Zə̀ kə̀ n wuwmàʼà ghəa à biigh ghəla ghî a mò ghəŋlo an tì kəla ghe fə̀ kwo tsəghà yo wə̄n, vʉ̀a ù fughu tsughu lâŋ kò êzəŋ â ghì ghò a dzə̀m an lùʼù tən tə̀ dzə̀m enyəa ghe maʼà ghəa à biigh gho.

Kə̀fwàʼ 2:23

Ghe ŋ kwù fùghù wò Yɛso wən â ghɛ̀ an dziī zəla Zə̀ kə fə̀ fôʼ naŋā, ghɛ̌ yia mò nî fughu nduw wə̄n aŋ ghu kə ghì à biigh ko, ghe n nì tə̀ghàa wì è kɔʼ.

Kə̀fwàʼ 3:18

À lò enyəa fəgha kela ghiīshʉ̀ghà a fə̀ naʼnlo enyəa à fə̀ naʼa naŋa Kəzə̀, enyəa Wɛ̀ ù wən ù tsùʼu kê fǎan nù, ù maā lâŋ kə te ko êzəŋ lueso.

Kə̀fwàʼ 4:28

Ghe mò ghəəŋ ghəa ghə̀n à dzə̀m ghù fə̀ ki zɔ̂ʼ naŋā, tsə̀m kɔ̀ʼ sùghò enyəa a lo nî kə̀bala.

Lumà 2:4

Kàa ghù so yia tsughuso maʼn nù dzɔ̂ e Kəzə̀ e ne zò àsùghò se e wə̄n e kwuso zo àsùghò aŋghəa kə naām lɛɛn ghù a? Ghù kwo yo enyəa dzɔ̂ e Kəzə̀ e lo aleghəŋlo enyəa ghɛ̀ ti kuwnlo am bòo tɛʼɛ a?

Lumà 3:26

À fə̀ lo aledèe tsughu êzəŋ enyəa ghuūghùe u wən u lo tsəghatsəgha àsùghò enyəa à lǒ wə̄n ù ghəŋlo enyəa ghùw bùghò dòʼò tsəghatsəgha a vʉ̀a wə̄n bòʼ boo zəla ghùw ù te ki â Yɛso.

Lumà 5:1

Ghəa e lo êzə̀, Zə̀ kə̀ n nì sɛ̀ aŋ ghì a tsəghatsəgha gho bòʼ enyəa sɛ̀ gaʼ fə̀ŋ a zəŋò wə̄n, sɛ̀ à ghê Zə̀ chia kə lò sugho alo ebughunlo am bàm e Mughùbè ù sɛ̀ Yɛso Kə̀lestò.

Lumà 5:11

À kà yò ko ezə̀, a ki sugho nû duʼn zo â Zə̀ kò bôʼ Yɛso Kə̀lestò, Mughùbè u sɛ̀ wəla ù ghəəŋ tsughu sɛ̀ yia a lò fən gho sɛ̀ à ghê Zə̀ kò.

Lumà 5:18

Ghəa e lô enyəa aŋghəa bo e ghûw u mɔ̀ʼ e fə̀ ghəŋlo Zə̀ kə̀ n dzɛ̀ enyəa aghî a dzə̀m ghə̀ m bvʉ̂ sāʼ, e fi lo nû enyəa ghəa e ghûw e dzûŋ zò e mɔ̀ʼ zə ŋ ghəŋlo Zə̀ chia kə zê zəghà ghî yia a bughò doʼò tsəghatsəgha a vʉ̀a wə̄n, chia kə fughuu sughò ghee a mùghù zò.

Lumà 5:9

Êzə̄ŋ wəla Zə̀ kə lo mo kə sɛ̀ nî aŋ ghì a tsəghatsəgha gho bòʼ kâŋ tə Kə̀lestò, sɛ fɛ kwo tən sugho nû enyəa Kə̀lestò lo bəghaasəa nǔ sɛ aŋ ghùu nʉ̀ghà u Kəzə̀ ù pfʉa wo.

1 Kòlentìan 5:7

Sǔuw màʼa sə kɔʼ nlǒ mbvùŋ è wìi zən tò ghɛ̀ doʼo tsughu tò tuʼ kə kəbɛ kə̀ fughu ko mò mbvùŋ yò a te, aŋ ghəa ghɛ̀ tɔ̂ʼ lo. Nu ghe maā Kə̀lestò sɛ̂ an tuw kə sɛ̀ tǒ ndzì è Zə kə̀ Zəŋso naaŋ ko.

2 Kòlentìan 5:21

Kə̀lestò mò ki yo bo è li zo, Zə̀ kə̀ ŋ ghəŋlo è tsughu ù n dòʼò tsùghu tò ghûw ù bǐigh bòʼ ghəa e sɛ̀, enyəa aŋghəa sɛ̀ à ghee təmdzəə̄ŋ kɔʼ, a ke e dzeŋe lo sugho tsəghatsəgha a vʉ̀a Zə̀ kò.

Efɛsùs 1:7

Tɔŋlo enyəa à fə̀ lo aŋ kàŋ tə Yɛso təla tə fə̀ tsughu tsughu alo kədàŋlo Zə̀ kə fə̀ zue sə wo sɛ̀ a te; mo e fi lo enyəa Zə̀ kə̀ mafə bôo tə sɛ̀ tə ghuuw màʼà bòʼ dzɔ̀ e wə̄n e ne zən,

Efɛsùs 2:13

Ghɛ̀ à ghê Kə̀lestò Yɛso kǔuwn lò nû alo kəfəgha kə mɔ̀ʼ êzə̄ŋ. Ghəa e fə̀ bûʼ lô ko enyəa ghɛ̀ fə̀ lɔʼso lo tsəgha nù, Zə̀ kə̀ ŋ ghəŋlo aŋ kàŋ tə Kə̀lestò ghɛ̌ yìa kuʼso doʼò wo ghɛ̀ a ghê Zə̀ kò.

1 Timotì 1:15

Shwaʼ wən wo enyəa, “Kə̀lestò Yɛso fə̀ fɛ am mbī bugho alebəghaasə ghî à biigh gho.” Shwa u t e u lo êsəŋò ghùw vʉ̀a ù lo aleboō fughu a te. Yìa M̀ fɛ̂ɛn tsəgha ghe a dzə̀m.

Hibùlù 10:4

Dzì yò dzə̂ â kàŋ tə təmbɔ̀ŋ to àsùghò tə tədzə̀ to alesùuw maʼà tə̀bòo.

Hibùlù 11:14

Ghî ghəla ghe kə̂a ghəa gho enyə, e dêe tə̀la wò nù enyəa ghe kəŋô naʼ e ghee.

Hibùlù 11:17

À fə̀ lo fə̀ lo bòʼ Abə̀làhâm fə̀ boō fughu â Zə̀ kò e fə̀ ghəŋlo u n nì kɔ̀ʼ Aezìk enyəa e ndûw sâa fughu â Zə̀ kò, aŋghəa Zə̀ kə fə̀ mɔ̂msò kôʼ tsughu wə̄n. Ghùw wəla ghe fə̀ fughu naŋa to ke te ko â wə̄n fə̀ lo nû alenìi sâa ndûw wɛ ù wə̄n ù nùu.

Hibùlù 11:7

À fə̀ lo bòʼ Nôa fə̀ boō fughu tsughu â Zə̀ ko e fə̀ ghəŋlo ù n zùw ndùw shwaʼ u Kəzə̀, aŋghəa Zə̀ kə̀ kʉɛɛn tsughu wən kùu nduw ghəa ghəla ù fə̀ kaām koʼò yo, u m bəgha kɔʼ kəkwə̀n alebəghaasə kèndughu kə wə̄n. Aŋ ghəa zən, Nôa fə̌ fi de nduw enyəa ghî a mbī a lo ghî a biigh gho. Bòʼ Nûa fə̀ boō fughu â Zə̀ kò, Zə̀ kə̀ n nì ndùw wə̄n enyəa ù lo ghûw u tsəghatsəgha.

Hibùlù 9:28

E lo sugho êzə̀ enyəa ghe mǒ Kə̀lestò fɛ sɛ tən nduw ko enəgha e mɔ̀ʼ alenìi nughù bòo tə ndə̀mà tə aghì. Zəa e lô sugho enyəa ù kè kòom bùgho kpèʼe nù alebùghò kôʼ ghî ghəla ghe mbûuŋ keē wə̄n, mò ù kòom bùghò yo alebùghò sûuw maʼà bòo tə aghì, mò ù bùgho alebùghò bəghāsə̄ ghee.

Hibùlù 9:5

An tuw kə kətɛtɛ kən, à n lo fʉgha ù li wo ù ki ghûo tò mo ghe tɔŋlo enyəa à lǒ tə̀chɛlòbîn tə dêe tsughuu enyəa Zə̀ kə lo nu fughu, mo ghûo tə ghee tə n tsən kele tsughu luʼu kəla ghe mò ghuuwmaʼn bôo tə aghì to a te. A kuuwn yò dzə̂ aletɔʼɔ teso dzâa wô ghɛ̀ â ghəa ghən gho êzəŋ a dzə̀m.

1 Dzɔ̌n 1:10

Abugho sɛ̀ dzɛ̂ enyəa sɛ̀ kaām ghəa è biigh è li e ghəəŋ kòʼ tsə̀ghà, a fi dzɛ̂ enyəa Zə̀ kə̀ kaʼnlo àgha, àsùghò enyəa shwaʼ u Kəzə̀ ù kâ sɛ̀ alo təfə̀ŋ dɔ̂ɔm nyə dzə̀.

1 Dzɔ̌n 2:2

À lǒ wə̄n ghùw wəla ù mò boʼō nughu mbùŋ kə təbòo kə sɛ̀ kò. Ù ka fə ka bòʼò nùghù ko mbùŋ kə sɛ̀ kò, ù fə̀ boʼō nughu sugho mbùŋ kə təbòo kə ghì ghə̀n a dzə̀m am mbī.

1 Dzɔ̌n 4:10

Kùum kə eləgha kə yo dzə̂ enyəa sɛ̀ mò ləgha nduw Kəzə̀ esə̄, à kǔuwn lò enyəa Zə̀ kə mò sə kə ləgha wo dzə sɛ̀, tùm wo wɛ ù wə̄n ù nùu enyəa ù bùghò kpuw an tuw u sɛ̀, to kə ghuuw maʼa bòo tə sɛ̀.

Edêe Fughu 1:5

To Yɛso Kə̀lestò wəla ù dèe wô ghəa a səŋò ghəla sɛ̀ lo alenaŋa fə̀ŋ a te, vʉ̀a ù lǒ ghuw ù sûesʉ alekɔʼɔ̄sə̄ alo evʉ̄, wəla ù saʼā dwə̀ŋ wò aŋ ghueekətsə̄, mò dê ghɛ̀ â dzɔ̀ e wə̄n zo, ù fughuu sughò ghɛ̀ â bughuun zo. Ù lə̀ghaa nǔ sɛ̀, vʉ̀a ù bəghasə̄ tsughu sɛ̀ aŋ ghùu bòo tə sɛ̀ tò aŋghəa u fə̀ ù fùghù ndùw tuw kə wə̄n ko an tuw u sɛ̀ an kàŋ tə wə̄n təla tə fə̀ kwəlà sə tsughu wo alo kədàŋlo.

Edêe Fughu 13:8

Ghî ghə̀n à dzə̀m ghe mughù aŋ ghueekətsə̄ lo e kɔ̄ʼsō sugho wə̄n, ghî ghəla ghe fə̀ so e bughò bɔm mbī mo zən a ghee a kaān nyə am dzə̀ mwàʼsò kə emùghùu kə Tsʉa u Ndzì wəla ghe fə̀ sugho wī.

Edêe Fughu 20:15

Ghùw wəla ghe mò kəŋo kêe tsughuu zən e wə̄n zo am mwàʼsò kə emùghù, ghe m màʼà nyə̀ ndùw wən am fɛ̀ɛn kə uwə̀n kə te ko.

Edêe Fughu 5:9

Ghe n zôo zom è fughu zo, zoo tsughu enyəa, “Ghǔ ŋ kɔʼkpe alenìi kɔʼ nyəme u kəmwàʼsò u te wo, àsugho alezʉ̀mè nughù kɔʼ mə̀ŋ e te, tɔŋlo enyəa ghe maā ghû wì, ghù n nì kɔ̀ʼ kâŋ tə̀ghà zuesə tsughu aghî a te an ndùm tə̀n tə̀ dzə̀m àsùghò ghì ghən a dzə̀m ghe dzeŋe saʼā shwaʼ wo u mɔ, an tum wən ù dzə̀m, aŋ ghì ghə̀n à dzə̀m an nàʼà tə̀n tə̀ dzə̀m, ghù n nì fùghù wò â Zə̀ kò.