Lumà 3:23 - To kə Kəzə̀ kə̀ Fughu ko

²³ Nu aghî a dzə̀m m bo e ghəŋlo, ghe yia bvʉ̂ kômlo aledòʼò an səghanyəgha ŋ Kə̀zə̀.

Lumà 3:23 Iomraidhean Croise

Lumà 1:28

Tò aŋghəa ghî a mò lo mo ghe n tùe màʼa enyəa ghe yo dzə̂ to ghe e kelè mòʼnlò è səŋò zò a zəŋò Zə̀ kò, Zə̀ chìa kə zəghàa maʼà tsughu ghee aleghəə̄ŋ nduw ko ghəa ghəla ghe mô ki yo aleghəŋlo.

Lumà 11:32

Tɔŋlo enyəa à zə̀ghà tsùghù Kəzə̀ enyəa aghî a dzə̀m ghə̀ e tughuu â tuw ko, to kə e lo aledè se e wə̄n è kwuso zo a zəŋò ghì ghò a dzə̀m.

Lumà 3:19

Sɛ̀ mo èzəŋ kele enyəa abugho lâŋ kə Musì kə̀ dzâa ko êndùghō, kə dzâa ndùw â ghî ghəla ghe mughu â tsəlà làŋ kə te ko. Mò à èzə lo alefèe naŋā dzughu a ghee a dzə̀m enyəa ghe ka e dzaā kaaŋ tsəgha enyəa ghe lo tsəghatsəgha, àsùghò enyəa Zə̀ kə̀ lo saʼa àghì a dzə̀m am mbī.

Lumà 3:9

A èzəŋ lo to a e dzɛ̂ èndugho? A lo nû aledzɛ̀ enyəa sɛ̀ Tə̀dzûu kuuwn nyɔ̀ʼ ti nû à? Ɛ̂ŋgaŋ dzə̂, tɔŋlo enyəa M̀ maa ki dzɛ̀ enyəa ghəa à biigh ghə ŋ kwù ŋgwùu ghî ghò a dzə̀m; Tə̀dzûu àsùghò ghì ghəla ghe yô Dzûu tò.

Lumà 5:2

À lò fə̀ŋ zəla sɛ̀ gaʼ tsughu a zəŋò Kə̀lestò è ghəŋlo enyəa a kelê dzɔ̂ e Kəzə̀ zən, zəla a mughu êzəŋ a te, yia a duʼnlo, chìi tùʼ enyəa a lo dòʼn nù an nsəghānyəghā ŋ Kəzə̀ məla n lo à sə̌ ko.

Gàlashìan 3:22

Mwàʼsò kə Kəzə̀ kə̀ fwə̂n dzɛ̀ tsùghù enyəa aghî à dzə̀m am mbī lo ukɔ̀ â bo zo. E dêe enyəa, Zə̀ kə̀ lo fughuu kô namso kə̀là kə to naŋā â ghì ghəla ghe boō fughu â Yɛso Kə̀lestò.

1 Tɛ̀sàlonìan 2:12

enyəa ghɛ̀ è mughu tsughu mughù zəla Zə̀ kə̀ ləghaa ghè zò. Ù lǒ Zə̀ kəla kə mò tɔŋɔ̄ nyə wô ghɛ am fɔ̀e u wə̄n, àsùghò an səghanyəgha ŋ wə̄n.

2 Tɛ̀sàlonìan 2:14

Zə̀ kə fə̀ ghɛ̀ fɛ aŋ ghəa ghən tɔŋɔ wo bòʼ làbəlà è dzùŋ zəla ghàʼ mò bughò naʼà wo â ghɛ̀, aleghəŋlo enyəa ghɛ̀ lo kele sugho səghanyəgha ŋ Yɛso Kə̀lestò mò, tɔɔŋ Mughùbè ù sɛ̀.

Hibùlù 4:1

Ghəa to kə̀ nyea ko an lùʼû kə̀ zʉʉn kə ughue kən naam ti dzə, bùgho nlò sɛ̀ ghôom tsughu enyəa ghùw wɛʼɛ u mɔ̀ʼ lò doʼnlo mò ù kà fughu an lùʼû zʉʉ̄n kə ndûw nyə̄.

1 Pità 4:13

E laam lo nlò alo eduʼnlo enyəa ghɛ̀ nyɔʼɔ̀ faan sùghò tǒ Kə̀lestò, tò ghɛ̀ e ke lo alekele sughò duʼnlo è ne zo abugho ù kè dê sə wô ghaʼ e wə̄n zo.

1 Pità 5:1

Mùghò tǒ tsoʼ, M̀ buʼu wò kə̀ghu à tsoʼ təla tə lo am tsətèʼè fɛʼɛ. M̀ mafə kôʼ fala e Kə̀lestò zò, Ǹ lo kòʼò sùghò nû səghanyəgha mə̀là n lò aŋ ghaʼ e wə̄n abugho ù lo kôom bugho ebàm.

1 Pità 5:10

Àsùghò abugho ghɛ̀ tsûuŋ fala tsughu aŋ kə̀mà fə enə̀gha, Zə̀ kəla kə ki se e kwuso zo, kəla ke mò tɔŋɔ̄ nyə wô ghɛ an səghanyəgha ŋ wə̄n məla n dòʼò tən, bòʼ sɛ̀ lô fəgha ko kə mɔ̀ʼ sɛ̀ à ghê Kə̀lestò, lo kôʼ enyəa ghəa ghɛʼɛ a dzə̀m ghə ŋ kòom dòʼò kədzûŋ — boo zɛʼɛ zə e tughuu sugho — Kə lo fughuu sughò ghɛ̀ â daʼa ko, ghɛ̀ e tɔʼ ti sugho.