Lumà 3:22 - To kə Kəzə̀ kə̀ Fughu ko

²² Zə̀ kə̀ ghəŋlo enyəa ghî à dòʼò tsəghatsəgha a vʉ̀a wə̄n abugho ghe boō fughu tsughu â Yɛso Kə̀lestò. Zə̀ kə̀ ghəŋlo enyə â ghì ghən a dzə̀m ghe boō fughu â Yɛso Kə̀lestò, mò nəŋo nəŋ yo a te

Lumà 3:22 Iomraidhean Croise

Lûk 15:22

Tsele m fwə̀n dzɛ̀ ndùw â kɔ̀ɔ ŋ wə̄n mò enyəa, ‘Mba nǐi wò nlò dàla zəla è dzɔ̀ buʼ, ghɛ̀ təm tsughu a zəŋò wə̄n, ghɛ̀ dzəla tsughu sugho wə̄n â tee fo aŋ ghu kə wə̄n, ghɛ̀ dzəla kɔʼ sugho wə̄n â gùw tò alo aghùw.

Kə̀fwàʼ 11:12

Zuʼ tə̀ Zɔlɔ tə n dzɛ̀ â mùghò enyəa Ǹ nughù ndûw ghàʼ à ghee mò Ŋ̀ kâ sə̀mlò. Ghàʼ à ghê waazə̂ ghaŋa à nûu à li ghən tǔu ghe mò lo mo ghe m boo fughu, ghe nughùu wo an Dzopà, ghàʼ à ghee n təəm ndùw sùghò èghue à dzə̀m an Kàesalìa, a n ndùw nyə̀ ndùw an ndughu alô Kònelìus.

Kə̀fwàʼ 15:9

Ù n sùw màʼà sùghò bòo tə ghee bòʼ ghe gaʼ tsughu fə̀ŋ aŋ Kə̀lestò. Ù bàa yò kpiī wo sɛ̀ à ghê Tòʼò zò.

Kə̀fwàʼ 3:16

Ghùw wəla ghɛ̀ koʼò wô fɛ, wəla ghɛ̀ mgbaŋ kwo sugho, à fɛ ghəəŋ tsughu boo zəla ù ki an Yɛso vʉ̀a ù tughu dòʼò wo. À lo zən e Yɛso zən, à boo zəla e lo aŋ wə̄n e ghəŋlo vʉ̀a ù tughuu dzɔɔ̄ aŋghəa ghɛ̀ koʼò wô fɛ.

Lumà 1:17

Làbəlà è dzùŋ zən dêe fughuu wò dzì zəla Zə̀ kə̀ ghəŋlo a te enyəa ghùw è lo tsəghatsəgha a vʉ̀a wə̄n; mò a lò ko â ghì ghəla ghe tɔ̂ʼ boo fughu â wə̄n alendùw tâa ndûw. E fɛ nyoʼn lò aŋghəa ghe tɔm naŋā am mwàʼsò kə Kəzə̀ enyəa, “À lô tuw kə zəa ghùw wəla Zə̀ kə̀ ghəə̄ŋ tsughu enyəa ù è lo tsəghatsəgha a vʉ̀a wə̄n bòʼ fə̀ŋ zəla ghùw ù te gaʼ tsughu a zəŋo Zə̀ kò.”

Lumà 10:12

Tɔŋlo enyəa, abugho e bugho aŋ ghəa a zəa a kətuw gho, nə̀ŋònəŋ è li yo a zəŋò ghì a Tə̀dzûu ghò àsùghò Tòʼò zò. Ghe dzeŋe ki ko Mughu ù te u mɔ̀ʼ, ù lo Mughùbè ù ghee, vʉ̀a ù mwàʼa â ghì ghəla ghe gɔ̂ɔŋ nduw â wə̄n.

Lumà 10:4

Tɔŋlo enyəa Kə̀lestò mafə bughò fwàʼ mɛ̀ʼɛ̀ fəgha kəla lâŋ kə fə̀ ki alefwàʼ, zən fə̀ lo aleghəŋlo enyəa mò à lò ko ndughoo ù boō fughu tsughu dzə̄ â wə̄n, Zə̀ kə n nì ghùw u te aŋ ghûw u tsəghtsəgha.

Lumà 2:1

À fi lo enyəa dzì è lì yo dzə̂ â ghù aletiī sə a te abugho ghù saʼa nduw ghùw aŋ ghəa a biigh ghəla ù ghəŋlo, dèe ezə̀ mo ghuūghùe wʉa ù ghəəŋ sùghò ghəa e mɔʼɔ̄ zo. Ghù fi tsɔ̂ɔ sùghò nyʉ zə̀ghà an ŋgɔ̀ʼ aŋghəa ghù ghəə̄ŋ sughò ghəa à mɔʼɔ̄ a te gho.

Lumà 3:30

Zə̀ kə̀ lo ko kə mɔ̀ʼ, e fi lo enyəa kə lo ghəəŋ nù enyəa Tə̀dzûu àsùghò ghì ghəla ghe yô Dzûu tò dòʼò tsəghatsəgha a vʉ̀a wə̄n an dzì è mɔ̀ʼɔ bòʼ fə̀ŋ zəla ghe gaʼ tsughu a zəŋò Yɛso.

Lumà 4:16

Zə̀ lò e ghee à mìaa ko fə̀ŋ zəla ghùw gaʼ tsughu a zəŋò Zə̀ kò è ghəŋlo enyəa ù kele dzɔ̀ e Kəzə̀. Dzɔ̂ zən fɛ lo tǒ tsə̌a aledèe wô enyəa Zə̀ kə̀ lo ghəəŋ nù ghəa ghəla kə fə̀ to naŋa â waawɛ ghə Abə̀làhâm ghò a dzə̀m — ghəla ghe gaʼ tsughu fə̀ŋ a zəŋò Zə̀ kò tò aŋghəa Abə̀làhâm fə̀ gaʼ sugho fə̀ a zəŋò Zə̀ kò a te. E ka yò ko â ghì ghəla ghe zuuw lâŋ kò, mo dzɔ̂ e te e lo sugho â ghì ghəla ghe gaʼ sugho fə̀ŋ a zəŋò Zə̀ kò tò Abə̀làhâm, tɔŋlo enyəa Abə̀làhâm lo tsele ù sɛ̀ a dzə̀m.

Lumà 8:1

Tò aŋghəa e lô êzəŋ, ghùw ù lì kôom bùʼ yò alebɛ mbɛ an tuw kə ghì ghən a dzə̀m ghe lô fəgha ko kə mɔ̀ʼ ghèe ghê Kə̀lestò Yɛso.

Lumà 9:30

A lo aledzàa tsughu èndugho êzəŋ à? E lo enyəa Toʼò zəla e mò buʼù kəŋo yo alebùghò doʼò tsəghatsəgha a vʉ̀a Zə̀ kò m bùghò dòʼò, mo ghe bùghò dòʼò tsəghatsəgha bòʼ ghe boō fughu tsughu â Zə̀ kò.

1 Kòlentìan 12:13

À fə̀ lo sugho Zuʼ tə̀ Zɔlɔ tə̀ mɔʼɔ tən to ghe fə̀ fughu sɛ̀ â mùghù ŋ Kə̀zə̀ mò a te — ŋkāa à lǒ Tə̀dzûu ŋkāa à lò Etoʼò, ukɔ̂ ŋkāa ghî ghəla ghe ndzə̂əm mughu — Zə̀ chia kə dzə̂n wô Zuʼ tə̀ Zɔlɔ tə mɔʼɔ tə to am fə̀ŋ tə sɛ̀.

1 Kòlentìan 4:7

À kòʼò ndùghò ghəa è li zo e lo nəŋònəŋ a zəŋò ghɛ̀ a? À lò kə kwò ghɛ̀ ki a mò à kà fughu Zə kò a? Abugho à fə̀ fughu Zə̀ kò â ghɛ̀, ghɛ̀ sô fə̀ŋ tsɔ̀ɔ aŋ kwò tò a è so ghɛ̌ fə̀ fʉgha u te kele aŋ ŋgəŋ zɛʼɛ a?

Gàlashìan 2:16

a kwo sugho nû enyəa ghùw dòʼn dzə̀ yǒ ghûw ù zɔ̀lɔ a vʉ̀a Zə̀ kò enyəa so ù nàŋa tsughu kəlâŋ, à lǎam lò abugho ù gaʼ tsughu fə̀ŋ e wə̄n a zəŋò Yɛso Kə̀lestò. Zən lò e ghee ghàʼ boō fughu ndûw sugho â Kə̀lestò, enyəa ghàʼ doʼò tsughu ghî à zɔlɔ gho am fə̀ŋ zəla a gaʼ tsughu a zəŋò Kə̀lestò Yɛso, à yò dzə̂ làŋ kə̀ naaŋ ko; tɔŋlo enyəa abugho à lò ko an làŋ kə̀ naaŋ ko, ghùw yò aledòʼò ghùw ù zɔ̀lɔ.

Gàlashìan 2:20

E fi lo ko to ghe mǒ ghàʼ à ghê Kə̀lestò təghāa dzəəŋ kɔʼ a dzə̀m alo kədàŋlo; à kòom yò dzə̂ mugho M̀ mughu, à lǒ Kə̀lestò ù mùghù a zəŋò mùghò. Mughùu zəla M̀ mughu êzə̄ŋ aŋ gwə̀n e ughùe, M̀ mughu ghè zò am fə̂ŋ zəla Ŋ̀ gaʼ tsughu a zəŋò Wɛ̀ ù Kə̀zə̀, wəla ù mò ləgha tsughu mugho, ù m fùghù ndùw tuw kə wə̄n aŋ ghəa zaŋā.

Gàlashìan 3:22

Mwàʼsò kə Kəzə̀ kə̀ fwə̂n dzɛ̀ tsùghù enyəa aghî à dzə̀m am mbī lo ukɔ̀ â bo zo. E dêe enyəa, Zə̀ kə̀ lo fughuu kô namso kə̀là kə to naŋā â ghì ghəla ghe boō fughu â Yɛso Kə̀lestò.

Gàlashìan 3:28

Ghɛ̀ a dzə̀m èzəŋ e lò wɛ a Kəzə̀ bòʼ ghɛ̀ gaʼ fə̀ŋ a zəŋò Kə̀lestò Yɛso: nəŋò nəŋ è lì kôom yò dzə̂ a zəŋò ghùw ù Dzûu ghèe Tòʼò zò, ŋkāa, kəkɔ̂ ghèe ghùw wəla ù ndzə̀m mughu, ŋkāa a zəŋò wìnû ghèe wìzən.

Efɛsùs 3:12

À lǒ Kə̀lestò ù ghəŋlo enyəa sɛ̀ e ndzəə̄m lo alebùghò a vʉ̀a Zə̀ kò mo a ki yo tsəŋ è li zo aŋghəa sɛ̀ gaʼ fə̀ŋ a zəŋò wə̄n.

Fèlepìan 3:9

mùghò è kuūm lo fəgha ko kə mɔ̀ʼ ghàʼ à wə̄n, də̀mà yò alelo tsəghatsəgha aŋ ŋgəŋ zaŋā, à yò dzə̂ alelo tsəghatsəgha enyəa Ǹ zûuw làŋ kə enaʼ ko. Mùghò êzə̄ŋ e lo tsəghatsəgha bòʼ boo zaŋā àsùghò fə̀ŋ zaŋa zəla Ŋ̀ gaʼ a zəŋò Kə̀lestò,

Kòloshìan 3:11

Am mùghù è fughu zən, nəŋōnəŋ è lì kôom yò a zəŋò Toʼò zò ghèe ghê Dzûu tò, ŋkāa ghî ghəla ghe sugho twigh u ghee wo ŋkāa ghe tâʼkè sugho, ŋkāa ghî ghəla ghe lô nyôm tò ŋkàʼ tò, ukɔ̂ ŋkāa ghî ghəla ghe ndzə̂m mughu. Ghəa è səŋò zò aŋ ghəa ghən kuuwn lò ko enyəa, à mìaa ko Kə̀lestò alo aghəa a dzə̀m, Kə̀lestò wəla ù lò a zəŋò ghì ghò a dzə̀m.

Dzɛ̂ms 2:23

Ghəa ghən mò fɛ lueso tsughu ghəa ghəla ghe tɔm naŋa am Mwàʼsò kə Kəzə̀ enyəa, “Abə̀làhâm fə̀ boo fughu â Zə̀ kò, Zə̀ kə̀ n nì ndùw wə̄n an taŋ enyəa ù lǒ ghùw ù tsəghatsəgha.” Ghe n tɔŋɔ ndùw wə̄n enyəa ù lǒ ghùwfən ù Kə̀zə̀.