Lumà 3:21 - To kə Kəzə̀ kə̀ Fughu ko

²¹ Ezə̄ŋ, Zə̀ kə̀ n dzì è wən zəla ù naāŋ ghî gho a te tsəghatsəgha a vʉa wə̄n dê fughu wò, mò à yò dzə aŋghəa lâŋ kə̀ deē, aŋghəa e bûʼ lo ko enyəa lâŋ kə Musî àsùghò ghiīshʉ̀ghà a Kəzə̀ à teso dzâa ghəa a te gho.

Lumà 3:21 Iomraidhean Croise

Lûk 24:44

Ù daŋso dzɛ̀ â ghee enyəa, “Wən lò shwaʼ waŋa wəla mùgho fə dzɛ̂ â ghɛ̀ ghəa mùgho fə̀ naam lo sɛ̀, enyəa ghəa ghə̀n à dzə̀m ghe tɔm naŋā am mwàʼsò kə Musî, àsùghò am mwàʼsò wəla ghiīshʉ̀ghà à fə̀ tɔm naŋā, àsùghò mwàʼsò kə Sâams kò kùu wo mùghò, a ki alenì kəbəla.”

Dzɔ̌n 1:45

Felêp n ndùw kòʼ ndùw Natanìɛl, dzɛ̀ â wə̄n enyəa, “Ghàʼ ŋ kə̀ŋ kôʼ ghùw wəla Musî fə̀ tɔm naŋā kùʼù ndùw wə̄n am mwàʼsò kə kəlàŋ asùgho aŋghəa ghiīshʉ̀ghà a Kəzə̀ a fə̀ tɔm naŋā. À lò Yɛso, wɛ ù Dzùghùsî, tɔɔŋ ghùw Nazalɛ̀t.”

Kə̀fwàʼ 10:43

Ghiīshʉ̀ghà ghə̀n à dzə̀m fə̀ fɛ kâa ko wə̄n enyəa ghùw wəla ù boō fughu tsughu dzə̄ â wə̄n, ghe n ghuuw màʼà bòo tə wə̄n bòʼ Wə̄n.”

Kə̀fwàʼ 15:11

Sɛ̀ fɛ kuuwn kwo ko enyəa sɛ̀ lo zəa nù tuw ko am bàm e dzùŋù m Mughùbè Yɛso, aŋ ghəa Toʼò è lo bɔɔ̄m zəā sugho.”

Kə̀fwàʼ 26:22

Alebùghò sə nɛ, M̀ mughu mò à mùghò yosò Kə̀zə̀, zən lò e ghee Ǹ ti fɛ, tesô dzàa wò ghəa ghən â ghì ghə̀n à dzə̀m, ghî a ulwə̄n àsùghò ghì à səŋò ghò. Ŋ̀ kə̂aa dzə̀ yò ghəa è fughu è li zo, M̀ bɔɔm kə̀aa kô fəgha kəla ghiīshʉ̀ghà a Kəzə̀ a fə̀ dzɛ̂ naŋā ghèe ghê Musî enyəa kə kê bùghò sə̌aa nù.

Kə̀fwàʼ 28:23

A m bùghò ghèe ghee ndôʼ boō naŋā tsughu tsūʼ fo, ghe m bùghò kòʼ wò sùghò wə̄n, ghee ndə̀m, an lùʼù kəla ù mò mughu a te. Ù n tesô ghəa e te zo â ghee, alezìi tsughu â bwə̀làbwə̀là tò ndùw kùm ndùw an nə̀gha è gûŋsò zò, dèe fùghuu kɔʼɔ tsə̌a tə fɔ̀e u Kəzə̀, də̀mà ndùw sùghò enyəa e tsʉ̂ʉn nughù kɔʼ ghee kùu ndùw Yɛso aŋ ghəa lâŋ kə Musî kə̀ deē àsùghò shwaʼ u ghǐishʉ̀ghà a Kəzə̀ ghò.

Lumà 1:17

Làbəlà è dzùŋ zən dêe fughuu wò dzì zəla Zə̀ kə̀ ghəŋlo a te enyəa ghùw è lo tsəghatsəgha a vʉ̀a wə̄n; mò a lò ko â ghì ghəla ghe tɔ̂ʼ boo fughu â wə̄n alendùw tâa ndûw. E fɛ nyoʼn lò aŋghəa ghe tɔm naŋā am mwàʼsò kə Kəzə̀ enyəa, “À lô tuw kə zəa ghùw wəla Zə̀ kə̀ ghəə̄ŋ tsughu enyəa ù è lo tsəghatsəgha a vʉ̀a wə̄n bòʼ fə̀ŋ zəla ghùw ù te gaʼ tsughu a zəŋo Zə̀ kò.”

Lumà 1:2

Làbəlà e dzùŋ zən lo zəla Zə̀ kə fə̀ ki to naŋā â ghì a wə̄n gho, mò ù tum nàʼà wò â ghǐisʉghà a wə̄n gho, tò aŋghəa ghe tɔm naŋa am mwàʼsò kə Kəzə̀.

Lumà 16:26

Yia a bughò êzəŋ, tò aŋghəa ghiīshʉ̀ghà a fə̀ a dzɛ̂ zîi naŋa, asùghò aŋghəa Zə kəla kə doʼò tən dzɛ̀ tsughu enyəa, shwaʼ wən lo â Naʼà tə mbī to tə dzə̀m, enyəa abugho ghe zuw shwaʼ u te wo, ghe e lo aleboō fughu â Kə̀lestò, ghe e zuuw nduw â wə̄n.

Lumà 3:28

Tɔŋlo enyəa a n tɔʼn kele sə kɔʼ enyəa à lò ko fə̀ŋ zəla sɛ̀ gaʼ tsughu a zəŋò Yɛso e ghəŋlo enyəa ghùw dòʼo tsəghatsəgha a vʉ̀a Zə̀ kò, mò a yò dzə bòʼ enyəa ghùw tɔ̀ʼɔ bwìi aŋghəa lâŋ kə̀ deē.

Lumà 5:19

À fə̀ lo bòʼ tughu e kətuw e ghùw u mɔ̀ʼ ndə̀mà tə aghì tə fə̀ ndûw bugho ghî à biigh gho, à lo sugho eghala bòʼ ghùw ù mɔ̀ʼ fə̀ zuw sugho lâŋ kò e fə̀ ghəŋlo ndə̀mà tə aghì tə lo bugho doʼn tsəghatsəgha.

Lumà 5:21

Tò aŋghəa daʼa kə ebo kə fə̀ nî wô vʉ zo, à lò sugho eghəla dzɔ̂ è Kəzə̀ è ki daʼa ko aleghəŋlo enyəa ghuw e lo tsəghatsəgha â wən alekele mùghù è doʼn təla zo am bàm e Yɛso Kə̀lestò Mughùbè ù sɛ̀.

Lumà 9:30

A lo aledzàa tsughu èndugho êzəŋ à? E lo enyəa Toʼò zəla e mò buʼù kəŋo yo alebùghò doʼò tsəghatsəgha a vʉ̀a Zə̀ kò m bùghò dòʼò, mo ghe bùghò dòʼò tsəghatsəgha bòʼ ghe boō fughu tsughu â Zə̀ kò.

1 Kòlentìan 1:30

Nu à lò Kəzə̀ kə fughuu ghɛ â mùghùu zəla ghɛ̀ mughu alo kəfəgha kə mɔ̀ʼ ghɛ̀ à ghê Kə̀lestò Yɛso. Zə̀ kə̀ ŋ ghəən tsughu enyəa sɛ̀ e ki tɔ wo am bàm e Yɛso. Yɛso ŋ ghəəŋ tsughu enyəa sɛ̀ e lo tsəghatsəgha a sə kə Kəzə̀ àsùghò enyəa sɛ̀ e lo ghì a Kəzə̀ à zɔlo gho, zùe sè sùghò tuw u sɛ̀.

2 Kòlentìan 3:9

Abugho lâŋ kəla kə lo aleghəŋlo enyəa ghùw kpuw lo alenyəghanlo, kəla kə lo aŋ ghəa zəla e naāŋ ghùw ù tsəghatsəgha ki aleŋgeē nyəghaan tsəghàasə.

2 Kòlentìan 5:21

Kə̀lestò mò ki yo bo è li zo, Zə̀ kə̀ ŋ ghəŋlo è tsughu ù n dòʼò tsùghu tò ghûw ù bǐigh bòʼ ghəa e sɛ̀, enyəa aŋghəa sɛ̀ à ghee təmdzəə̄ŋ kɔʼ, a ke e dzeŋe lo sugho tsəghatsəgha a vʉ̀a Zə̀ kò.

Gàlashìan 3:8

Ghe fə̀ tɔm naŋa am Mwàʼsò kə Kəzə̀ enyəa Zə̀ kə̀ lô Tòʼò è naaŋ tsəghatsəgha am fə̂ŋ è ghee zəla ghe gaʼ tsughu a zəŋò wə̄n, Kə̀zə̀. Zən lò e ghee Zə̀ kə fə̀ dzɛ̂ naŋā zîi wo Làbəlà è Dzùŋ â Abə̀làhâm enyəa, “Naʼà tə̀n tə̀ dzə̀m fɛ a mbī kê bughuso e kele am bàm zəghà.”

Gàlashìan 5:5

Zuʼ tə Kəzə̀ tə kûm dzə̀là nù fə̂ŋ tə sɛ̀ tò enyəa sɛ̀ e kwo tən enyəa Zə̀ kə̀ lo nìi sɛ enyəa sɛ̀ lo tsəghatsəgha bòʼ sɛ̀ boo fughu â Kə̀lestò.

Fèlepìan 3:9

mùghò è kuūm lo fəgha ko kə mɔ̀ʼ ghàʼ à wə̄n, də̀mà yò alelo tsəghatsəgha aŋ ŋgəŋ zaŋā, à yò dzə̂ alelo tsəghatsəgha enyəa Ǹ zûuw làŋ kə enaʼ ko. Mùghò êzə̄ŋ e lo tsəghatsəgha bòʼ boo zaŋā àsùghò fə̀ŋ zaŋa zəla Ŋ̀ gaʼ a zəŋò Kə̀lestò,

1 Pità 1:10

Ghiīshʉ̀ghà a Kəzə̀ ghəla ghe fə̀ dzɛ̂ naŋā wô ghəa gho kùu ndùw dzɔ̀ zəla Zə̀ kə deē â ghɛ̀ fə̀ tɔʼ kəŋ sə kɔʼ nû aŋghəa ghɛ̀ ki alezə kətuw a te.

2 Pità 1:1

Mùghò Sǎemòn, tɔɔŋ Pità, wəla Ǹ lo ghùw ù kə̀fwàʼ àsùghò tum è Yɛso Kə̀lestò; M̀ fughu wò ètɔŋlo â ghɛ̀ ghəla ghɛ̀ lo mò ghɛ̀ ŋ kele boo zəla e tughuu sugho tò zaʼā zo. À lǒ bòʼ dzɔ̀ e Zə̀ kə sɛ̀ àsùghò e Bəghambī ù sɛ̀ zo e ghəŋlo enyəa sɛ̀ e ki boo zən zo.