Lumà 3:2 - To kə Kəzə̀ kə̀ Fughu ko

² Òo, ghəa a te a lo ndə̀m. Alekaʼa nughu tsughu, ghe fə̀ lâŋ kə Kəzə̀ kə̀ fughu naŋa aŋ ghùu Dzûu to.

Lumà 3:2 Iomraidhean Croise

Dzɔ̌n 5:39

Ghɛ̀ kəŋo kô ghəa ghəla a lô am mwàʼsò kə Kəzə̀, bòʼ ghɛ̀ sô moʼò enyəa à lò a te ghɛ̀ kele mughù è doʼn təla zo; mò à mgbàŋ lò ko mwàʼsò kə̀ mɔʼɔ̄ kən ko kə teso dzâa wô ghəa ghaŋa gho.

Kə̀fwàʼ 7:38

À lǒ wə̄n ù fə̀ lô aŋ ghì ghəla ghe fə̀ lo aŋ gwə̄n ghèe ghê tselè sɛ̀ àsùghò tsə̀ndə̄ghā zəla è mò kə̂a wo wə̄n â ghəa gho aŋ kwàʼ u Sinàe. Ù n nì wò shwaʼ u Kəzə̀ wəla u doʼò tən alebùghò fughu â sɛ̀.

Lumà 1:2

Làbəlà e dzùŋ zən lo zəla Zə̀ kə fə̀ ki to naŋā â ghì a wə̄n gho, mò ù tum nàʼà wò â ghǐisʉghà a wə̄n gho, tò aŋghəa ghe tɔm naŋa am mwàʼsò kə Kəzə̀.

Lumà 2:18

Ghɛ̌ yia kwo fəgha kəla Zə̀ kə̀ ləghaa enyəa ghɛ̀ è ghəŋlo, ghɛ̀ yia kwo sugho êsəŋò, bòʼ ghɛ̀ n zoʼn kele lâŋ kə Musî kò.

Lumà 3:1

À lo ŋgè lò nu dzɔ̀ alelo ghù ù Dzûu tsə̀ghasə alelo ghî ghəla ghe yô Dzûu tò zo a te a? Ŋkāa namso kə̀ li kə lo nû ghùw kele abugho ghe sugho tsughu tigh kə wə̄n ko a?

Lumà 3:3

À fə̀ sə kə kwò aŋghəa ghee à li a tɔ̂ʼ tì yo am boo e ghee a? Aŋghəa ghee à li a fə̀ taʼkè ghə̂əŋ ghəa ghəla ghe fə̀ boō naŋa aleghəŋlo, e fə lo nû enyəa Zə̀ kə̀ yo sugho aleghəə̄ŋ ghəa ghəla kə fə̀ to naŋa a?

Lumà 9:4

Ghe lo ghî ghə Ezə̀lɛ̂, ghî ghəlà Zə̀ kə̌ fə nî enyəa ghe e lo wɛ a wə̄n gho. Kə n dè tsughu sùghò səghanyəgha ŋ wə̄n â ghee. Kə n zə kɔʼ ŋkâa ghèe ghee, fùghù ndùw ghee â làŋ kə ŋkāa kə te ko. Ghe yia kwo alefughu ŋkɔʼso â Zə̀ kò, kwo sugho to kəla Zə̀ kə fə̀ to naŋā.

1 Kòlentìan 9:17

Abugho M̀ mô fwàʼ kən kə fwaʼà enyəa à tsò tsəm kɔʼ ko mùghò, to ghe mô tsə̌a mùghò a te. Abugho à kuūwn lô enyəa à kà mùghò tsə̂m kɔ̀ʼ dzə̀, à fi lo enyəa M̀ fɛ fwàʼà fəgha kəla Mughu ù te fughu â mùghò enyəa mùgho è fwaʼā.

2 Kòlentìan 5:19

À fi lo enyəa à fə̀ lo am bàm e Kə̀lestò Zə̀ kə fə̀ ndoʼò biāan ghèe ghê ghì gho a te am mbī, kè ndoʼò taŋ yo bôo tə ghee to, kə m fughu naŋa nyə̀ tsùghù sùghò shwaʼ ù bian u aghì wò aŋ ghu kaʼā.

Gàlashìan 2:7

Ghe ŋ kuūwn kòʼ tsùghù enyəa Zə̀ kə̀ m mùghò â daʼa kə fughu alezùghòo làbəlà è Dzùŋ â Tòʼò zò, aŋ ghəa kə mò fughu sughò Pità â daʼa ko alezùghòo làbəlà è mɔ̀ʼɔ è te â Dzûu tò.

1 Timotì 6:20

Timotì, tɔ̀ʼɔ kwo kelē fəgha chìa Zə̀ kə̀ fughu naŋā wo â ghù. Ka è zəən dzə ghəa ghə̀là à buw shwàʼ u Kəzə̀ wò, àsùghò zɔ̀ʼ tə aghəa təla ghî à li a gaām tɔŋlo enyəa à lò utɔ.

Hibùlù 5:12

Ghɛ̀ mô ki alelo ghî ghəla ghe zoʼn kaāŋ ghî ghò êzəŋ alo aghəa, ghùw ù lì kuuwn ki alefəghaan zoʼn kpeʼē wô ghɛ̀ aŋghəa ghəa a sûesʉ ghəla ghɛ̀ mò bûʼ zoʼn dzə kùu ndùw shwaʼ u Kəzə̀. Ghɛ̀ lo tò wɛ à bughuu gho ghe naam nyɔŋɔ ghe zo, mò ghe yo alezəa fʉghàzəa ù tughu wo.

1 Pità 4:11

Abugho à lò ko ndughoo ù nàʼn tum è Kə̀zə̀, ù ki alenàʼà ko fəgha kə̀là Zə̀ kə̀ dzɛ; mò a lo ndughoo ù fughuu yosò zò â ghì ghò, ù ki aleyosō ghee an daʼa kəla Zə̀ kə̀ fughu â wə̄n; to zə e lo enyəa alo aghəa a dzə̀m, aghî ghə̀ è fughu Zə̀ kò â kɔʼso mò am bàm e Yɛso Kə̀lestò. Səghanyəgha n lo â wə̄n àsùghò dwaʼa wo, to mbī kê bughò mîaa. Zə e lo ko êzə̀.

Edêe Fughu 19:10

Mùghò n daŋso tə̀m ndùw tə̀ŋguʼ a tsəlà wə̄n enyəa M̀ fughuu ndûw wən à kɔʼso mò, zə̀ m fwə̀n dzɛ̀ wò â mùghò enyəa, “Ghù kì dzə yo aleghəəŋ ghəa ghən gho! Ghàʼ à ghù dzeŋe lò ŋkɔ̂ɔ àsùghò waazə̂ ghəla boō fughu aŋghəa è səŋò zəla Yɛso mò dê tsughu. E kɔʼso nduw Zə̀ kò!” À lò səŋò zəla Yɛso mò dê tsughu e ghəŋlo enyəa ghiīshʉ̀ghà ghə̀ e dzâ ghəa gho.

Edêe Fughu 22:6

Tsə̀ndə̄ghā e Kə̀zə̀ n dzɛ̀ â mùghò enyəa, “Shwaʼ wən lo shwaʼ wəla ghî a lo aleboō fughu a te, vʉà ù lô êsəŋòʼ. Tsə̂ntə̀mbî Kəzə̀, kəla kə fughuu Zuʼ tə̀ Zɔlɔ to â ghiīshʉ̀ghà a wə̄n gho n tùm wo tsə̀ndə̄ghā e wə̄n enyəa e bùghò dêe fughu wô â kɔ̀ɔ ŋ wə̄n mò fəgha kəla kə kuʼn ki alenì kəbəla.”