Lumà 3:10 - To kə Kəzə̀ kə̀ Fughu ko

¹⁰ Ghe tɔm naŋa am Mwàʼsò kə Kəzə̀ enyəa, “Ghùw u li yo dzə̂ ù lo tsəghtsəgha, u mɔ̀ʼ kɔʼkɔʼ ŋgəmso yo dzə̂.

Lumà 3:10 Iomraidhean Croise

Matìo 15:19

Nu à am fə̂ŋ è ghùw bɔɔm səa kɔʼɔ wò ko mòʼnlò e biigh zo, àsùghò ghəa à biigh à li gho tǒ alewinlo àghì, alesəa nuŋlo, aleghəəŋ kaaŋ dzə̀adzə̀ tə aghəa tə̀ li to, aletsɔŋɔ, alemaʼn kaaŋ nùʼ tò àsùghò fom to.

Mâk 10:18

Yɛso m bvʉ â wə̄n enyəa, “Ghù mùghò tɔŋlo enyəa Ǹ lo ghùw ù dzùŋ aŋ kwò à? Ghùw ù lì yo dzə̄ ghùw ù dzùŋ, à gɔ̀ʼɔ̀ ko Kə̀zə̀.

Lumà 11:8

E lo nû am mwàʼsò kə Kəzə̀ enyəa, “Zə̀ kə fə̀ tughuso naŋa tsughu fə̂ŋ tə ghee, làʼsò nàŋa tsughu sùghò moʼnlò e ghee, alebùghò tâa wô an tsuʼ fə nɛ fə̄n ghùw ù te u mɔ̀ʼ buʼ yò alekòʼòkɛlɛ ŋkāa alezuūwkɛlɛ̂ ghəa è li zo.”

Lumà 3:11

Ghùw u li yo dzə̂ ù zuūwkɛlɛ ghəa zəla e lo tsəghatsəgha, ŋkāa ghùw li yo dzə̂ ù lò aletɔ̀ʼɔ̀ fughuu mɛʼɛ̀ tsughu ŋkɔʼso â Zə̀ kò enyə kpekpe.

Lumà 3:23

Nu aghî a dzə̀m m bo e ghəŋlo, ghe yia bvʉ̂ kômlo aledòʼò an səghanyəgha ŋ Kə̀zə̀.

Lumà 3:4

Ɛ̂ŋgaŋ dzə̂, e dɔ̂m yò aledòʼò ezə̀. Zə̀ kə̀ lo tsəghatsəgha, abugho aghî a dzə̀m bùʼ kaʼn mɛʼɛ̀ nduw ko gha gho: to aŋghəa ghe tɔm naŋa am mwàʼsò kə Kəzə̀ enyəa, “Ghù ki aledèe tsughuu enyəa ghù lò tsəghatsəgha abugho ghù kə̀aa ghəa gho, mo ghe nî nduw ko ghù an tia e saʼ, ghù n saʼ e zə.”

Taetùs 3:3

M̀ fɛ dzàa tɔŋlo enyəa an tì kə̀ li ko ghue e ughùe e sɛ̀, sɛ̌ fə̀ buʼ lo ghî à laʼso gho, sɛ̀ n zuuw yo â Zə̀ kò, ghəəŋ boon sùghò àghəa, ghe n sè məŋso sùghò sɛ̀, sɛ̀ m fə̀n dòʼò ndùw ùkɔ̀ a bâa fʉgha u mbī wo. Sɛ̀ m mughu aŋ kə̀f kə ebō, ki sugho kəmʉ̀nlo am fʉgha ù aghì. A m bâa ghì ghə̀n àdzə̀m, ghî ghə̀n à dzə̀m m bâa sùghò sɛ̀.

1 Pità 1:16

Nu ghe tɔm naŋa am mwàʼsò kə Kəzə̀ enyəa, “E zɔlɔ nlò aŋ ghəa ghɛʼɛ̄ à ghəəŋ gho, tɔŋlo enyəa Ǹ zɔlɔ nù.”

Edêe Fughu 21:8

Yia a bugho ghê mgbêbvʉ̄, ghî ghəla ghe taʼkè boō fughu, ghî a dzəa gho, ghəla ghe wiī ghî ghò, àsùghò à nuūŋ gho, ghî a uvùŋ, ghəla ghe kɔʼso zʉ̀ ù li wə̄n, àsùghò ghî ghə agha a dzə̀m, luʼu ke ghee kê lǒ fɛ̀ɛn fɛ̀ɛn kə wə̀n kəla zuʼ kə biigh kə səa wo àsùghò nyoʼ ko ghe tɔŋlo enyəa à lò sulfò, mò à fi lò e kpuūw kuenlò.”

Edêe Fughu 22:15

Ghî ghəla ghe yo dzə an naʼ e te fo lo ghî ghela ghe ghəə̄ŋ dzə̀adzə̀ tə aghəa to, àsùghò ghì a uvùŋ ghò, ghəla ghe nûuŋ kaŋlo àsùghò ghəla ghe wii ghî gho, ghəla ghê kɔʼso mùʼù mò àsùghò ghəla ghe kaʼn gha gho aŋ ghəa ghee kə̀a gho àsugho aŋ ghəa a ghee à ghəəŋ gho.