Lumà 2:7 - To kə Kəzə̀ kə̀ Fughu ko

⁷ Ghî ghəla ghe kəŋo alekele zən e dzûŋ zo, ŋkɔʼso àsùghò mùghù zəla e mian koʼo yo aŋghəa ghe ghəə̄ŋ zeē ghəa a dzûŋ ghò, Zə̀ kə lo â ghe fughuu mùghù è doʼn təla zo.

Lumà 2:7 Iomraidhean Croise

Matìo 25:46

Ghe lo daŋso nîi tuū zəghàa ndûw ghee ghən an lùʼù wəla ghe lo koʼò tsɛlɛ̄ mùlǔŋ a fughu. Ghî a tsəghatsəgha a kê kuūwn kelê mùghù zəla e doʼò tən.”

Lûk 21:19

Abugho ghɛ̀ kê kɔlɔ̄ tsughu fə̂ŋ tò, ghɛ̀ ke zə tuw ko.

Lûk 8:15

Yia a bughò ghəla an lùʼu kə̀ foōn ko, à lò ghəla ghe zuw tsughu shwaʼ u te wo, ghe n nyɛ̀ nì kɔ̀ʼ an zumso kə fə̂ŋ kə ghee kə̀ dzûŋ kò, wə m bùghò fughu kɔʼ kətam, aŋ ghùe zəla ghe zumso tsughu a te.

Dzɔ̌n 4:36

Ghe tsəa nǔ ghùw wəla ù dùmlo êzə̄ŋ, vʉ̀a ù zùuŋ fʉghàzəa (ghî ghò) wəla ù doʼn təla wo, enyəa ghùw ù tǎa ghèe ghùwdùmlo ke e dzeŋe duʼnlo.

Dzɔ̌n 5:44

Ghɛ̀ sô lǒ ênzə̂n alebōo à, mò ghɛ̀ dwaʼa wɛʼɛ u nîi kǎaŋ wò aŋ ghùe zɛʼɛ lo, kuuwn kəŋo yo alekelê daʼa kəla Zə̀ kə̀là à mìa ko ghè kò fughuu â ghɛ̀ a?

Lumà 2:10

Ghî ghən a dzə̀m ghe ghəəŋ ghəa à dzuŋ ghò Zə̀ kə̀ lo ghəəŋ nù ghe e ki kɔʼso mò, ghe e mughu alo nsəghanyəgha àsùghò alo ebughunlo, mo ghe kaʼ nùghù tsùghù a zəŋò Dzûu tò, a daŋso tsùghù ndûw a zəŋò ghì ghə̀la ghe yô Dzûu tò.

Lumà 6:23

Ghɛ̀ kele tsughu enyəa, namso kəla ghùw kele am bo zəla ù ghəə̄ŋ tsughu lò evʉ, Zə̀ chia kə kuuwn tsôo ndzə̂əm fughuu ko mughù è doʼn təla zo am bàm e Kə̀lestò Yɛso, Mughùbè ù sɛ̀.

Lumà 8:18

Ŋ̀ kwo nû enyəa fala zəla sɛ̀ fanlo êzəŋ kâ mbùʼ kɔʼ kpe alebàan ndûw ghèe səghanyəgha məla Zə̀ kə̀ lo naāŋ sɛ̀ a te.

Lumà 9:23

Zə̀ kə fə̀ ghəa ghən enyə ghəəŋ tsughu aledèe fughuu wô daʼa kə səghanyəgha ŋ wə̄n â ghì ghò a dzə̀m enyəa ghe kele tsughu enyəa kə kê dèe se è kwuso zo a zəŋò ghì ghəla kə̀ fə̀ fôʼ naŋa, tɔɔŋ ghì ghəla kə fə̀ biaān naŋā enyəa ghe kê lò tsəgha an səghanyəgha ŋ wə̄n.

1 Kòlentìan 15:42

Ghən lò ghəa ghəla a kê bɔɔ̄m lo a te abugho Zə̀ kə̀ zôo nughùun kɔʼɔ̄ ghî ghò a te alo evʉ̄. Fəgha kəla ghe tam nduw kə fîaa nù, kəla ghe nî sə kɔʼ wo kə fîaa dzə yò.

1 Kòlentìan 15:50

Fəgha kəla ŋ kəā ghe kǒ a waazə̂ ghaŋa gho lo enyəa, fəgha kə təkàŋ kə yo alenyə am fɔ̀e u Kəzə, fəgha kəla kə yo alefìaa kôʼ yo dzə̂ alezə bəla e fəgha kəla fə lo alelo alefìaa.

1 Kòlentìan 15:58

Waazə̂ ghaŋa ghəla Ŋ̀ ŋgeē ləghaa, tɔ̀ʼɔ tee tsughu nlò, e kwo ko fəgha kə̀ li kə lô noʼsò ghɛ. Ghɛ̀ fughu nduw ghue zɛʼɛ zo alefwaʼā ko â Mughu ù te, ghɛ̀ e kwo tən enyəa fwàʼ kɛʼɛ kəla ghɛ̀ fwaʼā â Mughu ù te yo dzə kə̀nughùnùghù.

Gàlashìan 6:9

E kwo ko sɛ̀ lô so e bughuu kòom nù aleghə̂əŋ ghəa à dzûŋ ghò, tɔŋlo enyəa abugho nəgha e te e lo kpē tsughuu, sɛ̀ lo kele nù namso ko abugho sɛ̀ doʼŋkè kôom ghɔ̂ɔn wò ebàm.

Efɛsùs 6:24

Yìa Ŋ̀ gɔ̂ɔŋ sugho enyəa to Zə̀ kə̀ mo dê dzɔ̀ e wən â ghì ghəla ghe ki ləgha zəla e kê mîaan koʼò yo â Mughùbè Yɛso Kə̀lestò.

Kòloshìan 1:27

Zə̀ kə mò ləghaa enyəa ghe kele tsughu enyəa fɛ̀ɛn kə nàn kə eghəa kə wə̄n kən lò sugho â ghɛ̀ a Toʼò zò. Nàn kə eghəa kə te chia kə lo enyəa: Kə̀lestò lo ghɛ̀ à ghee. Ghəa ghən fɛ dèe enyəa ghɛ̀ lo kele sùghò nu kɔʼso mò tǒ Kə̀lestò.

1 Timotì 1:17

Gɔ̂ɔŋ zaʼa e lo enyəa, to ghî à mô tə̀mâ ŋkəma, fughu sùghò ŋkɔʼso â Də̀ŋ kəla kə doʼo tən, də̀ŋ kəla kə kê kpuūw koʼò yo, kəla ghùw taʼkè kaām koʼò koʼo tsəghà, mò a mìa ko wə̄n Zə̀ kò to mbī kê bughò mìaa. Zə e lo ko êzə̀.

2 Timotì 1:10

Yia a kuūwn bugho êzə̄ŋ, Kə̀lestò Yɛso, Bəghambī ù sɛ̀ m bùghò tsʉ̀ dè ghəa ghən gho à dzə̀m. Ù ŋ ghəŋlo, vʉ zəa e kôom ki yô daʼa ko a zəŋò sɛ̀, vʉ̀a ù zoʼn sɛ̀ â làbəlà e dzùŋ, làbəlà è dzùŋ è te zə̀a è dè fughu wo sɛ̀ â fəgha kəla mughù è doʼn təla e lo ghè kò.

Hibùlù 2:7

Ghù fə̀ ghəəŋ tsughu nû tsə̀təndə̄ghā tə Kəzə̀ tə n nyɛʼɛ tsə̀ghàsə tsughu ghùw enyə mbəs aŋ kə̀mà fə enə̀gha; ghù m fughu tsughu ghùw â dwaʼa wo àsùghò kɔʼso mò,

Hibùlù 6:12

Ghàʼ ləghaa yo enyəa ghɛ̀ bugho lɛɛ tsughu, ghàʼ laam ləghaa enyəa ghɛ̀ e lo tò ghî ghəla ghe fə̀ ka tsughu zə zo, boo fùghù e tsughu alezə fəgha kəla Zə̀ kə̀ fə̀ to naŋā.

Hibùlù 6:15

A m bugho Abə̀làhâm ndòʼ ka tsughu sugho zə zo ləma è koo, u m bùgho kèle kɔʼ fəgha kə̀là Zə̀ kə fə̀ to naŋā.

1 Dzɔ̌n 2:25

To kəla Kə̀lestò fə̀ to naŋā â sɛ̀ lò — Mughù è doʼn tela zo.