Lumà 2:4 - To kə Kəzə̀ kə̀ Fughu ko

⁴ Kàa ghù so yia tsughuso maʼn nù dzɔ̂ e Kəzə̀ e ne zò àsùghò se e wə̄n e kwuso zo àsùghò aŋghəa kə naām lɛɛn ghù a? Ghù kwo yo enyəa dzɔ̂ e Kəzə̀ e lo aleghəŋlo enyəa ghɛ̀ ti kuwnlo am bòo tɛʼɛ a?

Lumà 2:4 Iomraidhean Croise

Lumà 10:12

Tɔŋlo enyəa, abugho e bugho aŋ ghəa a zəa a kətuw gho, nə̀ŋònəŋ è li yo a zəŋò ghì a Tə̀dzûu ghò àsùghò Tòʼò zò. Ghe dzeŋe ki ko Mughu ù te u mɔ̀ʼ, ù lo Mughùbè ù ghee, vʉ̀a ù mwàʼa â ghì ghəla ghe gɔ̂ɔŋ nduw â wə̄n.

Lumà 11:22

Kòʼ nlò dzɔ̂ e Kə zə̀ zo àsùghò aŋghəa kə ŋgɛlɛ a te: Zə̀ kə̀ kwo sugho alefɔeso ghì ghəla ghe lo mo ghe ŋ ghəəŋ bonlo. Dzɔ̂ è Kəzə̀ zə e kuuwn lo â ghɛ̀ abugho ghɛ̀ ghəəŋ dzə̂ ghəa ghəlà kə leghāa enyə ghɛ̀ e ghəŋlo, buw èzə̀, Zə̀ kə lo alefàa maʼà səa tsughu wô ghɛ̀ tǒ kwèe kə fəkàʼ.

Lumà 11:33

Kòʼ nlò kum e Kəzə̀ zò a! Kòʼ nlò tɔ u wə̄n ù ne wo àsùghò tɔ e wə̄n zo! Ghùw ù lì yo dzə̂ ù lò aletesô dzì zəla Zə̀ kə̀ ghəəŋ ghəa wə̄n gho a te, àsùghò fəgha kə̀là kə ghəŋlo enyəa Zə̀ kə̀ e ghəŋlo êzə̀.

Lumà 3:25

Wə̄n wəla Zə̀ kə fə̀ nî fughu sə wo enyəa ù bùghò kpuw vʉ e kəmùwnlo to kâŋ tə wən tə sûuw maʼa bòo tə aghì ghəla ghe boō fughu â wən. Zə̀ kə fə̀ enyə ghəŋlo aledèe tsughu enyəa kə lo tsəghatsəgha. Nu â wǐiwǐi, kə mò kɔɔn tsughu fə̀ŋ, kə̀ n tsò zhə̌ən zə̀ghàa sùgho bòo tə aghì.

Lumà 6:1

Sɛ̀ fɛ èzəŋ e lo to sɛ̀ e dzâa tsughu êndughō a? A sô yia ki aleghəəŋ nduūŋ nduw ko bo zo to Zə̀ kə̀ e ŋgee deē nduūŋ wo ko dzɔ̂ e wə̄n zo â sɛ̀ ŋkāa?

Lumà 6:15

A lo aledzàa tsughu êndughō êzəŋ a? À lò enyəa sɛ̀ ki aleghəəŋ nduw ko ghəa a biigh gho aŋghəa sɛ̀ sô kôom mughu yo a tsəla làŋ ko a, bòʼ a sô kuuwn mùghù an dzɔ̀ e Kəzə̀ à? Ɛ̂ŋgaŋ dzə̂!

2 Kòlentìan 8:2

Ghe mafə kûm bìso ŋgè mɔ̀msò kòʼ an ndə̀mà tə utsù təla ghe fə̀ tsəgha a te, ghe kǔuwn tsô naam lò ko alo eduʼnlo, dùʼnlo e te zə ghəŋlo ghe m bughuu â ghù ko alefughu ghî ghò â fʉgha wò aŋghea ghe mò buʼù laa ko nû, ghəa ghə n tughuu sùghò a zəŋò ghee.

Efɛsùs 1:18

Yìa Ŋ̀ gɔ̂ɔŋ sugho enyəa to Zə̀ kə mô tsʉ tuw wɛʼɛ, ghɛ̀ zuuwkɛlɛ tùʼ zəla ghɛ̀ chiī ghè zò aŋ ghəa zəla Zə̀ kə mò tɔ̀ŋɔ ghɛ̀ a tè, àsùghò enyəa ghɛ̀ e kwo sugho namso kə wə̄n kə̀ ne kəla ù fə̀ to naŋā â ghì a wə̄n à dzûŋ ghò,

Efɛsùs 1:7

Tɔŋlo enyəa à fə̀ lo aŋ kàŋ tə Yɛso təla tə fə̀ tsughu tsughu alo kədàŋlo Zə̀ kə fə̀ zue sə wo sɛ̀ a te; mo e fi lo enyəa Zə̀ kə̀ mafə bôo tə sɛ̀ tə ghuuw màʼà bòʼ dzɔ̀ e wə̄n e ne zən,

Efɛsùs 2:4

À sò kuuwn lò ko enyəa Zə̀ kə̀ ŋge ki se è kwuso zo, bòʼ ləgha e wə̄n zəla kə ki â sɛ̀.

Efɛsùs 2:7

Zə̀ kə fə̀ ènyə ghəəŋ tsughu enyəa an tì kəla kə ki alebùghò, kə ke e lo aledè dzɔ̀ e wə̄n e ne zo an ləgha zəla kə lo mo kə n dè â sɛ̀ aŋghəa ù fə̀ ghəə̄ŋ tsughu enyəa sɛ̀ doʼò kə̀fəgha kə mɔ̀ʼ sɛ̀ à ghê Kə̀lestò Yɛso.

Efɛsùs 3:16

Ŋ̀ gɔ̂ŋlò enyəa to Zə̀ kə̀ mô nîi kɔʼ kum e wən è ne zəla e kê mîaan koʼò yo kə dzəlà tsughu fə̂ŋ tɛʼɛ a te an daʼa kəla Zuʼ tə̀ Zɔlɔ tə fughuu â ghɛ̀, tò ghɛ̀ e tughuu,

Efɛsùs 3:8

Ghəa e bûʼ lô ko enyəa Ŋ̀ kâ tso kɔ̀ʼ kpe to ghe e tɔŋɔ mùghò enyəa Ǹ lo ghùw ù Kə̀zə̀, ghe fə̌ fwàʼ kən kə fughu wo â mùghò alezùghò naʼa kum e ne zəla e lo am bàm e Kə̀lestò â Tòʼò zò,

Fèlepìan 4:19

À lǒ Zə̀ kaŋa kə te ko kə lo fughu fʉgha wən ù dzə̀m ghɛ̀ ləghaa an kum zəla e lo an zən e Kə̀lestò Yɛso

Kòloshìan 1:27

Zə̀ kə mò ləghaa enyəa ghe kele tsughu enyəa fɛ̀ɛn kə nàn kə eghəa kə wə̄n kən lò sugho â ghɛ̀ a Toʼò zò. Nàn kə eghəa kə te chia kə lo enyəa: Kə̀lestò lo ghɛ̀ à ghee. Ghəa ghən fɛ dèe enyəa ghɛ̀ lo kele sùghò nu kɔʼso mò tǒ Kə̀lestò.

Kòloshìan 2:2

Ŋ̀ ghəa ghən ghəŋlo enyəa to fə̂ŋ tə ghee tə mô nyəā tsughu, ghe nîi kɔʼ eləgha tò fəgha kəla kə kwuu kɔɔn ghee alo fətùʼù, ghe e kwo tən enyəa e lo êzə̀ aŋghəa ghe bughò zuwkɛlɛ̄ tsughu səŋò e te zo. A n dziī zən, ghe lo zuūwkɛlɛ enyəa nàn kə eghəa kəla kə lo aŋ ghəa a Kəzə̀ lǒ Kə̀lestò.

1 Timotì 1:16

Zə̀ kə̀ ŋ kuuwn kwuso tsughu ese a zəŋò mùghò wəla mùgho fə̀ bûʼ bo tsəghà ko ghî à biigh gho a dzə̀m, aŋghəa Yɛso Kə̀lestò fə̀ kǔum maʼà tsughu ghue wo alebəghaasə mugho am bòo taŋa tǒ tsə̌a â ghî ghəla ghe naām ki aleboō fughu â wə̄n to ghe lo kelê mùghù èdoʼntəla zo.

1 Timotì 6:17

Kwɛ̀ɛn tsughu ghî ghəla ghe kuū am fʉgha u mbī wo, enyəa ghe ka e kɔʼso ghue zo a te, tɔŋlo enyəa u lo dòʼn tə̀la yo, ghe ki alechiī tùʼ e ghee e dzə̀m a zəŋò Zə̀ kəla kə fughu sɛ̀ â fʉgha wə̀n ù dzə̀m u ghəŋlo enyəa sɛ̀ è tsoʼnlo.

1 Pità 3:20

Tɔ̂ɔŋ zwəŋso wəla u fə̀ tsughòsò maʼa dzə̀ è Kə̀zə̀ alebùghò tâa wô an tsuʼ fəla Nôa fə̀ bəgha kwə̀n ko. An ti kə̀ è chì, à fə̀ lo ko aghî èfaa ghe fə̀ zə tuw ko aŋ ghùu fʉ̀ghàdzughù tò, aŋ kwə̀n kə te ko.

2 Pità 1:11

ghe kê kpeēnîi sughò ghɛ̀ am fɔ̀e ù doʼn təla wəla à ki Mughùbè ù sɛ̀, tɔɔŋ Bəghambī, Yɛso Kə̀lestò.

2 Pità 3:15

Kele tsughu nlò enyəa Mughu ù te naam ləmlo â ghɛ̀ enyəa ghɛ̀ boo fughu wo â wə̄n tò ghɛ̀ zə tuw ko. Ghəa ghən bɔɔm lò eghəla aŋghəa waʼāwāʼ Pôl fə̀ tɔm wô ghɛ̀ â mwàʼsò kò an tɔ wəla Zə̀ kə mò fughu â wə̄n.

2 Pità 3:3

Alebùʼù nîi tsughu, ghɛ̀ ki alezuūwkɛlɛ̄ tsughu enyəa ghî à li a kê bùghò nù an tsùʼù məla mbī kê suū wo alebùghò mîa, mò à mùghù e ghee e boʼò kèle ghəa ghəla gwən e ughùe e ghee e ləghaa, ghe lo e tsoʼo ghɛ.

2 Pità 3:9

E kuuwn lò enyəa, Mughu ù te lɛso dzə̀ yo alelueso to kə wə̄n tò aŋghəa ghî à li a môʼnlo. Ù ləghaa yo enyəa to ghùw mò kwəlà sâŋlò. Ù kuuwn ləghaa enyəa to ghî à mô maʼà bòo tə ghee, ghe tiī kuwnlo.

Edêe Fughu 2:21

Mugho ŋ wə̄n â nəgha e fughu enyəa ù tiī kuwnlo, vʉ̀a ù kuūwn tuū enyəa e tii maʼà dzə̀adzə̀ tə aghəa tə wə̄n te to, ù kuwnlo.

Edêe Fughu 3:20

Mùghò wəlà Ǹ ti a fǔundughu, tsʉʉn kə̀bàʼ, ghùw wəla ù zuw dzə̀ zaŋa, vʉ̀a ù tsʉ̀ tsughu bâʼ kò, Ǹ sô nyəā ndûw ghàʼ à wə̄n zəā dzəŋlo.