Lumà 2:3 - To kə Kəzə̀ kə̀ Fughu ko

³ Ghù moʼnlò enyəa abugho ghù saʼa ghùw alo aghəa mo ghuūghùe wʉ̂a ù ghəəŋ sùghò ghəa e mɔʼɔ e te zo, abugho Zə̀ kə̀ lo saʼa ghî gho kə lo kuuwn baʼà naŋa səa kɔʼɔ ghû a?

Lumà 2:3 Iomraidhean Croise

Matìo 23:33

Təzughu tò ghɛ, ghɛ̀ à ghê wɛ ghɛʼɛ̄ gho a te, ghɛ̀ laʼà lǒ ênzə̂n aletiī sə enyəa Zə̀ kə̀ ka lò ghɛ̀ tum an wə̀n ù tsə̀ fə̀ baŋā fo a?

Matìo 26:53

Ghù kwo yo enyəa to Ǹ dzâa tsughu, Bəghà tuū wô mùghò â shwaʼ u tsətəndə̄ghā tə wə̄n wo eghə̄m à ghè wò u bʉ̀ghà à, ghe bughò yosò mùghò à?

Lûk 12:14

Yɛso m bɛ̀lɛ̀ tsùghu wə̄n enyəa, “Mo a tûw, à mùghò naŋa ndùghò alesaʼa tuw wɛʼɛ wo a, ŋkāa aledzughuu fughuu fʉgha wɛʼɛ wo â ghɛ̀ a?”

Lûk 22:58

Gha kə kâ sə, tûwbʉ̀ghà ù lì ŋ kòʼ kpèʼe tsùghù sùghò Pità, dzɛ̀ tsùghù enyəa, “Ghù wən lo sugho ghùw ù ghee.” Pità ŋ kuūwn bɛ̀lɛ̀ tsughu ko enyəa, “Tûw, Ǹ yo dzə ghùw ù ghee.”

Lûk 22:60

Pità ŋ kuuwn bɛ̀lɛ̀ tsùghu ko enyəa, “Tuw kə baa yo mugho aŋ ghəa yìa ghù kə̌aa fi a tûwbʉ̀ghà.” Nùumbvʉ n daŋso tɔŋɔ kɔʼɔ mo Pità nyǒʼn kə̀aa sə̌a wò ghəa yì.

Lumà 1:32

Ghəa ghe bûʼ kwo ko enyəa lâŋ Kə̀zə̀ kə dzɛ̂ enyəa ghùw wəla ù ghəəŋ ghəa ghən gho, namso kə wə̄n kə lo evʉ, ghe yia naam ghəə̄ŋ ko ghəa a te gho; fəghaan dzəla nduw sugho esəŋ a zəŋò ghì ghəla ghe ghəəŋ ghəa a te gho.

Lumà 2:1

À fi lo enyəa dzì è lì yo dzə̂ â ghù aletiī sə a te abugho ghù saʼa nduw ghùw aŋ ghəa a biigh ghəla ù ghəŋlo, dèe ezə̀ mo ghuūghùe wʉa ù ghəəŋ sùghò ghəa e mɔʼɔ̄ zo. Ghù fi tsɔ̂ɔ sùghò nyʉ zə̀ghà an ŋgɔ̀ʼ aŋghəa ghù ghəə̄ŋ sughò ghəa à mɔʼɔ̄ a te gho.

Lumà 2:2

A kwo nû enyəa Zə̀ kə̀ nyɔʼɔ̀ ghə̌əŋ nù abugho kə saʼâ ghî ghəla ghe ghəə̄ŋ ŋgòʼ è ghəa ghən.

Lumà 9:20

Ghù kǔuwn lò ndughoo, ghùw nsɔ̌ɔŋnchùw to ghû alekuêen nduw ghəa zo an dzughu e Kəzə̀ a? To ndzə̀ŋ fə̀ n nùghù bvʉ̀ ndùw â ghùw wəla ù mò bɔm ghè fò enyəa, “À lǒ kwò ghù mò bɔm mugho enyə a?”

1 Tɛ̀sàlonìan 5:3

Ghî a lo e dzaā enyəa, “Ghəa a zʉ̂ lô nû, ghǎʼ yia tsəŋo sughò yo ghəa è li zo.” A kê kôom koʼò ko mo tsû wə̌ sam tɛɛ, to wɛ lô vûuŋ chuūw tsughuu zən ù nʉghà u wɛ, dzì è lì è ke tso koōm buw â ghùw ù lì alenùghù tiī sə.

Hibùlù 12:25

Kòʼo tsughu nlò enyəa ghɛ̀ kâ tue màʼà dzə̌ alezuw â Zə̀ kò, aŋghəa kə kə̀aa wô ghəa gho â ghɛ̀. Tɔŋlo enyəa abugho ghî ghə Ezə̀lɛ̂ a fə̀ taʼkè nɔ̂ɔsə aŋghəa ghe fə̀ tue alezuw â Musî wəla ù fə̀ fughu ghee â tsʉ̀ zò fɛ am mbī, e lô yia boʼn bǒo ênzə̂n a zəŋò sɛ a, abugho sɛ̀ tue maʼa alezuw â Ghùw wəla ù kə̀aa tsughu wo ghəa gho alo kəwālā a?

Hibùlù 2:3

A lo ênzə̂n êzəŋ alesəŋo tîi abugho a dôʼkè gaʼ kətuw aŋ ghəa è səŋò zəla Zə̀ kə fə̀ dzə̂ tsughu alebəghaasə sɛ̌ a? À fə̀ lo ghuūghuè u Mughu ù tè ghùw u sûesʉ alenàʼà wo tum e te. Ghî ghəla ghe fə̀ zuw tum e te n dè wò â sɛ̀ enyəa shwaʼ u te u lo êsəŋò.