Lumà 2:26 - To kə Kəzə̀ kə̀ Fughu ko

²⁶ Abugho ghùw wəla ù yô dzə ghùw ù Tə̀dzûu naaŋ lâŋ kə Musî kò mo ghe kâ bùʼ sùgho ko tigh kə wə̄n ko, a fi lo enyəa Zə̀ kə̀ lo nû alenaam nî enyəa ghe n sugho tigh kə ghùw ù te ko:

Lumà 2:26 Iomraidhean Croise

Matìo 15:28

Yɛso n daŋso bɛ̀lɛ̀ tsùghù nʉghà vʉ enyəa, “Wo wìzən, ghù m bɛso boo fughu â mùghò. E bɔɔ̄m doʼò ko aŋghəa ghù ləghaa.” Wɛ ù nùghò vʉ n daŋso tughu kɔʼ an nə̀gha e te zo.

Lumà 2:25

Abugho ghe sugho tsughu tigh kə ghûw kò, a lò ghəa e dzûŋ zò abugho ghùw u te bwîi aŋghəa lâŋ kə Musî kə̀ deē, abugho ghue u ghùw u te ù bwìi yo alo kəlàŋ, a mo soō to ghe mo biso sugho dzə̀ tigh kə ghûw u te.

Lumà 2:27

E fi lo enyəa abugho ghùw wəla ghe tâʼkè sugho tigh kə wə̀n kuuwn bwîi aŋghəa lâŋ kə Musî kə̀ deē sô sàʼa nù ghû ghùw ù Dzûu enyəa ghù ŋ ghəəŋ bo zo, tɔŋlo enyəa ghù kǐ mwàʼsò kə̀ kəlàŋ ko aŋ ghu kə̂a, ghe yia lô sugho mo ghe n sugho tigh kə̂a kò, ghù vʉ̀a ghù kuuwn bvuʼu lâŋ kò.

Lumà 3:30

Zə̀ kə̀ lo ko kə mɔ̀ʼ, e fi lo enyəa kə lo ghəəŋ nù enyəa Tə̀dzûu àsùghò ghì ghəla ghe yô Dzûu tò dòʼò tsəghatsəgha a vʉ̀a wə̄n an dzì è mɔ̀ʼɔ bòʼ fə̀ŋ zəla ghe gaʼ tsughu a zəŋò Yɛso.

Lumà 8:4

Ù fə̀ enyə ghəəŋ tsughu alekòʼ enyəa ghəa e tsəghatsəgha zəla lâŋ kə̌ fə̀ biso ki aleghəŋlo nî kə̀bəla a zəŋò sɛ̀ ghəla a lo êzəŋ mo a mughu aŋghəa Zuʼ tə̀ Zɔlɔ tə ləghaa, mò à yò dzə̂ aŋghəa gwən e ughùe e sɛ̀ è ləghaa.

Gàlashìan 6:15

Ghəa è li e ndôʼ yò, ka ghe sugho tigh kə ghûw kò ŋkāa ghe taʼkè sugho; ghəa è səŋò è lo ko enyəa sɛ̀ n ghì à fughu a doʼò.

Efɛsùs 2:11

Ghe mò ghɛ dzə wo tò Etoʼò; Tə̀dzûu, ghî ghəla ghe mò sugho tigh kə wɛ ko n tɔɔŋ ghɛ̀ enyəa, “Ghî ghəla ghe sugho yô tigh kə wɛ ko.” Mo ghəa a te a tsô lò ko ghəa ghəla ghùw ghəə̄ŋ tsughuu aŋ gwə̀n e ughùe.

Fèlepìan 3:3

Tɔŋlo enyəa sɛ̀ fɛ lǒ tò ghî ghəla ghe lo mo ghe n twii u ghee wo u dzə̂əm sugho, ghî ghəla ghe kɔʼso Zə̀ kò mò à ghe â daʼa kə fughuu wò Zuʼ tə̀ Zɔlɔ to am bàm e Kə̀lestò Yɛso,

Kòloshìan 2:11

Ghɛ̀ ka mo wɛ a Kəzə̀ à bughò dòʼò dzə̀ mò ghe sugho tsughu twigh wɛʼɛ tò aŋghəa ghî a sughōo tigh kə ghûw kò a te, à mò lo bòʼ ghɛ̀ mò bughò doʼò fəgha ko kə mɔ̀ʼ ghɛ̀ à ghê Kə̀lestò aŋghəa Kə̀lestò mò tsɔ̀ʼ maʼà ndûw ghue zɛʼɛ zəla e ləghaa bo zo.