Lumà 2:19 - To kə Kəzə̀ kə̀ Fughu ko

¹⁹ Ghɛ̀ yia tɔ̂ʼ kwo sugho enyəa ghɛ̀ lo ghî ghəla ghɛ̀ deē dzì â ghì ghəla ghe kwo yô lâŋ kò, asugho enyəa ghɛ̀ lo tǒ tsə̀ a ghì ghəla ghe lo alo kələm,

Lumà 2:19 Iomraidhean Croise

Matìo 15:14

Zə̀gha nlò ghee, ghe lo ghî à foō gho, ghe tɛ̂ɛ bwìi ghì à foō gho. Abugho ghùw ù fǒo tɛ̂ɛ bwiī ghuw ù fǒo, ghe a te gho a bə̀ghà n ndùw bvʉ̀ nyə tsughu alo kəbùʼ.”

Matìo 4:16

tɔɔŋ ghɛ̀ ghəla ghɛ̀ mò naām mughù alo kələ̄m, n tsə̀ è tùghuu kôʼ. Ghɛ̀ ghəla ghɛ̌ fə̀ lo fughu am mbù è te, mò à lə̀mà kɔ̀ʼɔ ko èvʉ fughu, tsuʼ wə n zuw an tuw wɛʼɛ.”

Matìo 5:14

Ghɛ̀ lo kəkɛ̀ʼɛ̀ â ghì a mbī gho. Naʼ zəla e lo aŋ kwàʼ yò nàn kə enaʼ.

Matìo 6:23

Abugho sə ghəa à kuūwn yò kədzûŋ, ghue wʉ̀a u dzə̀m u fi lo alo kələ̄m. Abugho kɛ̀ʼɛ̀ kəla kə lô a zəŋò ghù lò ləm ko, ləm kə te kə lo aletsoō boʼò doʼò ênzə̂n!

Mâk 10:15

M̀ fɛ kùu dzàa wò nù â ghɛ̀, ghùw wəla ù dòʼŋkè nyə am fɔ̀e u Kəzə̀ tǒ wɛ̂ɛtùghu, ù kè tsə̀ghà nyə̀ kòʼ yò a te.”

Lûk 1:79

Kə lo ghəəŋ sùghò nù tsə̀ kè tughu an tuw u ghì ghəla ghe lô alo kələ̄m, àsùghò an tuw u ghì ghəla ghe lô fʉgha wə evʉ wo, aledèe wô sɛ̀ â dzì è dzùŋ am mbī.”

Dzɔ̌n 9:34

Ghe n dzɛ̀ â wə̄n enyəa, “Ghî fə̀ biigh fən, mo ghe fə̀ fə̀fùghù dzə alo ebō, fə̀fùghù fə̀ n noo sùghò alo ebōʼ, ghù so e bughò zoʼn ghàʼ à?” Ghe n dzùm nùghù sə ghùw ù fǒo vʉ̀ an Ndùghène è Tə̀dzûu.

Kə̀fwàʼ 26:18

Ghù kì aletsʉ̄ sə a ghee, ghù ni nughu sə wo ghee alo kələ̄m, ghù naŋa sə wo an tsə̂, ghù ni nughu tsughu sugho ghee aŋ ghu kə Satàn, ghù ni wo ghee a vʉ̀a Zə̀ kò, to abugho ghe lo gaʼ tsughu fə̂ŋ tò a zəŋò mùghò, a lo ghuūw māʼà kɔʼ bôo tə ghee, ghe nîi kɔʼ bala e ghee am bvʉa e ghì ghə̀là Zə̀ kə̀ shîaa kɔʼ.’ ”

Lumà 2:18

Ghɛ̌ yia kwo fəgha kəla Zə̀ kə̀ ləghaa enyəa ghɛ̀ è ghəŋlo, ghɛ̀ yia kwo sugho êsəŋò, bòʼ ghɛ̀ n zoʼn kele lâŋ kə Musî kò.

Lumà 2:20

kwo sugho enyəa ghɛ̀ lo ghî ghəla ghe fughuu tsʉ zo â ghì à laʼso gho, zoʼn sughò wɛghêtùghu Ghɛ̀ yia kwo sughò enyəa lâŋ kə Musî kə̀ dêe nù ghɛ â ghəa ghə̀n a dzə̀m ghɛ̀ ki alekele kùu ndùw ghəa zəla e lo êsəŋo.

1 Kòlentìan 3:18

E kwo ghùw lò nɔɔ̄m ghue u wə̄n wo. Abugho ghùw wɛʼɛ ù lì mòʼò enyəa e tɔɔ nù aŋghəa ghî a mbī a nîi a te, ù kì alelo tǒ ghùw ù làʼso, tò ù kè doʼò ghùw ù tɔ̌ɔ.

1 Kòlentìan 4:10

Ghàʼ lo tò fʉgha ù laʼsō wo aŋghəa ghàʼ fwaʼa â Kə̀lestò, ghɛ̀ yia kuūwn tɔɔ̄ aŋghəa ghɛ̀ lô fəgha ko kə mɔ̀ʼ ghɛ̀ à ghê Kə̀lestò. Ghàʼ lo bvùʼù mə aghì, ghɛ̀ yia kuūwn lô ghî à tughūu gho. Ghe kɔʼso ghɛ̀, ghe yia kuūwn chwiīlwiī ghāʼ.

Fèlepìan 2:15

tò ghɛ̀ lo e zɔlɔ, ki sugho yo dzʉ wo, lò wɛ a Kəzə̀ ghəla ghe nɔʼɔ̄ yo aŋ ghəa è li zo mo ghe mughu dzəŋlo am mbī ghèe ghê ghì a biigh gho àsùghò ghì a kəfwə̀s ghò. Ghɛ̀ è tughu tǒ tsə̀ â ghì ghò am mbī.