Lumà 2:17 - To kə Kəzə̀ kə̀ Fughu ko

¹⁷ Ghɛ̀ ghəla ghɛ̀ dzɛ̂ enyəa ghɛ̀ lo Tə̀dzûu, ghɛ̀ tsəghà tə̀ŋò dòʼò tsughu an làŋ kə Musî, ghɛ̀ yia tsɔ̂ɔ sugho fə̂ŋ tò enyəa ghɛ̀ lo ghî a Kəzə̀.

Lumà 2:17 Iomraidhean Croise

Lumà 2:23

Ghɛ̀ tsɔ̂ɔ tə̀fə̀ŋ enyəa ghɛ̀ kwo nû lâŋ kə Musî kò, a sò lò kwo ghɛ̀ fughuu tuw kə̀ dəla ko â Zə̀ kò aŋghəa ghɛ̀ kôom bvʉ̂sò maʼn lâŋ kò a?

Edêe Fughu 2:9

“Ŋ̀ kwo nû tsû wɛʼɛ wo àsùghò aŋghəa ghɛ̀ laa a te (dèe êzə̀ mò ghɛ̀ kuuwn kuu nù aŋ ghəa a Kəzə̀). Ŋ̀ kwo sugho nû shwaʼ ù biigh wəla ghî ghəla ghe dzɛ̂ enyəa ghe lo ghî a Tə̀dzûu, mo ghe yo dzə̂ kəa kaŋlō an tuw wɛʼɛ. Ghe lo ghî ndùghùne e Satàn.

Lumà 9:32

Ghe mò bvʉ komlo bòʼ kwò? À mò lo enyəa ghe fə̀ dəma yo aledòʼò tsəghatsəa am boo zəla ghe ki â Zə̀ kò, ghe fə̀ koōm niī nduw enyəa à lò am fwàʼ kə gheē. Ghe n tàaŋ bvʉ̀ an tia e utwāʼ.

Dzɔ̌n 5:45

Kà nlò môʼ enyəa Ǹ lo sɔ̀ʼɔ̀ wò kə̀ghu a zəŋò ghɛ̀ an sə kə Bəghà; à ghɛ̀ kɔlɔ̀ ko lwàŋ u Musî wəla ghɛ̀ tɔ̂ʼ boō fughu tsughu a te.

Matìo 3:9

E kwo ghɛ̀ lô moʼò enyəa ghɛ̀ lo nû alezə kətuw abugho ghɛ̀ dzâa tsùghù dzə̂ enyəa, ‘Abə̀làhâm lǒ tsele waʼa.’ Tɔŋlo enyəa to Zə̀ kə̀ nîi kɔʼ tia ghən kə fənsò fughuu kɔʼ awɛ a te â Abə̀làhâm.

Edêe Fughu 3:9

Kòʼô nlò! Ǹ lo ghəəŋ tsūghûu ghì agha ghəla ghe lo an ndùghùne è Satàn ghe moʼò enyəa ghe lo Tə̀dzûu, mo ghe yo dzə̂, ghe bughò təm təŋgūʼ a tsəlà ghɛ̀, ghe zoʼn kɔʼ enyəa M̀ mafə ghɛ lə̀ghà ten.

Edêe Fughu 3:1

Yɛso n dzɛ̀ wò â mùgho enyəa, “Tɔm ndùw â tsə̀ndə̄ghā è Kə̀zə̀ e dzeŋe kə ghì a Kəzə̀ ghò an naʼ e Saldìs enyəa; ‘Ghùw wəla ù ki zə̀a ŋ Kəzə̀ mən sə̀ghàmbəgha àsùghò sə̀ghàbəlà mə̄n sə̀ghàmbəgha n dzɛ̀ enyəa, “Ŋ̀ kwo nû ghəa ghɛʼɛ à ghəəŋ gho: ghɛ̀ tsô kì ko ezən enyəa ghɛ̀ lo â tuw ko mò ghɛ̀ lo tò ghî à kpuuwn gho.

Efɛsùs 2:11

Ghe mò ghɛ dzə wo tò Etoʼò; Tə̀dzûu, ghî ghəla ghe mò sugho tigh kə wɛ ko n tɔɔŋ ghɛ̀ enyəa, “Ghî ghəla ghe sugho yô tigh kə wɛ ko.” Mo ghəa a te a tsô lò ko ghəa ghəla ghùw ghəə̄ŋ tsughuu aŋ gwə̀n e ughùe.

Gàlashìan 2:15

Ghuūghùe zaʼā, à ghàʼ dzə Tə̀dzûu, mo à yò dzə̂ “Toʼò zəla e mughu alo ebo” aŋ ghə ghe tɔɔ̄ŋ ghee a te,

2 Kòlentìan 11:22

À lǒ mo ghe lo tə̀ Hebə̀lù à? Ǹ lo sugho nû êzə̀. À lò mò ghe lo ghî ghə̀ Ezə̀lɛ̂ à? Ǹ lo sugho nû êzə̀. Ghe səa n tigh kə Abə̀làhâm à? Ǹ sə sugho fughu.

Dzɔ̌n 8:41

Ghɛ̀ ghə̂əŋ ghəla tsele wɛʼɛ fə̀ ghəŋlo.” Ghe n dzɛ̀ â Yɛso enyəa, “Zə̀ kə̀ lo ko tsele waʼā wəla ghàʼ ki, ghǎʼ yia kûum lô wɛ a wə̄n gho.”

Dzɔ̌n 8:33

Ghe m bɛ̀lɛ̀ ndùw wə̄n enyəa, “Ghaʼ lo wɛ a awɛ ghə Abə̀làhâm, ghàʼ kaām doʼò kòʼ am fàŋa kə ghùw ù lì. Ghù lò ênzə̂n aledzaā wo â ghàʼ enyəa, ‘Ghe lo bəghāsə̄ ghɛ a?’ ”

Dzɔ̌n 7:19

Musî ka fə ghɛ̀ â làŋ kə̀ mgbaŋ fughu a? Ghùw wɛʼɛ u mɔ̀ʼ vʉ̀a tsoō naāŋ yo lâŋ kə te ko. Ghɛ̀ mugho kəŋo kaŋlo alewī bòʼ kwò a?”

Lûk 10:28

Yɛso n dzɛ̀ â wə̄n enyəa, “Ghǔ n nyɔ̀ʼ bɛ̀lɛ̀; abugho ghù ghəə̄ŋ dzə êzə̀, ghù ke mughūu tsɛlɛ̄.”

Dzɔ̌n 5:39

Ghɛ̀ kəŋo kô ghəa ghəla a lô am mwàʼsò kə Kəzə̀, bòʼ ghɛ̀ sô moʼò enyəa à lò a te ghɛ̀ kele mughù è doʼn təla zo; mò à mgbàŋ lò ko mwàʼsò kə̀ mɔʼɔ̄ kən ko kə teso dzâa wô ghəa ghaŋa gho.

Lumà 3:27

Sɛ̌ ezə̄ŋ ki aletsɔ̀ fə̀ŋ aŋ kwo a? Fəgha kə̀ li kə tso yò. À lǒ kwò a sô yo aletsɔ̀ fə̀ŋ a? À lò enyəa sɛ̀ tɔʼɔ̀ bwìi aŋghəa lâŋ kə Musî kə̀ dêe ŋkāa? Ɛ̂ŋgaŋ dzə̂, à lǒ bòʼ fə̀ŋ zəla sɛ̀ gaʼ tsughu a zəŋò Zə̀ kò.