Lumà 2:10 - To kə Kəzə̀ kə̀ Fughu ko

¹⁰ Ghî ghən a dzə̀m ghe ghəəŋ ghəa à dzuŋ ghò Zə̀ kə̀ lo ghəəŋ nù ghe e ki kɔʼso mò, ghe e mughu alo nsəghanyəgha àsùghò alo ebughunlo, mo ghe kaʼ nùghù tsùghù a zəŋò Dzûu tò, a daŋso tsùghù ndûw a zəŋò ghì ghə̀la ghe yô Dzûu tò.

Lumà 2:10 Iomraidhean Croise

Matìo 10:13

Mo ghê mùghubè a te a nî nàŋa ghɛ̀, bughuun zɛʼɛ̄ zə n dòʼòdòʼò a fughu alo kəbē; mo ghe kâ ghɛ̀ kôʼ kɛ̀lɛ, ghɛ̀ n nùghù sùghò à bughuun zɛʼɛ̄ zo:

Lûk 1:79

Kə lo ghəəŋ sùghò nù tsə̀ kè tughu an tuw u ghì ghəla ghe lô alo kələ̄m, àsùghò an tuw u ghì ghəla ghe lô fʉgha wə evʉ wo, aledèe wô sɛ̀ â dzì è dzùŋ am mbī.”

Lûk 12:37

Dzɔ̀ lò â kɔ̀ɔ məla mughùbè ù ghee kwən nyə wo ebàm, bùghò kòʼ wò mò ghe yia a naam dôʼ edzūŋ. Kùmkùm, Ǹ so Ǹ dzâa wô â ghɛ̀, ù n dzɛ̀ â kɔ̀ɔ ŋ wən mò enyəa, ghe tsughuu doʼò tsughu, ù n ndùw ndzùuŋ tsùghù ghue u wə̄n, bùghò fughu ghee â fʉ̀ghàzəa wo.

Lûk 19:42

ù n dîi, dzâa tsùghuu enyəa, “Abugho ghuūghùe zɛʼɛ̄ e mô lô alekpaʼā buʼù kele kô ghəa ghəla a bughòo â bughuso zo tsuʼ u nɛ wə̄n, à sò fɛ lo ko enyəa ghe n nàn ghəa a te gho â ghɛ̀, enyəa e kwo ghɛ̀ lô kele.

Lûk 22:14

A m bùghò nəgha e kpe, Yɛso n tsùghù dòʼò tsùghù ezə ghèe ghê tum tə wə̄n to.

Lûk 9:48

dzɛ̀ â ghee enyəa, “Ghùw wəla ù kpenī wɛ wən bòʼ mùghò, ù fi kpenì mùghò. Wəla ù kpe nî mugho, ù fi kpe nì ghùw wəla ù tum mugho; nu ghùw wəla ù doʼò tsughu ghùw ù lwə̄n fɛ̄ am bvʉa zɛʼɛ̄, à kè kǔuwn lǒ wə̄n ghùw ù nē.”

Dzɔ̌n 12:26

Ghùw wəla ù lighāa alefwaʼā â mùghò ki alebwiī ghàʼ à wə̄n kə ghuw kə̀ mɔ̀ʼ, bòʼ enyəa luʼū kəlāa Ǹ lo a te, ghî a kəfwàʼ ghaŋa ghə n lo sugho fughu èzə̀. A bugho ghuw fwàʼa â mùghò, Tsele waŋa n namso ghùw ù te.

Dzɔ̌n 14:27

M̀ fughu ghɛ â bughun zo, bughun zaŋā zəla M̀ fughu â ghɛ̀, Ŋ̀ kâ fùghù dzə̀ to aŋghəa mbī fughuu. E kwo ko ghùw wɛʼɛ lô so e bâŋsò fə̀ŋ aŋghəa è li zo ŋkāa ù lò so e tsəŋo ghə̀a è li zo.

Dzɔ̌n 16:33

Ŋ̀ ghəa ghən gho â ghɛ̀ fɛ nì dzɛ̀ wò enyəa to ghɛ̀ mô kì ebughunlo bòʼ mùghò. Ghɛ̀ lo ŋgee faan nù fɛ am mbī; kuuwn dzə̀la tsughu ko nlò fə̂ŋ tò, nu mùgho m mbī tughu tsəghà.”

Kə̀fwàʼ 10:35

abugho à tso lô ko ndugho, an nàʼà mə̀n ndzə̀mdzə̀m, ù tsəŋ tsughu wə̄n, ghəəŋ ndùw ghəa ghəla a lô tsəghatsəgha, ù n nì nàŋa wə̄n.

Lumà 14:17

Nu Fɔ̂e u Kəzə̀ u ki yo ghəa e li zo aleghəŋlo ghèe ghəa a zəa gho ŋkāa a mʉa a kəfəgha gho, à kǔuwn lò alemughu alo ebughunlo àsùghò an duʼn zəla Zuʼ tə̀ Zɔlɔ tə fughuu, àsùghò enyəa a e mughu mughù zəla e zɔlɔ an sə kə Kəzə̀.

Lumà 15:13

To Zə̀ kəla kə ghəŋlo enyəa a chiī tùʼ alo aghəa a dzə̀m mò fughu ghɛ â bughuun zo, kə ghəŋlo ghɛ̀ e duʼnlo, aŋghəa ghɛ̀ boō fughu tsughu à ghè kò, to enyəa Zuʼ tə Zɔlɔ tə mô ghə̀ŋlo ghɛ̀ e fəghaan ŋgee chiī tsughu tùʼ.

Lumà 2:7

Ghî ghəla ghe kəŋo alekele zən e dzûŋ zo, ŋkɔʼso àsùghò mùghù zəla e mian koʼo yo aŋghəa ghe ghəə̄ŋ zeē ghəa a dzûŋ ghò, Zə̀ kə lo â ghe fughuu mùghù è doʼn təla zo.

Lumà 2:9

Ghî ghən a dzə̀m ghe ghəəŋ ghəa a biigh gho kê lò an utsù, ghe e koʼo fə̀tsʉ̀e an ghùu Zə̀ kò, mo ghe kaʼ nùghù tsùghù a zəŋò Dzûu tò, ghe daŋso tsughu ndûw a zəŋò ghì ghə̀la ghe yô Dzûu tò:

Lumà 5:1

Ghəa e lo êzə̀, Zə̀ kə̀ n nì sɛ̀ aŋ ghì a tsəghatsəgha gho bòʼ enyəa sɛ̀ gaʼ fə̀ŋ a zəŋò wə̄n, sɛ̀ à ghê Zə̀ chia kə lò sugho alo ebughunlo am bàm e Mughùbè ù sɛ̀ Yɛso Kə̀lestò.

Lumà 8:6

Abugho ghùw naŋa tsughu fə̀ŋ è wə̄n am fʉgha wəla gwən e ughùe e wə̄n e ləghaa, vʉ zə ŋ kwu wə̄n. À m bùghò ghùw naŋa tsughu fə̀ŋ e wə̄n am fəgha kəla Zuʼ tə zɔlɔ tə ləghaa, ghùw ù tə ŋ kele èmùghù, lò sugho alo ebughunlo.

Lumà 9:21

Ghùw wəla u bɔɔ̄ ndzə̀ŋ tò kì kədaʼa an tsaʼ zəla e lo a vʉ̀a wə̄n alebɔ̄m fəgha kəla ù ləgha tsughu a te; ù bɔ̌ɔ səā kɔʼɔ n ndzə̀ŋ m bə̀ghà an tsaʼ e te zo, fə mɔ̀ʼ mò à lò fə kùu èghəa fo, fə loʼ fən e lo alefwaʼā zee a te.

Lumà 9:23

Zə̀ kə fə̀ ghəa ghən enyə ghəəŋ tsughu aledèe fughuu wô daʼa kə səghanyəgha ŋ wə̄n â ghì ghò a dzə̀m enyəa ghe kele tsughu enyəa kə kê dèe se è kwuso zo a zəŋò ghì ghəla kə̀ fə̀ fôʼ naŋa, tɔɔŋ ghì ghəla kə fə̀ biaān naŋā enyəa ghe kê lò tsəgha an səghanyəgha ŋ wə̄n.

Gàlashìan 5:22

Twam wəla Zuʼ tə̀ Zɔlɔ tə mʉā wo lò, eləgha, ebughunlo, ghue ù zumso wo, mwam ù dzûŋ wò, edzɔ̂ àsùghò səŋò zò,

Gàlashìan 5:6

Abugho ghe sugho tigh kə ghûw kò ŋkāa ghe tâʼkè sugho, zə ki dzə yo ghəa è li zo aleghəŋlo am mùghù e sɛ̀ à ghê Kə̀lestò Yɛso. Ghəa èsəŋò zəla e lo ghè zò lò enyəa, sɛ̀ ŋgaʼ fə̀ŋ a zəŋò Kə̀lestò an ləgha zəla a ki ghè zò.

Fèlepìan 4:7

Abugho ghɛ̀ ghəəŋ dzə̂ èzə̀, bughuso e Kəzə̀ zəla e tsə̀ghàtàʼà tɔ u ghûw wə̀ nsɔ̌ɔŋnchùw wò, lo ghəŋlo fə̂ŋ tɛʼɛ à moʼn zɛʼɛ zə e lo alo kəfəgha kə mɔ̀ʼ a zəŋò Kə̀lestò Yɛso.

1 Timotì 1:17

Gɔ̂ɔŋ zaʼa e lo enyəa, to ghî à mô tə̀mâ ŋkəma, fughu sùghò ŋkɔʼso â Də̀ŋ kəla kə doʼo tən, də̀ŋ kəla kə kê kpuūw koʼò yo, kəla ghùw taʼkè kaām koʼò koʼo tsəghà, mò a mìa ko wə̄n Zə̀ kò to mbī kê bughò mìaa. Zə e lo ko êzə̀.

Hibùlù 2:7

Ghù fə̀ ghəəŋ tsughu nû tsə̀təndə̄ghā tə Kəzə̀ tə n nyɛʼɛ tsə̀ghàsə tsughu ghùw enyə mbəs aŋ kə̀mà fə enə̀gha; ghù m fughu tsughu ghùw â dwaʼa wo àsùghò kɔʼso mò,

Dzɛ̂ms 2:22

Ghù n tɔ̀ʼ kòʼò a! Fə̀ŋ zəla ù fə̀ gaʼ tsughu a zəŋò Zə̀ kò ndûuw dzə̌əŋ ko ghèe fwàʼ kə wə̄n kə̀ dzûŋ kò. À fə̀ lo am fwàʼ kə wə̄n kə dzûŋ kò è fə̀ dê sə wo enyəa ù kùm gaʼ kpe to nǔ fə̀ŋ a zəŋò Zə̀ kò.

Dzɛ̂ms 3:13

Abugho ghùw lò am bvʉa zɛʼɛ̄ enyəa e tɔɔ nù, vʉ̀a ù zuuwkɛlɛ sùghò ghəa gho, ù dèe tsughu ghəa a te gho am fwàʼ kə wə̄n kə̀ dzûŋ kò am mwam u wə̄n àsùghò an tɔ u wə̄n.

1 Pità 1:7

Ghəa ghən lo aledèe tsughu enyəa boo zɛʼɛ̄ e kûm lǒ è səŋò zò. Tsɛ zəla e bûʼ lô ko alebo, ghe naam mɔ̀msò kòʼò nù aŋ wə̀n. Boo zɛʼɛ̄ zəla e bûʼ tsəghàsə ko tsɛ zo, ghe ki sugho nû alemɔ̀msò kô, to ghɛ̀ ke e lo aletughuū tsəghà ghəa a mbī gho. Zə̀ kə̀ kê kɛɛ ghɛ̀, kə lo naŋa ghɛ̀ alo nsəghanyəgha, kə lo ghəŋlo ghî ghə̀ e fughuu ghɛ â kɔʼso mò abugho Yɛso Kə̀lestò kə̀ kôom dê sə wô ghue u wə̄n wo ebàm.

1 Pità 5:4

To abugho ghùw wəla ù lò tuw ko a zəŋò ghê bàʼàtə̀ndzì lo bugho, ù lo dzəlà wô mgbɛ kə nsəghanyəgha kəla kôʼ e te e kê kuūwn kôʼ yo an tuw kɛʼɛ̄.