Lumà 2:1 - To kə Kəzə̀ kə̀ Fughu ko

¹ À fi lo enyəa dzì è lì yo dzə̂ â ghù aletiī sə a te abugho ghù saʼa nduw ghùw aŋ ghəa a biigh ghəla ù ghəŋlo, dèe ezə̀ mo ghuūghùe wʉa ù ghəəŋ sùghò ghəa e mɔʼɔ̄ zo. Ghù fi tsɔ̂ɔ sùghò nyʉ zə̀ghà an ŋgɔ̀ʼ aŋghəa ghù ghəə̄ŋ sughò ghəa à mɔʼɔ̄ a te gho.

Lumà 2:1 Iomraidhean Croise

Lûk 12:14

Yɛso m bɛ̀lɛ̀ tsùghu wə̄n enyəa, “Mo a tûw, à mùghò naŋa ndùghò alesaʼa tuw wɛʼɛ wo a, ŋkāa aledzughuu fughuu fʉgha wɛʼɛ wo â ghɛ̀ a?”

Lûk 19:22

Tûw vʉ n dzɛ̀ â fə te fo enyəa, ‘Ŋ̀ ki alefɔesō tsughu ghû bòʼ dzughu zə̀ghà, kɔ̂ɔ fə biigh fo tò ghû! Ghù màʼà kwo enyəa mwam waŋa u tughuu nù, yìa m mbaāŋ ghəŋlo, zəa sùghò am bəghàbəgha,

Lûk 6:37

Ghɛ̀ ka e saʼa ghî ghò, Zə̀ kə̀ lô saʼā sughò ghɛ; kà nî sùghò enyəa ghùw ghə̌əŋ boon nù, Zə̀ kə̀ lô nîi sughò enyəa ghɛ̀ ŋ ghəəŋ bonlo. Ghuūw maʼa nlò bôo tə aghì tò, Zə̀ kə̀ lo Ghuūw maʼà sughò bòo tɛʼɛ.

Lumà 14:22

Fəgha kəla ghɛ̀ boo fughu a te, ghɛ̀ naŋa tsughu ko am fə̀ŋ tɛʼɛ ghɛ̀ à ghê Zə̀ kò. Dzɔ̀ lo â ghì ghəla ghe saʼa yô ghue e ghee zo abugho ghe ghəə̄ŋ ndûw ghəa zəla ghe kwo enyəa e lo tsəghatsəgha.

Lumà 2:2

A kwo nû enyəa Zə̀ kə̀ nyɔʼɔ̀ ghə̌əŋ nù abugho kə saʼâ ghî ghəla ghe ghəə̄ŋ ŋgòʼ è ghəa ghən.

Lumà 2:3

Ghù moʼnlò enyəa abugho ghù saʼa ghùw alo aghəa mo ghuūghùe wʉ̂a ù ghəəŋ sùghò ghəa e mɔʼɔ e te zo, abugho Zə̀ kə̀ lo saʼa ghî gho kə lo kuuwn baʼà naŋa səa kɔʼɔ ghû a?

Lumà 3:9

A èzəŋ lo to a e dzɛ̂ èndugho? A lo nû aledzɛ̀ enyəa sɛ̀ Tə̀dzûu kuuwn nyɔ̀ʼ ti nû à? Ɛ̂ŋgaŋ dzə̂, tɔŋlo enyəa M̀ maa ki dzɛ̀ enyəa ghəa à biigh ghə ŋ kwù ŋgwùu ghî ghò a dzə̀m; Tə̀dzûu àsùghò ghì ghəla ghe yô Dzûu tò.

Lumà 9:20

Ghù kǔuwn lò ndughoo, ghùw nsɔ̌ɔŋnchùw to ghû alekuêen nduw ghəa zo an dzughu e Kəzə̀ a? To ndzə̀ŋ fə̀ n nùghù bvʉ̀ ndùw â ghùw wəla ù mò bɔm ghè fò enyəa, “À lǒ kwò ghù mò bɔm mugho enyə a?”

1 Kòlentìan 4:5

A fi lo enyəa ghù ki dzə yo alesāʼ ghùw u li mo nəgha è te e kaām kpe. Saʼ è gbǒo tee zə aghəa ki alebɔɔm ləmā to Mughu ù te kê bughò; ù ke bugho nìi nǎŋ wo tsɔŋ tə aghəa tə kələm to an ndɛ, ù dèe fughuu kɔʼ môʼn zəla ghùw ki alekele aŋ ghuu Zə kò. A kê bugho an nə̀gha e te zo, Zə̀ kə̀ lo e fughu nduw ko chìa â kɛɛ wəla u kpe â wə̄n.

1 Kòlentìan 7:16

 ghù a wìzən, ghù kwò naŋa ênzə̂n enyəa à lô num wʉ̂a bə̀ghasəa ghǔ a?  ghu sugho a nùm ù wìzən, ghù kwò naŋa ênzə̂n enyəa à lô wi wʉ̂a bə̀ghasəa ghǔ a?

Dzɛ̂ms 2:20

Làʼsò kə ghûw kən, ghù lə̀ghaa enyəa a dêe wô â ghù enyəa à lǒ kə̀nughùnughù abugho ghù dzɛ̀ enyəa e boo fughu â Kə̀lestò mò ù dèe tsùghuu yo am fwàʼ kə wə̄n kə̀ dzûŋ kò a?

Dzɛ̂ms 4:11

Waazə̂ ghaŋa gho, kà nlò dzə̀ è bǐigh kele a zəŋò ghì à li gho. Chìa wəla ù kə̀a nduw dzə̀ è bǐigh â wàazə̀ ŋkāa ù saʼ nduw wàazə̀, ù fi kə̂aa dzə̀ è bǐigh â làŋ kò, saʼa sùghò làŋ kə te ko. Abugho ghù fwə̀là saʼā lâŋ kò, ghù fi bwîi dzə yò an làŋ kə te ko, ghù lò ko sàʼà ù təsāʼ.