Lumà 16:7 - To kə Kəzə̀ kə̀ Fughu ko

⁷ Ghɛ̀ fughu nduw sugho tɔɔŋ zaŋa zo â Andə̀lonikùs ghèe Dzunìyas, fən ghaŋa ghəla ghe lô sugho Dzûu tò, tò mugho, ghe ghəla ghàʼ à ghee fə̀ lo a dzə̀m an ndùghùtsaʼ. Ghe lò kɔ tə aghì am bvʉa e tum tə Kə̀lestò, mo à fə̀ boo fughu ghee esə̄ â Kə̀lestò, sěe mùghò.

Lumà 16:7 Iomraidhean Croise

Dzɔ̌n 14:20

Tsuʼ u te u kê bùghòo nù, wəla ghɛ̀ ke kele tsughu enyəa ghàʼ à bə̀ghà lò kəfəgha kə mɔ̀ʼ tò aŋghəa sɛ̀ lô sugho fəgha ko kə mɔ̀.

Dzɔ̌n 15:2

A m bùghò kwèe kə̀ li ko aŋ kàʼ fə te fo kə mʉā yô twam wo, mughu ù usum ù te ŋ kə̀aan màʼà è tsughu, à m bùghò wəla u mʉā twam wo, ù m fəghaan naŋa è kɔʼ enyəa u lo ŋgeē mʉā tsughu.

Dzɔ̌n 6:56

Ghùw wəla ù pfʉ nyòm è ùghùe zaŋā, vʉ̀a ù mʉ sughô kâŋ taŋa to lo ghàʼ à wə̄n, yìa Ǹ lo a zəŋò wə̄n.

Lumà 16:10

Ghɛ̀ tɔɔŋ zuw tsughu Apelès wəla ù tɔ̂ʼ dê sə wô ghue wo enyəa e boo fughu â Kə̀lestò. Ghɛ̀ tɔɔŋ zuw tsughu sugho kèndughu kə Àlìstobulùs kò.

Lumà 16:11

Ghɛ̀ tɔɔŋ zuw tsughu ghùw ù enaʼ waŋā tɔɔŋ Helodìon. Ghɛ̀ tɔɔŋ zuw tsughu sugho ghî yia ghe lo an ndughu alô Nasissùs, ghəla ghe lô fəgha ko kə mɔ̀ʼ ghèe ghê Mughu ù te.

Lumà 16:21

Timotì, ghùw ù kəfwàʼ waŋa tum wò ghɛ̀ â tɔɔŋ zo. Lusìus ghèe ghê Dzasòn àsùghò Sòsispatà tɔ̌ɔŋ zùw wò sùghò ghɛ̀.

Lumà 16:3

Ghɛ̀ tɔɔŋ zuw tsughu Pə̀leskà ghèe Akwilà, ghe fwaʼà dzə̌əŋ ghàʼ à ghee am fwàʼ kəla M̀ fwaʼa â Kə̀lestò Yɛso,

Lumà 16:6

Ghɛ tɔɔŋ zuw tsughu Mèle, wəla ù lǒ mò ù ŋ ŋgè fwàʼ â ghɛ̀.

Lumà 16:8

Ghɛ̀ tɔɔŋ zuw tsughu sugho Ampə̀lǐatùs, fən waŋa u dzùŋ wəla ghàʼ à wə̄n dzeŋe lo alo kəfəgha kə mɔ̀ʼ â Mughu ù te.

Lumà 16:9

Ghɛ̀ fughu nduw tɔɔŋ zaŋa zo â Ubanùs ghùw ù kəfwàʼ ù Kə̀lestò wəla ù fwàʼà dzəə̄ŋ sɛ̀ à ghee, àsùghò â Stachìs, fən waŋa wəla Ŋ̀ ŋgeē ləghaa.

Lumà 8:1

Tò aŋghəa e lô êzəŋ, ghùw ù lì kôom bùʼ yò alebɛ mbɛ an tuw kə ghì ghən a dzə̀m ghe lô fəgha ko kə mɔ̀ʼ ghèe ghê Kə̀lestò Yɛso.

Lumà 8:11

Abugho e kuuwn lô enyəa Zuʼ tə Zə̀ kəla kə fə̀ zôm nughu kɔʼ Yɛso alo evʉ lo nû a zəŋo ghɛ̀, e fi lo enyəa wə̄n wəla u mò zôm nughù wo Kə̀lestò Yɛso alo evʉ lo ghəəŋ nù ghue zɛʼɛ zəla e kpuūw lo kôm kele èmùghù, bòʼ Zuʼ tə Kə̀zə̀ təla tə lo a zəŋò ghɛ̀.

Lumà 9:3

Tɔŋlo enyəa to M̀ buʼù boo enyəa Zə̀ kə̀ tsɔ̂ɔm mùghò, kə gbôo sɛ̂ɛ mùghò ghàʼ a Kə̀lestò abugho e mô lo aleyòsò waazə̂ ghaŋa ghəla ghàʼ a ghee sə alo enaʼ e mɔ̀ʼ.

1 Kòlentìan 1:30

Nu à lò Kəzə̀ kə fughuu ghɛ â mùghùu zəla ghɛ̀ mughu alo kəfəgha kə mɔ̀ʼ ghɛ̀ à ghê Kə̀lestò Yɛso. Zə̀ kə̀ ŋ ghəən tsughu enyəa sɛ̀ e ki tɔ wo am bàm e Yɛso. Yɛso ŋ ghəəŋ tsughu enyəa sɛ̀ e lo tsəghatsəgha a sə kə Kəzə̀ àsùghò enyəa sɛ̀ e lo ghì a Kəzə̀ à zɔlo gho, zùe sè sùghò tuw u sɛ̀.

2 Kòlentìan 11:23

À lǒ mo ghe lo kɔ̀ɔ ŋ Kə̀lestò à? Ǹ tsəghàsə̌ ghee — Ŋ̀ ghəa ghən fɛ kə̀aa tǒ ghûw ù zə̀ghaa. Mùgho m fwàʼ ndə̀mà tə aghəa tə̀ səŋò tò, yìa Ŋ̀ kɔʼ ndughutsaʼ an ndə̀mà te tə̀nə̀gha, ghe m mùghò bu sə an ndə̀mà tə tə̀nə̀gha, yìa Ǹ nɔ̂sə̄ aŋ ghùu vʉ zo an ndə̀mà tə tə̀nə̀gha.

2 Kòlentìan 12:2

Ŋ̀ kwo nu ghùw ù Kə̀lestò ù lì, à ezəŋ tsəghà tsughu tə̀nùu eghə̄m à ghè tò tə chìakò aŋghəa ghe fə̀ nî kɔʼ nduw wə̄n alo kəwalā edzuŋ èdzùŋ. Ù mǒ yia lo to aŋ ghùe u wə̄n, ŋkāa à mò lo mò ù n soʼ sə, Ŋ̀ kwo yo; à kwò ko Kəzə̀.

2 Kòlentìan 5:17

Ghùw wəla ù lò fəgha ko kə mɔ̀ʼ ghèe Yɛso Kə̀lestò, ù fi lo ghûw ù fughu; ghəa à wii ghə n tsə̀ghà mìaa, à fughu yia a bugho.

2 Kòlentìan 5:21

Kə̀lestò mò ki yo bo è li zo, Zə̀ kə̀ ŋ ghəŋlo è tsughu ù n dòʼò tsùghu tò ghûw ù bǐigh bòʼ ghəa e sɛ̀, enyəa aŋghəa sɛ̀ à ghee təmdzəə̄ŋ kɔʼ, a ke e dzeŋe lo sugho tsəghatsəgha a vʉ̀a Zə̀ kò.

Gàlashìan 1:22

À n lo mo ghî ghəla ghe boō fughu â Kə̀lestò am mbùʼ è Dzùdîa ka m mugho alo esə n tsuʼ kòʼ.

Gàlashìan 2:2

Mùgho fə̌ fughu kɔʼ mò à dè tsùghù Kəzə̀. Mùghò n nì kɔ̌ʼ tum təla tə kwu kele dzeŋe kə ghì a Kəzə̀ kò an Yɛ̀lusalɛ̀m, kɔ̀ʼ zə̀m dòʼò tsùghu ghàʼ à ghee, nì tèso dzɛ̀ kɔ̀ʼ ndùw làbəlà è dzùŋ zəla Ǹ naʼnlo â Tòʼò zò â ghee; enyəa e kwo zə e doʼò enyəa Ǹ tuwnlo m̀mughū alo kəsàʼnlo ŋkāa mùghò m mùghù mò alo kəsàʼnlo tuuw.

Gàlashìan 2:6

Ghî ghəla ghe fə̀ dzɛ enyəa ghe lo tətsoʼ a fughu an dzeŋe ke te ko — kaa ghe fə̀ lo kwò kə ghee ko, e mò moʼo yo ghə̂a è li zo â mùghò; tɔŋlo enyəa Zə̀ kə̌ ghùw lɛ̌ɛn dzə̀ yò aŋ kòʼ e wə̄n. Ghî ghən fə̀ ki dzə yo ghəa è li zo tò kəsànlo ghe lo alefughuu wô â mùghò.

Gàlashìan 5:6

Abugho ghe sugho tigh kə ghûw kò ŋkāa ghe tâʼkè sugho, zə ki dzə yo ghəa è li zo aleghəŋlo am mùghù e sɛ̀ à ghê Kə̀lestò Yɛso. Ghəa èsəŋò zəla e lo ghè zò lò enyəa, sɛ̀ ŋgaʼ fə̀ŋ a zəŋò Kə̀lestò an ləgha zəla a ki ghè zò.

Gàlashìan 6:15

Ghəa è li e ndôʼ yò, ka ghe sugho tigh kə ghûw kò ŋkāa ghe taʼkè sugho; ghəa è səŋò è lo ko enyəa sɛ̀ n ghì à fughu a doʼò.

Efɛsùs 2:10

Sɛ̀ lo ghu a kəfwàʼ a Kə̀zə̀ ù mò bɔm tsughuu aŋghəa sɛ̀ doʼò tsughu kəfəgha kə mɔ̀ʼ sɛ̀ à ghê Kə̀lestò Yɛso, alefwaʼā fwàʼ kə̀dzûŋ kò ù fə̀ biaan naŋā, enyəa sɛ̀ è bwiī a te.

Kòloshìan 4:10

Alistachùs, wəla ù lò fɛ an ndùghùtsāʼ ghàʼ à wə̄n fughu wò ghɛ̀ â tɔɔŋ zo. Mâk, tɔɔŋ wàazə̀ ù ghê Bànabâs vʉ̀a ù dzɛ̀ wô sugho enyəa ghàʼ tɔɔŋ zuūw wô ghɛ̀; ghɛ̀ mafə dzɛ̂ zìi wò ghəa ghò â ghɛ̀ kùu ndùw Mâk, abugho ù bughò fì avʉ̀a ghɛ̀, ghɛ̀ kpeni wə̄n aŋ ghu kə̀ dzûŋ kò.

Filemùn 1:23

Epafəlàs wəla ghàʼ à wə̄n lô fɛ a dzə̀m an ndùghùtsāʼ aŋ ghəa e Kə̀lestò Yɛso fùghù wò ghù â tɔɔŋ zo.

1 Dzɔ̌n 4:13

Aŋ ghəa ghən, sɛ̀ kwo enyəa, sɛ̀ lo nû sɛ̀ à ghê Zə̀ kò, Zə̀ chìa kə ti sɛ̀ à ghèe, bòʼ enyəa Kə m fughu sɛ̀ â Zuʼ tə wə̄n to.

1 Dzɔ̌n 5:20

Sɛ̀ kwo sugho nû enyəa Wɛ ù Kə̀zə̀ ù nùu m bùghò, vʉ̀a ù fughu sɛ̀ â tɔ wo alezuūwkɛlɛ Zə̀ kə̀ êsəŋò kò a te. Sɛ̀ à ghê Zə̀ kə̀ lo alo kəfəgha kə mɔ̀ʼ àsùghò Wɛ u wə̄n, tɔɔŋ Yɛso Kə̀lestò. Ù lǒ Zə̀ kə̀ səŋò kò, vʉ̀a ù fughuu mughù e doʼn təla zo.

Edêe Fughu 1:9

Ǹ lo Dzɔ̌n wàazə̀ wɛʼɛ, yìa M̀ boo fughu â Yɛso. Mùghò ŋ ghɛ̀ təmdzəə̄ŋ wò aŋ ŋgoʼ zəla ghɛ̀ zuūw àsùghò an zə zəla ghɛ̀ ka tsughu aŋghəa sɛ̀ lô am fɔ̀e ù Kəzə̀. Ghe mò mugho kwu naŋa nû an nàʼà fə dzughù fə̀ li fo, ghe tɔŋlo enyəa alò Patmòs bòʼ mùghò mò kəaa shwaʼ u Kəzə̀, dzàa êsəŋò zəla Yɛso fə̀ dzɛ̂ naŋā.