Bìoball air-loidhne

Lumà 16:2 - To kə Kəzə̀ kə̀ Fughu ko

² Ghɛ̀ kpeni wə̄n an zən Mughu ù te aŋghəa ghî a Kəzə̀ a lo aleghəŋlo, ghɛ̀ fughu sugho wə̄n â yòsò zəla ù ləghaa aŋ ghùu ghɛ̀, nù ù ŋ ŋgè yòso ndə̀mà tə aghì tò àsùghò ghuūghùe waŋa wo.

Faic an caibideil Dèan lethbhreac

dol air ais ⬆

Lumà 16:2
25 Iomraidhean Croise

Matìo 25:40

Də̀ŋ kə te kə lo daŋso bɛlɛ̀ tsughu ghee enyəa, ‘M̀ fɛ kùm dzàa wò nù â ghɛ̀, aŋghəa ghù fə̀ ghəə̄ŋ dzə̄ wàazə̀ waŋa u mɔ̀ʼ â ghəa ghən gho, wəla ù fə̀ tsoō fweēn yô fəgha ko, ghù mǒ fi ghəŋlo â mùghò.’

Faic an caibideil

Kə̀fwàʼ 9:13

Anànîas ŋ kuuwn bɛ̀lɛ̀ tsùghù enyəa, “Mughubè, mùghò n zwɔ̀ŋ u tûw wən u ŋge zuw am bo zəla ù lǒ mò ù n dè â ghì ghə̀a ghò an Yɛ̀lusalɛ̀m.

Faic an caibideil

Kə̀fwàʼ 9:15

Mughu ù te m fwə̀n dzɛ̀ â wən enyəa, “Ndùw, nu mùghò ŋ wən shîaa enyəa ù dòʼò tsughu fəgha kə kəfwàʼ kaŋa enyəa ù bòʼò ndûw zən zaŋā a vʉ̀a Tòʼò zò àsùghò a vʉ̀a dwə̀ŋ wò àsùghò a vʉ̀a wɛ ghə Ezə̀lɛ̂ ghò;

Faic an caibideil

Kə̀fwàʼ 9:36

Tsə̀ndə̄ghā è lǐ n lo an Dzopà ghe mò tɔŋlo enyəa à lǒ Tàbità, mo e moʼò an shwaʼ u Gə̀lês enyəa Dolkàs (tsəfəŋgwū). Nughò vʉ n lo mò ù ŋge gaʼ fə̀ŋ aleghəəŋ ko ghəa à dzûŋ ghò, ù ŋ ki sugho ù m bughuu sùghò â ghu ko.

Faic an caibideil

Kə̀fwàʼ 9:39

Pità fi nughù kɔ̀ʼ nû nùghù wò ghèe ghee; a m bùghò ù bùghò tɛ̂ tsughu fughu, ghe n nì kɔ̀ʼ ndùw wən an dzughu e ndughu e te zo edūŋ. yiikpūw ghən à dzə̀m n ti ko ghèe ghee, ghe n dîi dèe tsùghûu gbà ù təndzʉ̄ à ndzʉ tə̀ li to Dolkàs mò təm ghəa ghèe ghee mò naām lo a dzə̀m.

Faic an caibideil

Kə̀fwàʼ 9:41

Pità m fùghù ndùw kə̀ghu â wə̄n, tɔ̀ɔm nùghù kɔ̌ʼ wə̄n. Ù n tɔŋɔ tsughu ghî à Kəzə̀ yì à dzə̀m àsùghò yiikpūw yì, dè tsùghù nughò vʉ̀ â ghee, mò ù lò â ghue ù tughu wo.

Faic an caibideil

Lumà 15:7

E fi lò enyəa, e kpeeniī nlò ghue zɛʼɛ zo aŋghəa Kə̀lestò fə̀ kpenî ghɛ a te, to enyəa ghî ghə̀ e fughuu kɔʼso mò â Zə̀ kò.

Faic an caibideil

Lumà 16:15

Ghɛ̀ fughu nduw tɔɔŋ zo â Fìlòlogùs ghèe Dzulìa àsùghò Nɛlèus ghèe wàazə̀ ù zən vʉ̀, asugho Olìmpas ghèe ghê ghî a Kəzə̀ a li yia ghe lo ghèe ghee.

Faic an caibideil

Lumà 16:23

Gayòs wəla M̀ mughu alo wə̄n, mò à lò sugho a fughu an ndughu ghî Kəzə̀ à bughò təmadzəŋlo dzɛ enyəa Ǹ tɔɔŋ zuw wo sughò ghɛ̀. Elastas wəla u naaŋ kəaa kə kua u enaʼ ko ghèe wàazə̀ ù sɛ̀ Kwatùs fughuu wò sùghò ghɛ̀ â tɔɔŋ zo.

Faic an caibideil

Lumà 16:6

Ghɛ tɔɔŋ zuw tsughu Mèle, wəla ù lǒ mò ù ŋ ŋgè fwàʼ â ghɛ̀.

Faic an caibideil

Lumà 16:9

Ghɛ̀ fughu nduw tɔɔŋ zaŋa zo â Ubanùs ghùw ù kəfwàʼ ù Kə̀lestò wəla ù fwàʼà dzəə̄ŋ sɛ̀ à ghee, àsùghò â Stachìs, fən waŋa wəla Ŋ̀ ŋgeē ləghaa.

Faic an caibideil

Efɛsùs 5:3

Ezəŋ wəlà ghɛ̀ lô ghì a Kəzə̀ ghò, e nûŋlò, ghəa à dzəa ghən à dzə̀m à dzə̀m àsùghò kʉmè zò lǒ ŋgòʼ è ghə̀a ghəla a kôom ki dzə̂ yo aleniī bəla ko am bvʉa zɛʼɛ̀.

Faic an caibideil

Fèlepìan 1:27

Ghəa è səŋò zə èzəŋ e lo ko enyəa, ŋgòʼ è dzì zəla ghɛ̀ mughu a te ki alelo fəgha kəla làbəlà è dzùŋ è Kə̀lestò dzâa ghè kò, enyəa abugho M̀ bùghò kôʼ ko ghɛ ŋkāa M̀ bûʼ buw ko alebùghò kòʼ ghɛ̀, mùghò è ke lo alezuūw wo enyəa ghɛ̀ kûum tì nû alo kəfəgha kə mɔ̀ʼ, àsùghò enyəa am fə̂ŋ e mɔ̀ʼ, ghɛ̀ è dəma alekwuū kelè boo zəla ghɛ̀ zoʼn kɔʼ an làbəlà è dzùŋ è te.

Faic an caibideil

Fèlepìan 2:29

Kpenǐ nlò wə̄n a m fə̀ŋ è dzùŋ è Mughu ù te, àsùghò alo eduʼnlo; ghɛ̀ è fughuu kɔʼso mò â ŋgòʼ è àghì tò ghən

Faic an caibideil

Kòloshìan 4:10

Alistachùs, wəla ù lò fɛ an ndùghùtsāʼ ghàʼ à wə̄n fughu wò ghɛ̀ â tɔɔŋ zo. Mâk, tɔɔŋ wàazə̀ ù ghê Bànabâs vʉ̀a ù dzɛ̀ wô sugho enyəa ghàʼ tɔɔŋ zuūw wô ghɛ̀; ghɛ̀ mafə dzɛ̂ zìi wò ghəa ghò â ghɛ̀ kùu ndùw Mâk, abugho ù bughò fì avʉ̀a ghɛ̀, ghɛ̀ kpeni wə̄n aŋ ghu kə̀ dzûŋ kò.

Faic an caibideil

1 Timotì 2:10

Ghe ki ko aleki mwam e dzûŋ zəla e fweēn tsughuu wìzən wəla ù dzɛ̀ enyəa ù m boo fughu â Zə̀ kò.

Faic an caibideil

2 Timotì 1:18

To Mughu ù te mô kwuso èse a zəŋò wə̄n an tsuʼ fəla Kə̀lestò kè bughoo a te ebàm. Ghù tɔ̀ʼ kwò nû aŋghəa ù mò yosò mugho a te an Efɛsùs.

Faic an caibideil

Taetùs 2:3

À lò sugho eghəla ghù ki alezoʼn nduw sugho noo tə ayìzən to enyəa ghe mughùu tsughu mughùu zəla e fughuu nduw kɔʼso mò â Zə̀ kò aŋ ghəa a ghee a dzə̀m ghəla ghe ghəŋlo, ghe ka e maʼn dzə fom to, ghe ka fə̀ŋ ŋge gàʼ sùghò aleŋgee mʉa lʉ̀ mò. Ghe ki aletele fughuu ko tsʉ̂ è dzûŋ zò,

Faic an caibideil

Filemùn 1:12

Ǹ tuu wò wən ebàm a vʉ̀a ghù, ghù è kwo enyəa M̀ fi tuu wò fə̀ŋ zaŋa.

Faic an caibideil

Filemùn 1:17

Abugho ghù nì mugho enyəa ghàʼ à ghù fwàʼà dzə̌əŋ nù, ghù kpeni wə̄n tò aŋghea ghù lò alekpeēnî mùghò a te.

Faic an caibideil

2 Dzɔ̌n 1:10

Abugho ghùw bùghò a vʉ̀a ghɛ̀ mò ù kà bùghò â tsʉ̀ zən, e kwo ghɛ̀ lô nîi naāŋ wə̄n an ndughu alô ghɛ̀, ŋkāa ghɛ̀ buʼ fughu wə̄n â tɔɔŋ zo.

Faic an caibideil

Lean sinn:

Ceanglaichean taic

Sanasan

Sanasan