Lumà 16:12 - To kə Kəzə̀ kə̀ Fughu ko

¹² Ghɛ̀ fughu nduw sugho tɔɔŋ zaŋa zo â Təlifaena ghèe Təlifosà ghəla ghe lo mo ghe ŋ ŋgè fwàʼ â Mughu ù te. Ghɛ̀ tɔɔŋ zuw sugho fən waŋa Pesìs, wəla Ŋ̀ ŋgeē ləghaa, wìzən wəla ù lǒ mò ù ŋ ŋgè fwàʼ ndə̀mà tə aghəa to â Mughu ù te.

Lumà 16:12 Iomraidhean Croise

Matìo 5:47

Abugho ghù səā dzɔ̂ɔ ko ghɛ̀ à ghê waazughù ghò, ghù m moʼò enyəa ghù fi dzə̂a èghəa ò à? Toʼò e mgbaŋa ŋgəəŋ ghəəŋ sùghò ghə̀a è mɔʼɔ̄ zo.

Matìo 9:38

Ghɛ̌ fì ki alegɔ̀ɔŋ ndûw â Mughu ù usum tò ù tuū wô ghì a kəfwàʼ.”

Lumà 16:11

Ghɛ̀ tɔɔŋ zuw tsughu ghùw ù enaʼ waŋā tɔɔŋ Helodìon. Ghɛ̀ tɔɔŋ zuw tsughu sugho ghî yia ghe lo an ndughu alô Nasissùs, ghəla ghe lô fəgha ko kə mɔ̀ʼ ghèe ghê Mughu ù te.

Lumà 16:13

Ǹ tum wò sughò ètɔŋlo â Lufùs wəla Mughu ù te fə̀ tsɔʼ sə wo, ghèe zə̀ wəla ù fə̀ lô sugho tò nughò.

1 Kòlentìan 15:10

M̀ fɛ kuuwn lò ko fəgha kəla Ǹ lo ghè kò bòʼ dzɔ̀ e Kəzə. Dzɔ̂ zəla Zə̀ kə mò dê wo â mùghò, kə ka mo sâaŋ màʼà dzə̀. Mùghò ŋ kòom kuuwn biso fwàʼ tsəghà tsùghu ghee a dzəm, à mò buʼ yo mugho, à mò lo dzɔ̂ e Kəzə zəla e lo a zəŋò mùghò.

1 Kòlentìan 15:58

Waazə̂ ghaŋa ghəla Ŋ̀ ŋgeē ləghaa, tɔ̀ʼɔ tee tsughu nlò, e kwo ko fəgha kə̀ li kə lô noʼsò ghɛ. Ghɛ̀ fughu nduw ghue zɛʼɛ zo alefwaʼā ko â Mughu ù te, ghɛ̀ e kwo tən enyəa fwàʼ kɛʼɛ kəla ghɛ̀ fwaʼā â Mughu ù te yo dzə kə̀nughùnùghù.

1 Kòlentìan 16:16

M̀ buʼu kəghu enyəa to ghɛ̀ mô zǔuw ndùw â ŋgòʼ è ghì ghən, àsùghò ghì ghəla ghe təmādzəə̄ŋ wô ghɛ am fwàʼ kən, ghe n dəmà tə̀la tsughuu sùghò alefwaʼā nduw fwàʼ kə te ko.

Kòloshìan 1:29

Zə lo e ghee Ŋ̀ kûu dzəlà tsughuu sə̂ŋ zò alefwàʼ an daʼa kəla Zə̀ kə mò fughu à mùgho, kəla kə fwaʼa a zəŋò mùghò.

Kòloshìan 4:12

Epafəlàs wəla ù lò sugho ghùw ù enaʼ wɛʼɛ, kɔ̂ɔ fə̀ Kə̀lestò Yɛso tɔɔŋ zùw wò ghɛ̀. Ù kùu gɔ̀ɔŋ zěe nù an tuw wɛʼɛ, enyəa to Zə̀ kə̀ mô ghəŋlo ghɛ̀ mən tsughu am boo zɛʼɛ̄ â Kə̀lestò, ghɛ̀ e tɔʼ kwo tən enyəa ghɛ̀ fɛ fwàʼà fəgha kəla Zə̀ kə̀ ləghaa ghè kò.

1 Tɛ̀sàlonìan 1:3

Ghə̄a ghàʼ zə̂əŋ zeē ko ghɛ aŋ gɔ̀ɔŋ zaʼa â Zə̀ kò, Tsele ù sɛ̀, ghàʼ nîi zə̀a yò fwàʼ kəla ghɛ̀ fwaʼā bòʼ ghɛ̀ boo fughu â Kə̀lestò, àsùghò ghəa à dzûŋ ghə̀là ghɛ̀ ghəŋlo â ghî ghò bòʼ ləgha zəla ghɛ̀ ki ghè zò, àsùghò tùʼ zəla ghɛ̀ ndzəmà chiī a zəŋò Mughùbè ù sɛ̀ Yɛso Kə̀lestò.

1 Timotì 4:10

Sɛ̀ dəmà nù, faan sùghò alekelê ghəa ghən bòʼ enyəa tùʼ è sɛ̀ chîi a zəŋò Zə̀ kəla kə mughu, tɔ̂ɔŋ Zə̀ kəla kə bəghaasəa ghî ghò a dzə̀m, a ka dɔ̂ɔm taŋ ghe ghəla ghe boo fughu tsughu â Wə̄n.