Lumà 16:10 - To kə Kəzə̀ kə̀ Fughu ko

¹⁰ Ghɛ̀ tɔɔŋ zuw tsughu Apelès wəla ù tɔ̂ʼ dê sə wô ghue wo enyəa e boo fughu â Kə̀lestò. Ghɛ̀ tɔɔŋ zuw tsughu sugho kèndughu kə Àlìstobulùs kò.

Lumà 16:10 Iomraidhean Croise

Lumà 14:18

Abugho ghùw fwàʼa â Kə̀lestò an dziī zən, zə ŋ ghəŋlo Zə̀ kə̀ n duʼnlo, ghî ghə ŋ kɛɛ ghùw ù te.

Lumà 16:3

Ghɛ̀ tɔɔŋ zuw tsughu Pə̀leskà ghèe Akwilà, ghe fwaʼà dzə̌əŋ ghàʼ à ghee am fwàʼ kəla M̀ fwaʼa â Kə̀lestò Yɛso,

Lumà 16:7

Ghɛ̀ fughu nduw sugho tɔɔŋ zaŋa zo â Andə̀lonikùs ghèe Dzunìyas, fən ghaŋa ghəla ghe lô sugho Dzûu tò, tò mugho, ghe ghəla ghàʼ à ghee fə̀ lo a dzə̀m an ndùghùtsaʼ. Ghe lò kɔ tə aghì am bvʉa e tum tə Kə̀lestò, mo à fə̀ boo fughu ghee esə̄ â Kə̀lestò, sěe mùghò.

Lumà 8:11

Abugho e kuuwn lô enyəa Zuʼ tə Zə̀ kəla kə fə̀ zôm nughu kɔʼ Yɛso alo evʉ lo nû a zəŋo ghɛ̀, e fi lo enyəa wə̄n wəla u mò zôm nughù wo Kə̀lestò Yɛso alo evʉ lo ghəəŋ nù ghue zɛʼɛ zəla e kpuūw lo kôm kele èmùghù, bòʼ Zuʼ tə Kə̀zə̀ təla tə lo a zəŋò ghɛ̀.

1 Kòlentìan 11:19

Ghɛ̀ bûʼ kì nû alendzùghùun doʼò alo eghùe to a e lo alekòʼòkɛlɛ̄ wô baabâ ghì ghəla ghe boō fughu â Kə̀lestò.

2 Kòlentìan 12:2

Ŋ̀ kwo nu ghùw ù Kə̀lestò ù lì, à ezəŋ tsəghà tsughu tə̀nùu eghə̄m à ghè tò tə chìakò aŋghəa ghe fə̀ nî kɔʼ nduw wə̄n alo kəwalā edzuŋ èdzùŋ. Ù mǒ yia lo to aŋ ghùe u wə̄n, ŋkāa à mò lo mò ù n soʼ sə, Ŋ̀ kwo yo; à kwò ko Kəzə̀.

2 Kòlentìan 2:9

Mùgho mo mwàʼsò kən â ghɛ̀ tɔɔ wo alemɔ̀ɔkôʼ enyəa ghɛ̀ nyɔʼɔ̀ bwìi to nù aŋghəa mùgho mò dzɛ̂ naŋā â ghɛ̀ à.

2 Kòlentìan 5:17

Ghùw wəla ù lò fəgha ko kə mɔ̀ʼ ghèe Yɛso Kə̀lestò, ù fi lo ghûw ù fughu; ghəa à wii ghə n tsə̀ghà mìaa, à fughu yia a bugho.

2 Kòlentìan 8:22

Ghàʼ tuu wò wàazə̀ ù sɛ̀, wəla ghǎʼ mò mɔ̂msò kôʼ tsughu, bùghò kòʼ tsùghù enyəa ù kì nû ghɛ̂ zò an ndə̀mà tə̀ aghəa, mò ù kǔuwn ki eghɛ̂ êzəŋ tsə̀ghàtàʼà aŋghəa ù mò bûʼ ki bòʼ ù nàŋa fə̀ŋ a zəŋo ghɛ̀.

Gàlashìan 1:22

À n lo mo ghî ghəla ghe boō fughu â Kə̀lestò am mbùʼ è Dzùdîa ka m mugho alo esə n tsuʼ kòʼ.

Fèlepìan 2:22

Ghɛ̀ kwo nû enyəa Timotì n dě fwàʼ kə wə̄n ko tǒ wɛ ù tsəlà tsele wəla ù lò alefwaʼā ghàʼ à wə̄n alenàʼà làbəlà è dzùŋ zən.

1 Timotì 3:10

Ghɛ̀ ŋ ki alemɔ̀msò koʼò dzə̂ ghee, mo ghəa a ghùw ù te a zɔlɔ nù, ghe n naŋa kɔʼ wə̄n enyəa ù e fwaʼa â ghɛ̀.

2 Timotì 4:19

Tɔɔŋ zuw tsughu Pə̀lesilìa ghèe Akwilà, àsùghò ghì ghò a dzə̀m an ndughu alô Ònìsìfolùs.

1 Pità 1:7

Ghəa ghən lo aledèe tsughu enyəa boo zɛʼɛ̄ e kûm lǒ è səŋò zò. Tsɛ zəla e bûʼ lô ko alebo, ghe naam mɔ̀msò kòʼò nù aŋ wə̀n. Boo zɛʼɛ̄ zəla e bûʼ tsəghàsə ko tsɛ zo, ghe ki sugho nû alemɔ̀msò kô, to ghɛ̀ ke e lo aletughuū tsəghà ghəa a mbī gho. Zə̀ kə̀ kê kɛɛ ghɛ̀, kə lo naŋa ghɛ̀ alo nsəghanyəgha, kə lo ghəŋlo ghî ghə̀ e fughuu ghɛ â kɔʼso mò abugho Yɛso Kə̀lestò kə̀ kôom dê sə wô ghue u wə̄n wo ebàm.