Lumà 15:5 - To kə Kəzə̀ kə̀ Fughu ko

⁵ To Zə̀ kəla kə ghəŋlo enyəa sɛ̀ e kaa zə zo, dzə̀là sughò fə̀ŋ tə sɛ̀ mò ghəŋlo ghɛ̀ e mughu alo kəfəgha kə mɔ̀ʼ ghɛ̀ à ghê waazughù ghò aŋghəa Kə̀lestò Yɛso ləghaa,

Lumà 15:5 Iomraidhean Croise

Kə̀fwàʼ 4:32

Nɔ̂e kə aghì chia kə mò boō tsughu n lo ko am fə̂ŋ e mɔ̀ʼ, lò sugho alo kəfəgha kə mɔ̀ʼ. Ghùw ù lì n yo sugho a te aledzɛ̀ enyəa e ki kəfəgha mò à tɔ̀ʼ lò ko kə wə̄n ko, fʉgha wə̀n ù dzə̀m chìa mò ki, ghe mò dzeŋe ki nû.

Lumà 12:16

E mughu nlò alo kə fəgha kə mɔ̀ʼ ghɛ̀ à ghê ghì ghò a dzə̀m. Kà nlò è kɔʼso ghue zo, laam bǒo tsughu nlò aleghəəŋ zumso tə aghəa to ghɛ̀ à ghê ghì a ulwən gho. Kà nlò è moʼō enyəa ghɛ̀ tɔ tsə̀ghà ghì à li gho.

Lumà 15:13

To Zə̀ kəla kə ghəŋlo enyəa a chiī tùʼ alo aghəa a dzə̀m mò fughu ghɛ â bughuun zo, kə ghəŋlo ghɛ̀ e duʼnlo, aŋghəa ghɛ̀ boō fughu tsughu à ghè kò, to enyəa Zuʼ tə Zɔlɔ tə mô ghə̀ŋlo ghɛ̀ e fəghaan ŋgee chiī tsughu tùʼ.

Lumà 15:3

Ghuūghùe u Kə̀lestò ù ka fə ghəa ghəla ù fə̀ ghəŋlo ghəəŋ dzə̀ enyəa to ù mò dùʼnlo a te; tò aŋghəa ghe tɔm naŋa am Mwàʼsò kə Kəzə̀ enyəa, “Aŋghəa ghe mò sùuwn ghû, ghe mo fi suūwn mugho.”

1 Kòlentìan 1:10

M̀ buʼu kə̀ghu â ghɛ̌ a waazə̂ ghò, an zən e Mughùbè ù sɛ̀ Yɛso Kə̀lestò, enyəa ghɛ̀ a dzəm kele tsughu dzə e mɔ̀ʼ, ghɛ̀ ka ndzughùun dòʼò dzə̀ aŋ ghùe zɛʼɛ̄, ghɛ̀ laam doʼō tsughu fəgha ko kə mɔ̀ʼ am fə̂ŋ e mɔ̀ʼ, ghɛ̀ è naaŋ ko dzughu zo e mɔ̀ʼ a lo eghəa.

2 Kòlentìan 13:11

Aletsəlā tsughuu ghəa ghən a waazə̂ ghò, dòʼo nlò kədzûŋ. E dəma tsughuu ko aleghəəŋ ghəa à dzûŋ ghəla a lô tsəghatsəgha, zuw nlò dî zaŋa zo. Dòʼo nlò alo kəfəgha kə mɔ̀ʼ, ghɛ̀ è mughu alo ebūghūnlō. To Zə̀ kəla kə dêe ləgha zo, fughuu sùghò èbughunlo mô lǒ ghɛ̀ à ghee.

2 Kòlentìan 7:6

Kə̀zə̀, kəla kə tsəmsō ghî ghəla fə̂ŋ tə̀ baŋā ghee, ŋ kuuwn dzə̀n wò fə̀ŋ taʼa aŋghəa kə fə̀ ghəəŋ tsughu enyəa Taetùs bùghò.

Efɛsùs 5:2

E ləghaa nduw nlò ghî ghò tò aŋghəa Kə̀lestò mò ləgha wo sɛ̀ a te, ù m fùghù sùghò ghue u wə̄n to kəfughu kə̀ ləə̄m dzɔɔ̄ ko enyəa ghe sâa ndûw â Zə̀ kò an tuw u sɛ̀.

Fèlepìan 1:27

Ghəa è səŋò zə èzəŋ e lo ko enyəa, ŋgòʼ è dzì zəla ghɛ̀ mughu a te ki alelo fəgha kəla làbəlà è dzùŋ è Kə̀lestò dzâa ghè kò, enyəa abugho M̀ bùghò kôʼ ko ghɛ ŋkāa M̀ bûʼ buw ko alebùghò kòʼ ghɛ̀, mùghò è ke lo alezuūw wo enyəa ghɛ̀ kûum tì nû alo kəfəgha kə mɔ̀ʼ, àsùghò enyəa am fə̂ŋ e mɔ̀ʼ, ghɛ̀ è dəma alekwuū kelè boo zəla ghɛ̀ zoʼn kɔʼ an làbəlà è dzùŋ è te.

Fèlepìan 2:2

Ŋ̀ gɔŋlò enyəa ghɛ̀ è lo alo kəfəgha kə mɔ̀ʼ, lò sugho alo edzughu e mɔ̀, àsùghò am fə̂ŋ è mɔ̀ʼ, ləghaa sùghò ghue zɛʼɛ, to duʼn kaŋā kə kpeēn mɛʼɛ̀ tsughu.

Fèlepìan 3:16

Sɛ̀ ki alekuuwn bwiī nduw ko an sə̀ŋò zəla sɛ̀ kwo zîi dzə.

Fèlepìan 4:2

Ŋ̀ ŋgee buʼu kə̀ghu â ghɛ̀ a yùdìa à Sìndikì, tee tsughu ko nlò ghuw ko kəmòg aŋ ghəa e Mughùbè.

1 Pità 3:20

Tɔ̂ɔŋ zwəŋso wəla u fə̀ tsughòsò maʼa dzə̀ è Kə̀zə̀ alebùghò tâa wô an tsuʼ fəla Nôa fə̀ bəgha kwə̀n ko. An ti kə̀ è chì, à fə̀ lo ko aghî èfaa ghe fə̀ zə tuw ko aŋ ghùu fʉ̀ghàdzughù tò, aŋ kwə̀n kə te ko.

1 Pità 3:8

Alemìasò tsughu, ghɛ̀ a dzə̀m ki alemùghù alo kəfəgha kə mɔ̀ʼ, ləghàa ghue zɛʼɛ am fə̂ŋ e mɔ̀ʼ, ki se è kwuso zo àsùghò ghue è zumso zo.

2 Pità 3:15

Kele tsughu nlò enyəa Mughu ù te naam ləmlo â ghɛ̀ enyəa ghɛ̀ boo fughu wo â wə̄n tò ghɛ̀ zə tuw ko. Ghəa ghən bɔɔm lò eghəla aŋghəa waʼāwāʼ Pôl fə̀ tɔm wô ghɛ̀ â mwàʼsò kò an tɔ wəla Zə̀ kə mò fughu â wə̄n.

2 Pità 3:9

E kuuwn lò enyəa, Mughu ù te lɛso dzə̀ yo alelueso to kə wə̄n tò aŋghəa ghî à li a môʼnlo. Ù ləghaa yo enyəa to ghùw mò kwəlà sâŋlò. Ù kuuwn ləghaa enyəa to ghî à mô maʼà bòo tə ghee, ghe tiī kuwnlo.