Lumà 15:4 - To kə Kəzə̀ kə̀ Fughu ko

⁴ Ghəa ghəla ghe fə̀ ki tɔm naŋa am Mwàʼsò kə Kəzə̀ fə̀ lo alefughuu sɛ̀ â tsʉ̀ zò, enyəa to tsʉ̀ e te e mô lo aleghəŋlo sɛ̀ e lo alekaā tsughu ezə, e dzəlà tsughu sugho fə̀ŋ tə sɛ̀ aŋghəa a chiī tùʼ a te am fəgha kəla Zə̀ kə fə̀ to naŋa â sɛ̀.

Lumà 15:4 Iomraidhean Croise

Lumà 12:12

Ghɛ̀ e duʼnlo an tùʼ zəla ghɛ̀ chiī ghè zò. Ghɛ̀ kɔlɔ tsughu nlò fə̂ŋ tò an tsù wɛʼɛ, ghɛ̀ è gɔŋlo an nə̀gha tən tə̀ dzə̀m.

1 Kòlentìan 10:11

Êzə̄ŋ, ghəa ghən fə̀ fɛ a zəŋò ghee sə kɔʼ tǒ ekʉ̂ɛnlò â ghì ghò a dzə̀m, ghe ŋ kuūwn tɔ̄m naŋa tsughu enyəa à dòʼò tsughu etsʉ̂ â sɛ̀ an tì kən êzə̄ŋ a mbī so e bughò mîaa.

1 Tɛ̀sàlonìan 1:3

Ghə̄a ghàʼ zə̂əŋ zeē ko ghɛ aŋ gɔ̀ɔŋ zaʼa â Zə̀ kò, Tsele ù sɛ̀, ghàʼ nîi zə̀a yò fwàʼ kəla ghɛ̀ fwaʼā bòʼ ghɛ̀ boo fughu â Kə̀lestò, àsùghò ghəa à dzûŋ ghə̀là ghɛ̀ ghəŋlo â ghî ghò bòʼ ləgha zəla ghɛ̀ ki ghè zò, àsùghò tùʼ zəla ghɛ̀ ndzəmà chiī a zəŋò Mughùbè ù sɛ̀ Yɛso Kə̀lestò.

1 Pità 1:13

E fi lo enyəa, ghɛ̀ fəghaan tsughu ghue zɛʼɛ zo, ghɛ̀ tiso kɔʼ nlò tuw ko edzūŋ, ghɛ̀ naŋso tsughu nlò ghuw kə ebwìi kɛʼɛ ko alefwàʼ fwàʼ kə̀là Zə̀ kə ləgha ghè kò, ghɛ̀ e chiī nduw tùʼ am bughuso zəla ghɛ̀ lo kele abugho Yɛso Kə̀lestò kè kôom dê sə wô ghue u wə̄n wo ebàm.