Lumà 15:2 - To kə Kəzə̀ kə̀ Fughu ko

² Sɛ̀ ki alelaam ghəəŋ nduw ko ghəa à dzûŋ gho â waazə̂ a sɛ̀ gho enyəa ghe e lo alo duʼnlo, àsùghò enyəa ghe e tɔʼ ti sugho am boo e ghee.

Lumà 15:2 Iomraidhean Croise

Lumà 14:19

Sɛ̀ ki aledəma tsughu ko aleghəŋlo enyəa sɛ̀ e lo alo ebughunlo àsùghò enyəa sɛ̀ e tughu dzɔɔ̄ am fə̀ŋ zəla sɛ̀ gaʼ tsughu a zəŋò Zə̀ kò.

1 Kòlentìan 10:23

Ghî à li a dzâa tsùghù enyəa, “Ŋ̀ ki nû daʼa ko aleghəŋlo àghəa dzə̀m.” À kǔuwn yò dzə̂ aghəa à dzəm a lô ghəa à dzûŋ ghò an sə kə Kəzə̀. “Ghe n sɛ̀ zəghàa màʼà enyəa sɛ̀ e lo aleghəŋlo àghəa a dzə̀m.” À kǔuwn yò dzə̂ aghəa à dzəm a lô aleyòsò ghùw.

1 Kòlentìan 10:24

E kwo ko ghùw lò kaā fwaʼà ko an dzughu e wə̄n, ù kì alefwaʼā fughuu nduw sugho â ghì à li gho.

1 Kòlentìan 10:33

M̀ dəmà sùghò enyəa to ghî ghən à dzəm mò dùʼnlo aŋ ghəa ghəla Ŋ̀ ghəŋlo a dzəm, Ŋ̀ kəŋo dzə yò alekēlê fəgha kə̄la kə dzɔɔ̄ â mùghò, à lǎam lò kəla kə sô dzɔ̂ɔ ndəm è àghì, enyəa to ghe mô zə kətuw.

1 Kòlentìan 13:5

Ləgha e ghəəŋ dzə̀ yò enyəa ghùw ù e dala ŋkāa enyəa ghùw è deē ghue wo; ləgha e ghəəŋ nù enyəa ghùw ka e nyəā naaŋ wàazə̀ aŋ ghəa è biigh zo.

1 Kòlentìan 14:26

Waazə̂ ghaŋa gho, sɛ̀ lo aledzɛ̀ êndughō a? Abugho ghɛ̀ bughò dzeŋe tsughu, ghùw u mɔ̀ʼ n tsʉ̀ kɔ̀ʼ ezom, ù lì n zoʼn wò àghì, ù n dzɛ̀ fughu wò ghəa ghəla Zə̀ kə̀ lo mo kə n dzɛ̀ â wə̄n, ghùw ù lì ŋ kə̀a wò àghəa an shwaʼ wəla ghî à zuūwkɛlɛ yo, ghùw ù lì wə̄n n teso dzàa wò ghəa a te gho. Ghəa yì à dzəm kì alelō ko aleghəŋlo enyəa dzeŋe kə ghì a Kə̀zə̀ kə̀ è nomlo.

1 Kòlentìan 14:3

Abugho ghùw kuūwn dzâa shʉghà u Kəzə̀ wò, ù dzàa wò â ghì ghò, aletughusō tsughu ghee, dzə̀n tsùghù sùgho ghee â sə̀ŋ zò, tsəmso tsùghù sùghò ghee.

2 Kòlentìan 12:19

Ghɛ̀ è dzaā ko enyəa ghəa ghə̀n à dzə̀m fɛ lo enyəa ghàʼ dəmà alebâaŋ ghue zaʼā an sə kɛʼɛ̄ an nə̀gha zən e dzə̀m. Ɛ̂ŋgaŋ dzə̂! Ghàʼ ghəa ghən kə̂aa an sə kə Kəzə an dziī zəla Kə̀lestò mò lô aleləghā enyəa ghàʼ kə̂a à tè. Ghəa ghə̀n à dzə̀m ghàʼ ghəŋlo a waazə̂ ghaŋa gho, ghàʼ ghəŋlo enyəa ghɛ̀ noo aŋ ghəa e Kəzə̀.

2 Kòlentìan 13:9

Tɔŋlo enyəa ghàʼ duʼn nù abugho ghàʼ lɛɛ̄ ghɛ̀ yia kuūwn tughūu. Fəgha kə̀là ghàʼ gɔ̂ŋlo a te lo enyəa to ghɛ̀ mən tsughu aŋ ghəa e Kə̀lestò.

Efɛsùs 4:12

Zən fə̀ lo alefughu udwaʼa â ghì a Kəzə̀ ghò alefwàʼ fwàʼ kə Kəzə̀ kò àsùghò aletughuso tsughu ghî à Kəzə̀ ghe sô lô gwən e ughùe e Kə̀lestò zò.

Efɛsùs 4:29

Kà nlò è bomlo enyəa shwaʼ ù biigh wə e səa wo an dzughu ghɛʼɛ̄, e kuuwn bɔɔm kəaa təla ko nlò shwaʼ wəla u lo aleyòsò aghì am fəgha kəla kə kpe â ghee, enyəa ghî ghəla ghe zəə̄n shwaʼ u te wo, u e lo aleyòsò ghee.