Lumà 15:16 - To kə Kəzə̀ kə̀ Fughu ko

¹⁶ Zə̀ kə̀ dzɔ̂ zən â mùghò dê tsùghu enyəa mùghò e lo ghùw ù kəfwàʼ ù Kə̀lestò Yɛso alefwaʼa â Tòʼò zò. M̀ fwaʼà fwaʼ kəfɔ̀e aŋghəa Ǹ zughoo wo làbəlà e dzùŋ e Kəzə̀, enyəa to Toʼò e mô lǒ tò kəfughu Zə̀ kə̀ boō enyəa ghe m kpe, mò à ghee nî sùw nàŋa kɔʼ Zuʼ tə Zɔlɔ to a vʉ̀a Zə̀ kò.

Lumà 15:16 Iomraidhean Croise

Kə̀fwàʼ 13:2

Ghəa ghe kɔʼsō Mughubè ù te, baa sùghò èdzughu, Zuʼ tə̀ Zɔlɔ tə n dzɛ̀ tsùghù enyəa, “Tsɔʼ naŋa sə̀ wò nlǒ Bànabàs ghèe Sôol am fwàʼ kə̀là Ǹ lo mò mùghǒ ŋ ghee a te tɔŋɔ.”

Kə̀fwàʼ 20:24

Ŋ̀ kâ bùʼ nì tuw kaŋa tò kəfəgha abugho M̀ kpaʼ lô dzə̂ alemìasò kɔʼ ŋgəa zəla Ŋ̀ ŋgəāa kaŋlō àsùghò fwàʼ kə̀là mùghò fə̀ nî kɔʼ aŋ ghùu Mughu ù te Yɛso Kə̀lestò, alezùghòo làbəlà è dzùŋ kùu ndùw dzɔ̂ e Kəzə̀.

Kə̀fwàʼ 20:32

M̀ fɛ êzəŋ fughuu nyəa tsughuu ghɛ̀ aŋ ghu kə Kəzə̀, àsùghò an shwaʼ u wən ù dzûŋ wò; wəla kə lo alebɔɔ̄ tīsō ghɛ̀, wəla ghəə̄ŋ sughò ghɛ̀ zə fʉgha wəla u lɛɛ̄n ghî ghəla ghe lo mo ghe ŋ ghee sûw màʼà.

Kə̀fwàʼ 22:21

Mughu ù te n dzɛ̀ â mùghò enyəa, ‘Nùghu ndùw, nu Ǹ so Ǹ lɔʼsō tuū nùghù ndûw ghù a vʉ̀a Tòʼò tò.’ ”

Kə̀fwàʼ 9:15

Mughu ù te m fwə̀n dzɛ̀ â wən enyəa, “Ndùw, nu mùghò ŋ wən shîaa enyəa ù dòʼò tsughu fəgha kə kəfwàʼ kaŋa enyəa ù bòʼò ndûw zən zaŋā a vʉ̀a Tòʼò zò àsùghò a vʉ̀a dwə̀ŋ wò àsùghò a vʉ̀a wɛ ghə Ezə̀lɛ̂ ghò;

Lumà 1:1

À mwàʼsò kən kə tɔɔ wò mùghò Pôl kɔ̂ɔ fə Yɛso Kə̀lestò, à mo mugho shiāa kɔʼ Kəzə̀ enyəa Ǹ doʼò tum è Kə̀lestò Yɛso alezùghò Làbəlà e dzùŋ e wə̄n.

Lumà 11:13

Ŋ̀ ghəa ghən fɛ êzəŋ kə̂aa wò â ghɛ̀ a Toʼò zò, aŋghəa à naām lô dzə̂ mugho ghùw wəla ghe tum wo enyəa ù bùghò naʼà làbəlà è Kə̀zə̀ zən â ghɛ̀. Ǹ nî tsùghù enyəa fwàʼ kə̀là Zə̀ kə̀ fughu â mùghò lô fwàʼ səŋò kò.

Lumà 15:18

Ŋ̀ yo alekə̀a ghəa è li zo mò a gɔ̀ʼɔ̀ ko yo ghəa ghəla Kə̀lestò lo mò ù ghəŋlo enyəa M̀ fwâʼ, to Toʼò zə̀ e zuuw nduw â Zə̀ kò. Kə̀lestò mò ghəa ghən ghəəŋ tsughu aŋ ghəa ghaŋa à kəaa gho àsùghò an shwaʼ waŋa.

Lumà 15:19

Ù fə̀ ghəa ghən ghəəŋ tsughu aŋ daʼa kə kɔ tə tətsə̌a təla mùghò fə̀ dê tsughu àsùghò sə̀ghàa mò, àsùghò an daʼa kə Zuʼ tə Kəzə̀. Zə ŋ ghəəŋ tsughu mùghò n naʼn wò Làbəlà è dzùŋ è Kə̀lestò zən an lùʼu tən tə̀ dzə̀m aŋghəa mùgho mò nughù wo an Yɛ̀lusalɛ̀m lɔʼso ŋgə̀a ndùw alendùw an naʼ zə Èlilekùm.

Lumà 15:20

Dî zaŋa e mò lo enyəa to M̀ mô lò alendùw naʼa làbəlà è dzùŋ zən an luʼu təla ghe lo mo ghe kaām zuw kòʼ tsəgha ghəa e li zo a te kùu ndùw Kə̀lestò, enyəa e kwo ko Ǹ lô kôom ndûw naʼn kpeʼe nduw làbəlà zən an lùʼu kəla ghî a li a mafə bùʼ ndùw nàʼa dzə̀.

Lumà 15:29

Ŋ̀ kwo tən nû enyəa abugho Ǹ lo bugho fì a vʉ̀a ghɛ̀, Ǹ lo ghəəŋ nù Kə̀lestò lo ŋgeē fughu ghɛ â bughuso zo.

Lumà 5:5

Tùʼ zəla sɛ̀ chiī yo dzə̂ alebvʉ̀sò maʼà sɛ bòʼ enyəa Zə̀ kə̀ n dzə̀n nàŋa ləgha e wə̄n zo am fə̀ŋ tə sɛ̀ an Zuʼ tə Zɔlɔ təla kə fughu â sɛ̀.

1 Kòlentìan 3:5

Apolòs fi lo ndugho a? Pôl vʉ̀a ù lò ndugho a? Ghe ŋkɔ̂ɔ ghɛ̀ mò tsəghà tsughu a bàâ ghee alebùghò boo fughu â Kə̀lestò, mò chìa fə̀ fwaʼā nduw ko fəgha kela Mughu ù te mò fughu â wə̄n enyəa ù fwàʼ.

1 Kòlentìan 4:1

Ghî à ki aleniī ghaʼ tǒ ghî a kəfwàʼ a Kə̀lestò ghe naŋā tsughu enyea ghe e teso dzaā wo səŋò zəla a nân dòʼò aŋ ghəa a Kəzə.

1 Kòlentìan 6:19

À lǒ mo ghɛ̀ məghaa nù enyəa gwən e ughùe zɛʼɛ̄ e lo tsughu e Zuʼ tə̀ Zɔlɔ təla tə mùghù a zəŋò ghɛ̀, mò à fə fughu Kəzə â ghɛ̌ a? À ghue zɛʼɛ e ki dzə yo ghɛ, à ghɛ̀ ki Kəzə.

2 Kòlentìan 11:23

À lǒ mo ghe lo kɔ̀ɔ ŋ Kə̀lestò à? Ǹ tsəghàsə̌ ghee — Ŋ̀ ghəa ghən fɛ kə̀aa tǒ ghûw ù zə̀ghaa. Mùgho m fwàʼ ndə̀mà tə aghəa tə̀ səŋò tò, yìa Ŋ̀ kɔʼ ndughutsaʼ an ndə̀mà te tə̀nə̀gha, ghe m mùghò bu sə an ndə̀mà tə tə̀nə̀gha, yìa Ǹ nɔ̂sə̄ aŋ ghùu vʉ zo an ndə̀mà tə tə̀nə̀gha.

2 Kòlentìan 5:20

Ghàʼ fɛ êzəŋ e lo tuw kə Kə̀lestò, tò è so ghuūghùe u Kə̀zə̀ u mò ghu kə wə̄n kə̀buʼu kə buʼ am bàm zaʼā. Ghàʼ buʼu kə̀ghu an zən e Kə̀lestò enyəa ghɛ̀ biaan tsughu ghɛ̀ à ghê Zə̀ kò, ghɛ̀ ka kôom dòʼò sùghò ghî à kətūw a wə̄n gho, ghɛ̀ doʼo nduw fən a wə̄n gho!

2 Kòlentìan 8:5

Ghe ŋ ghə̂əŋ ghəa ghən an dziī zəla ghǎʼ mò buʼù moʼn yo ghe zò, fùghù ndùw dzə̀ ghue e ghee â Mughu ù te, daŋso fùghù wò â ghàʼ, aŋ ghəa Zə̀ kə̀ ləghaa.

Gàlashìan 3:5

Ghəa Zə̀ kə fə̀ fughu tsughu ghɛ â Zuʼ tə̀ Zɔlɔ to, dè sùghò nsə̀ghàa am bvʉa zɛʼɛ̄, ghɛ̀ moʼnlò enyəa à mò lo bòʼ ghɛ̀ mò zuūw lâŋ kò ŋkāa, à lǒ bòʼ ghɛ̀ mò zuw tsughu làbəlà è dzùŋ è Yɛso, ghɛ̀ m boo fughu ndùw â wə̄n à?

Efɛsùs 2:18

À lò am bàm e Kə̀lestò, sɛ̀ a dzə̀m, Tə̀dzûu à Tòʼò zò, sɛ̀ lô alendùw a vʉ̀a Tsele ù te an daʼa kə Zuʼ tə̀ Zɔlɔ to.

Efɛsùs 2:22

Yìa à lo wən ù nì təm dzəə̄ŋ wô ghɛ̀ à alo kəfəgha kə mɔ̀ʼ, ghɛ̌ yìa a doʼò tsughu ndughu zəla Zə̀ kə̀ mughu a tə an Zuʼ tə̀ Zɔlɔ to.

Efɛsùs 5:2

E ləghaa nduw nlò ghî ghò tò aŋghəa Kə̀lestò mò ləgha wo sɛ̀ a te, ù m fùghù sùghò ghue u wə̄n to kəfughu kə̀ ləə̄m dzɔɔ̄ ko enyəa ghe sâa ndûw â Zə̀ kò an tuw u sɛ̀.

Fèlepìan 2:17

Abugho ghe bûʼ nî kwə̂ən tsughu ko kâŋ taŋa to enyəa à lǒ ŋgoʼ zəla ghɛ̀ zuūw bòʼ boo zəla ghɛ̀ ki â Zə̀ kò, Ǹ tsoʼn nù a te, yìa Ŋ̀ ŋgeē duʼn sugho sɛ̀.

Fèlepìan 4:18

Mugho n namso kaŋa kə kele kpenlo, bùʼ tsə̀ghà èsə. Mùghò n zə kuw ko, am fʉgha wəla ghɛ mò tum wo â Èpàfə̀loditùs enyəa ù bùgho fughu à mùghò, ufʉgha mo ù lə̂əm dzɔ̀ɔ nù, mò Zə̀ kə̀ boom nù, ghue u wə̄n vʉa u ghɛ̂ɛn sugho alekòʼ.

1 Tɛ̀sàlonìan 2:2

Ghɛ̀ kwo nû aŋghəa ghǎʼ mò fala a te am Felèpîi àsùghò aŋghəa ghe fə̀ sûuwn ghaʼ a te fughu alo enaʼ. Ghəa e mò bûʼ lô ko enyəa ghe mò ŋgee fughuu ghaʼ â tsù wo fughu alo enaʼ, Zə̀ kə sɛ̀ kə̀ n naam fughu tsughu ghàʼ â fə̀ŋ è te â ghàʼ alenāʼn wô làbəlà è dzuŋ zə̄n â ghɛ̀.

1 Tɛ̀sàlonìan 2:9

Waazə̂ ghaʼa gho, ghɛ̀ mgbaŋ kwo nû aŋghəa ghǎʼ mò fwaʼà zeē nduw, bùghò fwàʼà bwǐi ndùw enyəa ghàʼ lô so e laʼà fəgha kə̀ li ko an nə̀ghà zəla ghǎʼ mò kə̂aa wô shwàʼ u Kəzə̀ wò â ghɛ̀. Ghǎʼ mǒ èzə fwaʼā aleghəŋlo enyəa e kwo ko ghàʼ lô doʼn fəm ko â ghùw wɛʼɛ u mɔ̀ʼ.

1 Tɛ̀sàlonìan 5:23

To Zə̀ kəla kə fughu bughun zo mô tɔʼɔ̀ ghəə̄ŋ tsughu enyəa ghɛ̀ è zɔlɔ, wən à mughu ko: to ghue zɛʼɛ, zuʼ tɛʼɛ àsùghò gwən e ughùe zɛʼɛ zo mô kì yo dzʉ ù li wo alebùghò tâa wô an tsuʼ fəla Mughu ù te Yɛso Kə̀lestò kè bugho a te ebàm.

1 Timotì 1:11

Tsʉ̂ zən sə kɔʼ an làbəlà è dzùŋ zəla Ǹ zoʼn wô ghî gho a te — làbəlà è dzùŋ zəla Zə̀ kə̀ ghaʼa kəla ghî à kɔʼso fə̀ fughu wo â mùghò.

1 Timotì 2:7

Zən lò eghee, ghe fə̀ tum sə wô mugho tǒ tum è Kə̀lestò àsughò wàdè alebwiī zoʼn wo Toʼò zo e te zo an làbəlà è dzùŋ zən àsùghò sə̀ŋò fəgha kəla kə lo êsəŋò kùu ndùw Yɛso. Ŋ̀ kaʼn yo gha gho Ǹ dzâa wò èsəŋò.

2 Timotì 1:11

Zə̀ chia kə shîaa kɔʼ mugho tǒ tum è Kə̀lestò àsùghò tǒ wàdè alezoʼn wo ghî ghò, nàʼn ndùw sùghò làbəlà è dzùŋ è te.

Hibùlù 13:16

E kwo ghɛ̀ ke bughuu doʼò kôʼ aleghəəŋ dzɔ̂ zò àsùghò aleteen dzəəŋ fʉgha wo, tɔŋlo enyəa fə̀ŋ è Kə̀zə̀ zɔ̀lɔ nù aŋ ŋgòʼ è ufughu vʉ̀.

1 Pità 1:12

Zə̀ kə̀ mafə dê zìi wò â ghiīshʉ̀ghà a wə̄n ghən gho enyəa ghe ki yo namso kə̀ li ko am fwàʼ kə ghee, enyəa à namso kə laam ki ghɛ. E lo sugho tò aŋghəa ghiīshʉ̀ghà a Kəzə̀ ghən fə̀ dzɛ̂ naŋā wô ghəa ghə̀la ghɛ̀ zuūw êzə̄ŋ aŋ ghùu ghì ghəla ghe naʼn wo làbəlà è dzùŋ zən â ghɛ̀ an daʼa kə Zuʼ tə̀ Zɔlɔ təla Zə̀ kə̀ tum tsughu wô alo kəwālā; mò à lò aghəa tsə̀təndə̄ghā tə Kəzə̀ tə̀ dəma alebùghò zuūwkɛlɛ tsughu.

1 Pità 2:5

Bùgho nlò a vʉ̀a Mughu ù te tò tia ghəla a ki mughù zò, ghe nîi kɔʼ ghɛ ghe bəghāa tiso kɔʼ ndùghù è shʉghà e Kə̀zə̀ a te, ghɛ̀ e ke fwaʼ tǒ fɔ̀e tə̀ zɔlɔ to alekɔʼɔ fughuu fughu kə̀ ushʉ̀ghà kəla kə kpe â Zə̀ kò am bàm e Yɛso Kə̀lestò.