Lumà 15:12 - To kə Kəzə̀ kə̀ Fughu ko

¹² Ghùwshʉ̀ghà u Kəzə̀ Èzayà vʉ̀a ù dzɛ̀ sugho enyəa, “Ghùw kè sə̌a wò an tigh kə Dzɛsɛ̀, ghùw ù te kê lò tsəgha wəla ù kè bughò saʼa tsəgha tuw kə Etoʼò zò, Toʼò zə̀ e ke chiī tùʼ e ghee a zəŋò wə̄n.”

Lumà 15:12 Iomraidhean Croise

Matìo 12:21

Ghî ghə̀n à dzə̀m am mbī kê naŋa wô ko kə̀ tuw a zəŋò wə̄n, enyəa ghe lo alezə kətuw am bàm e wə̄n.”

1 Kòlentìan 15:19

Abugho à lò enyəa tùʼ zəla sɛ̀ chiī â Kə̀lestò mìaa ko fɛ am mbī zən, à fi lo ghî a ki alekwuso èse a zəŋò ghe tsəghàa taʼà sə aŋghəa ghe kwuso a zəŋò ghì à li ghə̀n a dzə̀m.

2 Timotì 1:12

Zən lò e ghee M̀ fanlo enyə a fɛ an ndùghùtsāʼ. Ghəa M̀ buʼù faan ko enyə, Ǹ tsoo də̀nsò yò tuw ko, Ǹ sô kwo ghùw wəla M̀ boō fughu â wə̄n; yia Ŋ̀ kûum kwo sughò enyəa ù lo kwuu kele nù fəgha kəla ù mò fughu â mùghò, alendùw tâa ndûw an tsuʼ fəla ù lo bughoo a te ebàm.

1 Pità 1:21

À lò am bàm e Kə̀lestò e ghəŋlo enyəa ghɛ̀ gaʼ fə̀ŋ a zəŋò Zə̀ kò; tɔ̂ɔŋ Zə̀ kəla kə fə̀ zôom nughu wo wə̄n alo evʉ, naŋa kɔʼ wə̄n alo nsəghanyəgha enyəa to boo zɛʼɛ àsùghò moʼn zɛʼɛ zə e lo a zəŋò Zə̀ kò.

1 Dzɔ̌n 3:3

À fi lo enyəa ghùw wəla ù chǐi tùʼ a zəŋò Yɛso, ù fi sūw zɔ̀nso tsughu ghue u wə̄n, tò aŋghəa Kə̀lestò zɔlɔ̄ a te tsɛʼɛ̀tsɛʼɛ̀.

Edêe Fughu 22:16

“Mùghò Yɛso, mùghò n tsə̀ndə̄ghā e Kəzə̀ zaŋa tum wo a vʉ̀a ghù â shwaʼ waŋa wo alenàʼà ndûw an dzweŋe u ghì a Kəzə̀ wò. Ǹ sə e an tiigh kə Dɛvìd, yìa Ǹ lo sə̀ghàbəlà fə gbəlàgbə̀là fə̀ nyəghaan fo.”

Edêe Fughu 5:5

Tsoʼ e mɔ̀ʼ an tsoʼ ti n daŋso dzɛ̀ â mùghò enyəa, “Kà dî; Kòʼô, tsɛɛ̄kəbə̄ghā e ndùghù è Dzudà, ù sə an tigh kə Dɛvìd n təmzə daʼa kə ebo ko, vʉ̀a ù lo alezʉ̀mè nughù mə̀ŋ tə te to sə̀ghàmbəgha àsùghò alezè nyəme u kəmwàʼsò u te wo.”