Lumà 15:1 - To kə Kəzə̀ kə̀ Fughu ko

¹ Sɛ̀ ghəla sɛ tɔ̂ʼ ti am boo e sɛ̀, a ki alezuūwkɛlɛ tsughu ghî ghəla ghe tɔ̂ʼ ti yo am boo e ghee. A ka ki ko yo aleghəŋlo enyəa fə̂ŋ tə sɛ̀ tə e duʼnlo.

Lumà 15:1 Iomraidhean Croise

Lumà 14:1

Boo tsughu nlǒ waazə̂ ghɛʼɛ ghəla fə̂ŋ tə ghee naām noʼn kaŋlo aŋ ghəa a Kəzə̀ ghe lo am bvʉa zɛʼɛ̄, kǎ nlò è kuuwn baaŋ fom to ghɛ̀ à ghee mɔ̀ɔ ndùw fəgha kə̀là ghe moʼo ghè kò.

Lumà 14:2

Ghî a li a lo nû ghe boō tsughu enyəa to ghe zə ufʉgha u dzə̀m, ghî a li yia a lo kwo enyəa ghe ki ko alenuum təla ko tuūwfʉgha wo bòʼ enyəa ghe tɔ̀ʼ tì yo am boo e ghee â Zə̀ kò.

Lumà 4:20

Tuw kə ka fə kpuw kòʼ dzə̀ Abə̀làhâm an to kəla Zə̀ kə fə̀ to naŋa wo â wə̄n. U n tee tən tsughu ko am fə̀ŋ zəla ù fə̀ gaʼ tsughu a zəŋò Zə̀ kò. Ù n dzə̀n tsùghu fə̀ŋ, mgbɛɛ fughuu tsə̀ghà ko ùkɛɛ â Zə̀ kò.

1 Kòlentìan 4:10

Ghàʼ lo tò fʉgha ù laʼsō wo aŋghəa ghàʼ fwaʼa â Kə̀lestò, ghɛ̀ yia kuūwn tɔɔ̄ aŋghəa ghɛ̀ lô fəgha ko kə mɔ̀ʼ ghɛ̀ à ghê Kə̀lestò. Ghàʼ lo bvùʼù mə aghì, ghɛ̀ yia kuūwn lô ghî à tughūu gho. Ghe kɔʼso ghɛ̀, ghe yia kuūwn chwiīlwiī ghāʼ.

1 Kòlentìan 9:22

Abugho Ǹ lo ghàʼ à ghê ghî lɛɛ ghəla ghe ki you fə̂ŋ tò, mùghò n dòʼò ndùw sùghò tǒ ù ghee, enyəa to M̀ ghəŋlo ghe boō fughu â Kə̀lestò. Mùghò m bùghò dòʼò fʉgha wən ù dzəm â ghì ghən à dzəm, enyəa Ŋ̀ kəŋo tsughu tədziī tə dzə̀m alebəghaasə ghee à li gho a te.

2 Kòlentìan 12:10

Zən lò e ghee mùghò boo tsughu lɛɛ zo, esuwnlò, elɛ, ghəa à tughu gho, kə̀fə̀mso àsùghò zəŋ to, mùghò ghəa ghen boo tsughu an zən e Kə̀lestò; nu abugho Ǹ lɛɛ̄ tsughu, M̀ fi tughuu nù.

Efɛsùs 6:10

Gùŋsò kə eghəa kaŋā â ghɛ̀ lo enyəa, ghɛ̀ è tughuu an daʼa kə̀ ghaʼa kə̀ Mughu ù te ko, aŋghəa ghɛ̀ lô fəgha ko kə mɔ̀ʼ ghɛ̀ à ghee.

Fèlepìan 2:4

Kà nlò e kaa lɛɛn tsughuu ko ghəa ghɛʼɛ gho, e lɛɛn tsughuu sugho nlò ghəa ghəla a dzɔ̂ɔ â ghì à li gho.

1 Tɛ̀sàlonìan 5:14

Ghàʼ buʼu wò kə̀ghu â ghɛ̀ a waazə̂ ghaʼa gho enyəa ghɛ̀ è kʉɛɛ̄n nduw ghî à lɛɛ gho, kùu dzə̀là ndùw fə̀ŋ tə ghì ghəla ghe ki yo fə̀ŋ tò. E fughuu nduw nlò yôso zò â ghì ghə̀là ghe ki yo nûŋ wò aleghə̂əŋ ghəa è li zo. E maʼn tsughuu nlò ghue zo ghɛ̀ a ghê ghì ghò a dzə̀m.

2 Timotì 2:1

Yia a bughò ghù wɛ waŋā, Timotì, e tughuu dzɔ̂ɔ bòʼ dzɔ̀ zəla Kə̀lestò Yɛso dè wo â ghù.

1 Dzɔ̌n 2:14

Ǹ tɔɔ wò â ghɛ̀, ghê tsele ghaŋa bòʼ ghɛ̀ ŋ kele ghùw wəla ù fə̀ ki lô tsəgha to mbī e tsoō bughò zîi tsughu. Ǹ tɔɔ wò â ghɛ̀ a ghâŋ fò bòʼ ghɛ̀ ki esə̂ŋ, shwaʼ u Kəzə̀ vʉa u lò sugho am fə̀ŋ tɛʼɛ, àsùghò enyəa ghɛ̀ ŋ ghaʼ ghùw ù bǐigh.