Lumà 14:9 - To kə Kəzə̀ kə̀ Fughu ko

⁹ Kə̀lestò fə̀ fɛ kpuw zoō kɔʼ bòʼ ghəa ghə̀ è yi enyəa, ù è lo Mughu ù te â ghì à kpuwn gho àsùghò ghəla ghe lô â tuw ko.

Lumà 14:9 Iomraidhean Croise

Matìo 28:18

Yɛso n daŋso bùghò dzɛ̀ tsùghù â ghee enyəa, “Dwaʼa wən u dzə̀m alo kəwālā àsùghò aŋ ghueekətsə̄, ghe m fughu â mùghò.

Lûk 24:26

E fə̀ mgbaŋ yo enyəa Kə̀lestò ù te kê bùʼù fǎan tsughu dzə̀ nù sěe ù sò zəā Fɔ̂e u wə̄n wo a?”

Dzɔ̌n 12:24

Alekùu nîi tsughu, à gɔ̀ʼɔ̀ ko mo sə zə esò e nyə tsughu alo təzu, zə mò è fia, abugho e naām lô ko aŋ ghu zə n naam lò ko sə zə esò; a mò è bùghò e fîaa tsughu, zə m fùuw è kɔʼ, noo bɔŋ tsughu ndə̀m è àsò.

Kə̀fwàʼ 10:36

Ghɛ̀ kwo nû tum zəla ù fə̀ tum nduw â ghì ghə Ezə̀lɛ̂ ghò, tsʉ̀a ndùw àghì aŋ ghəa ghe lô alekele èbughunlo a te am bàm e Yɛso Kə̀lestò (ù lò Mughùbè ù ghì ghə̀n à dzə̀m).

Kə̀fwàʼ 10:42

Ù n dzɛ̀ â ghàʼ enyəa ghàʼ è kəaa nduw shwaʼ ù dzûŋ wò â ghì ghò, dzàa fùghuu ndùw enyəa Yɛso lǒ ghùw wəla Zə̀ kə̀ mò tsuʼ naŋā enyəa ù è saʼa tuw u ghì ghəla ghe lô â tuw ko à ghì à kpuuwn gho.

Lumà 10:9

Abugho ghù dzɛ̀ sə wo an dzughu e tughō zo enyəa Yɛso lò Mughu ù te, boo tsùghù sùghò am fə̂ŋ zə̀ghà enyəa Zə̀ kə̀ mafə wə̄n alo evʉ̄ zôm nùghù kɔʼ, ghù lo zəa nù tuw ko.

2 Kòlentìan 5:14

À sɛ̀ fɛ̀ êzə̄ŋ ki ləgha zəla Kə̀lestò ki â sɛ̀, aŋghəa sɛ̀ zuwkɛlɛ̄ tsughu dzə̂ enyəa ghùw ù lì maā kpuw an tuw u aghî a dzə̀m, à fi lo enyəa sɛ̀ a dzə̀m maā kpuw sùghò.

1 Tɛ̀sàlonìan 4:14

Tò aŋghəa sɛ̀ lo mo am boo enyəa Yɛso maā kpuw kòom kɔ̀ʼ sə̀ kɔ̀ʼ wò èbàm alo evʉ̄, à lò sugho an dziī è mɔ̀ʼɔ̀ Zə̀ kə̀ lo zôo nughùun wô ghî ghəla ghe fə̀ kpuw mo ghe m boō fughu â Yɛso.

1 Tɛ̀sàlonìan 5:10

Yɛso Kə̀lestò fə̀ kpuw an tuw u sɛ̀ aleghəŋlo enyəa sɛ̀ kê naām lo â tuw ko, ŋkāa mo a m kpūwnlō, a kê mùghù sɛ̀ à ghee abugho ù ke bughuo ebàm.

2 Timotì 4:1

Ǹ dzàa wò â ghù a n sə kə Kəzə̀ ghèe Kə̀lestò Yɛso wəla ù kè saʼā ghî ghəla ghe kê naām lô â sə à tughu gho, àsùghò ghəla ghe lo mo ghe n kpuwnlo, abugho ù kè bughoo alebùghò saʼ mbī a te tò kədə̀ŋ enyəa:

Hibùlù 12:2

Bùghò nlò sɛ̀ bɔɔ̄m naŋa ndûw kô sə e sɛ̀ a zəŋò Yɛso, à lǒ wə̄n ù fə̀ ghəŋlo enyəa sɛ̀ boō fughu â Zə̀ kò, vʉ̀a ù yòso enyəa boo e sɛ̀ zə̀ è tughuu. Ù ŋ kɔlɔ tsughu ko fə̀ŋ alekpuw alo kədàŋlo. Ù ka fə də̂nsò dzə̀ tuw ko aŋ ghəa a te gho, bòʼ ù fə̀ kwo duʼn kəla kə lo â sə ko, vʉ̀a ù gaʼ doʼò tsughu aŋ dàŋ è wə̄n aŋ kwe u Kəzə̀ ù təma wo alo kəwālā.

1 Pità 1:21

À lò am bàm e Kə̀lestò e ghəŋlo enyəa ghɛ̀ gaʼ fə̀ŋ a zəŋò Zə̀ kò; tɔ̂ɔŋ Zə̀ kəla kə fə̀ zôom nughu wo wə̄n alo evʉ, naŋa kɔʼ wə̄n alo nsəghanyəgha enyəa to boo zɛʼɛ àsùghò moʼn zɛʼɛ zə e lo a zəŋò Zə̀ kò.

1 Pità 4:5

À sò fɛ kuuwn lò ko enyəa ghe lo ki aletaŋso dê see kə emùghù kə ghee â ghùw wəla ù ti tən ko alesaʼ aghî a dzə̀m; ghî ghəla ghe lo â tuw ko àsùghò ghəla ghe lo mo ghe mafə kpuwnlo.

Edêe Fughu 1:18

Ǹ lo ghùw wəla ù lǒ â tuw ko; M̀ maā kpuw, mùghò ŋ kòom nùghù dòʼò tə̀n wò ebàm â tuw ko, yìa Ŋ̀ ki daʼa ko a zəŋò vʉ zo àsùghò an naʼ zə evʉ.

Edêe Fughu 2:8

Yɛso n dzɛ̀ wò â mùghò enyəa, “Tɔm ndùw â tsə̀ndə̄ghā è Kəzə̀ è dzeŋe kə ghì a Kəzə̀ ghò an naʼ e Smylnà enyəa, ‘Ghùw wəla ù lò sə ko, lò sugho kəbām, wəla ù fə̀ kpuw tsughu, ù ŋ kòom nùghù dòʼò wò â tuw ko dzɛ̂ enyəa,