Lumà 14:8 - To kə Kəzə̀ kə̀ Fughu ko

⁸ Abugho sɛ̀ lo â tuw ko, a mughu aŋ kɔʼso m Mughu ū te, mo a kpuw ko nû, a kpuw aŋ kɔʼso m Mughu ù te; à fi lo enyəa, abugho a lô â tuw ko ŋkāa a kpuw ko nû, à sɛ̀ ki Mughu u te.

Lumà 14:8 Iomraidhean Croise

Lûk 20:38

Zə̀ kə̀ yo â ghì ghəla ghe kpuw dzə, Kə lo â ghì ghəla ghe naam lô â tuw ko, tɔŋlo enyəa â wə̄n, aghî à dzə̀m nǎam lò â tuw ko.”

Dzɔ̌n 21:19

(Yɛso fə̀ ghəa ghən kəa tsughu aledè ŋgôʼ è èvʉ zəla Pità lo kpuūw ghè zò, zəla e lo fughu kɔʼso mò a te â Zə̀ kò). Yɛso n daŋso dzɛ â wə̄n enyəa, “Dzûum wò mugho.”

Kə̀fwàʼ 13:36

À fə̀ â Dɛvìd, tɔŋlo enyəa Dɛvìd fə̀ bɔɔm fwaʼ ko fwàʼ u Kəzə̀ ènyə, bùghò kpùw è nduw, ghe n tsəla dzəəŋ tsughu wə̄n ghèe ghê tsele, gwən e wə̄n zə m fìa bùŋ ndùw alo eshìa.

Kə̀fwàʼ 20:24

Ŋ̀ kâ bùʼ nì tuw kaŋa tò kəfəgha abugho M̀ kpaʼ lô dzə̂ alemìasò kɔʼ ŋgəa zəla Ŋ̀ ŋgəāa kaŋlō àsùghò fwàʼ kə̀là mùghò fə̀ nî kɔʼ aŋ ghùu Mughu ù te Yɛso Kə̀lestò, alezùghòo làbəlà è dzùŋ kùu ndùw dzɔ̂ e Kəzə̀.

Kə̀fwàʼ 21:13

Pôl n dzɛ̀ â ghee enyəa, “Ghɛ̌ chi ghaa kwò ghɛ̀ sô bâŋsò mugho â fə̀ŋ aledì a? Ghəa à kɔlɔ̄ tsughuu a ghûw yi yo dzə̂ ghəa è li zo, mugho m boo alebùʼù kɔʼɔ̄ kpuūw daŋso an Yɛ̀lusalɛ̀m bòʼ ghəa e Mughubè ù sɛ̀, Yɛso.”

1 Kòlentìan 15:23

À sò lò ko enyəa aghî a dzə̀m kè kì ko nəgha e ghee abugho ghe kê zôo nughùun kɔʼɔ ghîi gho alo evʉ̄; Kə̀lestò lǒ ghùw ù sʉ̂esəʉ, ghî ghəla ghe lô ghî a wə̄n gho kè daŋso dzûum ndûw wə̄n.

Fèlepìan 1:20

Ləgha zaŋa, àsùghò mòʼn zaŋa zo, lo enyəa, e kwo ko Ŋ̀ kê bvʉ̂a kôʼ am fwàʼ kaŋa, à è tsoo səasəa êzə̄ŋ a, àsùghò an nə̀gha tən tə̀ dzə̀m à, to Ǹ lo e ki fə̀ŋ, ghue waŋa u dzə̀m wə̀ è fughuu sugho kɔʼso mò â Kə̀lestò, ŋkāa Ǹ lo â səa à tughu gho ŋkāa M̀ kpuw ko nû.

Fèlepìan 2:17

Abugho ghe bûʼ nî kwə̂ən tsughu ko kâŋ taŋa to enyəa à lǒ ŋgoʼ zəla ghɛ̀ zuūw bòʼ boo zəla ghɛ̀ ki â Zə̀ kò, Ǹ tsoʼn nù a te, yìa Ŋ̀ ŋgeē duʼn sugho sɛ̀.

Fèlepìan 2:30

Tɔŋlo enyəa, ù fə̀ shʉan ke tsughu ko evʉ enyə am fwàʼ kə Kə̀lestò, aŋghəa ù fə̀ fughuu mugho â yòsò zəla ghɛ̀ fə̀ yo alefughu.

1 Tɛ̀sàlonìan 5:10

Yɛso Kə̀lestò fə̀ kpuw an tuw u sɛ̀ aleghəŋlo enyəa sɛ̀ kê naām lo â tuw ko, ŋkāa mo a m kpūwnlō, a kê mùghù sɛ̀ à ghee abugho ù ke bughuo ebàm.

Edêe Fughu 14:13

Mùghò mo e daŋso zuw dzə̀ è lì è dzâa tsughu wo alo kəwālā enyəa, “Tɔm naŋa tsughu ghəa ghən gho: Dzɔ̀ lò ghî a kpuuwn ghəla ghe mò kpuw aŋ ghəa e Mughu ù te alenìi nughù tsughu êzəŋ.” Zuʼ tə Kəzə̀ tə̀ dzɛ̂ enyəa, “Dzɔ̀ kùm lò â ghee, enyəa to ghe mô zʉ̂ʉn tsughu am fwàʼ kəla ghe fwaʼ, nu fwàʼ kə ghee kə ndûw dzə̌əŋ ko ghèe ghee, dêe wò fəgha kəla ghe lo ghè kò.”