Lumà 14:4 - To kə Kəzə̀ kə̀ Fughu ko

⁴ Ghɛ̀ lò ghê ndugho â ghɛ̀ alesaʼa kɔ̀ɔ ŋ ghùw ù lì mò a? A kè tèlè tsə̀mà tsùghuu ko Mughùbè ù ghee enyəa ghe ŋ ghəəŋ dzɔ̀ ŋkāa ghe ŋ ghəəŋ bonlo. Ghe kê tèlè sə̌a ko nù fəgha ko, tɔŋlo enyəa Mughùbè ù ghee lo nû aleghəŋlo ghe sə kəfəgha.

Lumà 14:4 Iomraidhean Croise

Kə̀fwàʼ 11:17

E kûu zɔ̀lɔ nù êzəŋ enyəa Zə̀ kə fə̀ fughu sugho Toʼò e te zo â namso kə̀ mɔʼɔ̄ kəla Ù fə̀ fughu â sɛ̀ aŋghəa sɛ̌ fə̀ boō tsughu â Mughu ù te, Yɛso Kə̀lestò, mùgho mò lo ndughoo aletə̀ghàsò Kə̀zə̀ aŋ ghəa ghəla kə mò ki aleghəŋlo à?”

Lumà 11:23

Zə e lô sugho enyəa abugho Dzûu tə̀ fə̂n wô ghùe zo kòom boo fughu ndùw â Zə̀ kò, Zə̀ kə̀ lo sugho nû alokòom nî nyuŋù nyəaa wô ghe ebàm, tɔŋlo enyəa kə ki nû daʼa ko aleghəŋlo ezə̀.

Lumà 14:3

Ghî ghəla ghe zəā fʉgha wo u dzə̀m kì yo alekòʼò lʉgha ghî ghəla ghe zəā yo fʉgha wo u dzə̀m. Ghî ghəla ghe kuūwn nuūm təla ko tuūwfʉ̄ghā wo ki sugho yo alesāʼ ghî ghəla ghe zəā fʉgha u te wo u dzə̀m, nu Zə̀ kə̀ ŋ ghee boo.

Lumà 16:25

To sɛ̀ mô fùghuu ŋkɔʼso â Zə̀ kò. Kə lo nû aleghəŋlo enyəa ghɛ̀ è tɔʼ ti am boo zɛʼɛ̄ â wə̄n aŋghəa ghɛ̀ zoʼn kele kɔʼ Làbəlà e dzùŋ zəla Ǹ zughòo naʼn fɛ ezən. Làbəlà zən kùu ndùw Yɛso Kə̀lestò n dè fùghù sə̀ wò nàn kə eghəa kəla Zə̀ kə fə̀ ki nân naŋa â wîiwì.

Lumà 9:20

Ghù kǔuwn lò ndughoo, ghùw nsɔ̌ɔŋnchùw to ghû alekuêen nduw ghəa zo an dzughu e Kəzə̀ a? To ndzə̀ŋ fə̀ n nùghù bvʉ̀ ndùw â ghùw wəla ù mò bɔm ghè fò enyəa, “À lǒ kwò ghù mò bɔm mugho enyə a?”

Hibùlù 7:25

Zən lò e ghee ù lò alebəghaasə aghî nəgha tən tə̀ dzə̀m, ghî ghəla ghe kuʼso nduw Zə̀ kò mo ghe tsəgha am bam e wə̄n, ghəa ù lǒ mò ù tso mughu tsəgha ko nû alebuʼ kəghu an tuw u ghee.

1 Pità 1:5

Fʉgha u te lo â ghɛ̀ ghəla ghɛ̀ lo mò à ghɛ̀ kwu kele daʼa kə Kəzə̀, bòʼ boo zəla ghɛ̀ ki a zəŋò Kə̀lestò, Ghəa ghən kê lò ko abugho ghe kê fughu ghɛ â mùghù zəla e doʼò tən, ghəa ghə kê lò ko abugho nəgha e te e kê kpe wo (aŋghəa Zə̀ kə fə̀ fôʼ naŋā).

Dzûd 1:24

Ŋ̀ gɔ̂ŋlo enyəa to sɛ̀ mô fùghù ŋkɔʼso n dzə̀m â Zə̀ kò, Zə̀ kəla kə kwu kele ghɛ̀ enyəa e kwo ko ghɛ̀ lô neē bvʉ̂a, Zə̀ kəla kə lo ghəŋlo enyəa ghɛ̀ eduʼnlo abugho kə kê nî wô ghɛ̀ an səghanyəgha ŋ wə̄n mò ghɛ̀ ki yo nyàaŋ fə udzʉ fə̀ li fo am fə̀ŋ tɛʼɛ.