Lumà 14:3 - To kə Kəzə̀ kə̀ Fughu ko

³ Ghî ghəla ghe zəā fʉgha wo u dzə̀m kì yo alekòʼò lʉgha ghî ghəla ghe zəā yo fʉgha wo u dzə̀m. Ghî ghəla ghe kuūwn nuūm təla ko tuūwfʉ̄ghā wo ki sugho yo alesāʼ ghî ghəla ghe zəā fʉgha u te wo u dzə̀m, nu Zə̀ kə̀ ŋ ghee boo.

Lumà 14:3 Iomraidhean Croise

Matìo 18:10

“Ghəəŋ tsughu enyəa ghɛ̀ ka e koʼō keē nyàaŋ mə̄n; nu ghəa Ǹ dzâa wô fɛ â ghɛ̀, tsə̀təndə̄ghā tə Kəzə̀ tə ghee tə lo tsəgha ko ghèe ghê Bə̀ghà alo kəwālā.

Matìo 9:14

Tsə̀təndə̄ghā tə Dzɔ̌n tə m bùghò kòʼ wò Yɛso, bvʉ â wə̄n enyəa, “À lǒ kwò ghàʼ à ghê ghì a Falàsîi à sô baā dzughu zo, tsə̀təndə̄ghā təghà tia tə baā yô a?”

Lûk 18:9

Yɛso m fùghù ndùw sùghò kwə̀ən kə ushwāʼ â ghì à li ghəla ghe mò kɔʼso ghue zo enyəa ghe lo ghî à dzûŋ ghò ghe yia a kuuwn nîi yô ghî à li gho tò kəfəgha.

Kə̀fwàʼ 10:34

Pità fi kaʼ tsughu nû ghəa à kəaa gho. Ù n nì tsùghù enyəa, “Kùmkùm mùghò ŋ kòʼ enyəa Zə̀ kə̀ bâa yò kpiī wo,

Kə̀fwàʼ 10:44

Ghəa Pità naām kə̂aa ghəa gho, Zuʼ tə̀ Zɔ̀lɔ tə n tsughu nyəə̄n tsughu a zəŋò ghì yì à dzə̀m ghe mò zəə̄n shwaʼ vʉ̀.

Kə̀fwàʼ 28:2

Ghî ghə enaʼ a te ghə n dè tsùghù ghaʼ â fɛ̀ɛn kə edzɔ̀ kə̀ li ko enyə. A m bùghò à sò lo mo ghuuw zə ŋ kāʼ tsughu zo, fwo wə n lo, ghe m fəghaan kɔʼ uwən enyəa ghàʼ a dzə̀m zʉɛɛ.

Lumà 11:15

Nəghā zəla Zə̀ kə fə̀ tue maʼà tsughu Dzûu tò, kə n nì kaaŋ wò ghì a li ghən am mbī enyəa ghe bughò doʼò ghì a wə̄n. E kê bòʼò lò ênzə̂n abugho Zə̀ kə kôom nî nyə wô Dzûu tò ebàm a? To e bɔɔ̄m doʼò ko tò ghùw ù kpǔuw lô zôom nughùn wô alo evʉ̄.

Lumà 14:1

Boo tsughu nlǒ waazə̂ ghɛʼɛ ghəla fə̂ŋ tə ghee naām noʼn kaŋlo aŋ ghəa a Kəzə̀ ghe lo am bvʉa zɛʼɛ̄, kǎ nlò è kuuwn baaŋ fom to ghɛ̀ à ghee mɔ̀ɔ ndùw fəgha kə̀là ghe moʼo ghè kò.

Lumà 14:10

Ghɛ̀ sò waazughù à koʼò kèe mò a lǒ kwò a? Ŋkāa à lǒ kwò ghɛ̀ sô saʼa waazughù ghò a? Sɛ̀ a dzə̀m lo bùghò tènlo an tia e saʼ a vʉ̀a Zə̀ kò.

Lumà 14:13

À fi lo enyəa sɛ̀ e ka e koōm saʼa ghue e sɛ̀ zò, sɛ̀ e laām dəma tsughuu enyəa a ka e naaŋ dzə tia e utwaʼ zo an dziī ŋkāa kə̀ fàŋa â waazə̂ a sɛ̀ gho tò â ghee aleghəŋlo èbo.

Lumà 14:15

Abugho e lo enyəa fəgha kəla ghù zəa kə fəmso wàazùghù, a fi lo enyəa ghù dèe yò ləgha zo â wə̄n aŋghəa ghù naam zəa ko fʉghazəa u te wo. Kà e ghəəŋ dzə enyəa fəgha kəla ghù zəa boōn maʼà ghùw mò Kə̀lestò maā bugho kpuw an tuw kə wə̄n

Lumà 14:21

E dzɔ̂ɔ yò alepfʉa nyòm ŋkāa alemʉa lʉ̀ mò, ŋkāa aleghə̂əŋ ghəa è li zo e lô aleghəŋlo wàazùghù ù lì ghə̂əŋ ghəa e biigh zo.

Lumà 15:7

E fi lò enyəa, e kpeeniī nlò ghue zɛʼɛ zo aŋghəa Kə̀lestò fə̀ kpenî ghɛ a te, to enyəa ghî ghə̀ e fughuu kɔʼso mò â Zə̀ kò.