Lumà 14:2 - To kə Kəzə̀ kə̀ Fughu ko

² Ghî a li a lo nû ghe boō tsughu enyəa to ghe zə ufʉgha u dzə̀m, ghî a li yia a lo kwo enyəa ghe ki ko alenuum təla ko tuūwfʉgha wo bòʼ enyəa ghe tɔ̀ʼ tì yo am boo e ghee â Zə̀ kò.

Lumà 14:2 Iomraidhean Croise

Lumà 14:1

Boo tsughu nlǒ waazə̂ ghɛʼɛ ghəla fə̂ŋ tə ghee naām noʼn kaŋlo aŋ ghəa a Kəzə̀ ghe lo am bvʉa zɛʼɛ̄, kǎ nlò è kuuwn baaŋ fom to ghɛ̀ à ghee mɔ̀ɔ ndùw fəgha kə̀là ghe moʼo ghè kò.

Lumà 14:14

Ŋ̀ kwo nû aŋghəa Ǹ lô fəgha ko kə mɔ̀ʼ ghàʼ à Mughu ù te Yɛso enyəa fʉghazəa ù li yo dzə̂ u dzɔ̂ɔ yo â ghì ghò alezəa. Abugho ghùw ù li kuuwn moʼnlò enyəa fʉghazəa u te u dzɔ̂ɔ yo alezə, a fi lo enyəa e dzɔ̂ɔ yò â wə̄n alezəa fʉghazəa u te wo.

Lumà 14:20

E kwo ko fəgha kəla ghɛ̀ zəa kə lô so e boon màʼn fwàʼ kə Kəzə̀ kò. Ghɛ̀ lo nû alezə ufʉgha u dzə̀m, e kǔuwn boo ko alezə fəgha kəla kə lo aleghəŋlo enyəa ghùw u lì bvʉ̀ aleghəŋlo èbo.

Lumà 15:1

Sɛ̀ ghəla sɛ tɔ̂ʼ ti am boo e sɛ̀, a ki alezuūwkɛlɛ tsughu ghî ghəla ghe tɔ̂ʼ ti yo am boo e ghee. A ka ki ko yo aleghəŋlo enyəa fə̂ŋ tə sɛ̀ tə e duʼnlo.

1 Kòlentìan 10:25

E pfʉa nyòm zən e dzə̀m ghe fênlo an tia e nyôm mò ghù kà ghəa gho am fə̂ŋ zəghà bvʉ̀nlo, ghəa a te a lô fəmso fə̀ŋ zə̀ghà.

1 Kòlentìan 8:9

Kuuwn nǐi kɔʼ ko nlò ghôom zò enyəa aŋghəa ghɛ̀ lo alendzə̀əm zə fʉgha wən wo ŋkāa ghɛ̀ ndzə̂əm tue alezə, enyəa e lô doʼn fàŋa ko â ghì ghəla ghe ki yô fə̂ŋ tò.

1 Kòlentìan 9:22

Abugho Ǹ lo ghàʼ à ghê ghî lɛɛ ghəla ghe ki you fə̂ŋ tò, mùghò n dòʼò ndùw sùghò tǒ ù ghee, enyəa to M̀ ghəŋlo ghe boō fughu â Kə̀lestò. Mùghò m bùghò dòʼò fʉgha wən ù dzəm â ghì ghən à dzəm, enyəa Ŋ̀ kəŋo tsughu tədziī tə dzə̀m alebəghaasə ghee à li gho a te.

Gàlashìan 2:12

Tɔŋlo enyəa Pità fə̀ zəa dzəəŋ tsəgha ghèe ghê Tòʼò zò, a m bùghò ù kòʼ kɔʼ ghî yia Dzɛ̂ms tum wo, ù ŋ kaʼ aletiī zəghàa Etòʼò; ù màʼa fə̀ tsəŋō ghî ghəla ghe fə̀ ləghaa enyəa mò ghùw ù nughùnùghù so e boo fughu â Zə̀ kò, ghe n tèlè sugho tsughu tigh kə wə̄n.

1 Timotì 4:4

Tɔŋlo enyəa fʉgha wən u dzə̀m Zə̀ kə̀ gbə̂n wo, u dzɔ̂ɔ nù; kə̀ li kə yo a te a lo aletuū maʼà, abugho ghùw nìi nduw dzə mò ù m fughu kɔʼ zɔ̀ɔŋ â Zə̀ kò.

Taetùs 1:15

Ghî ghə̀là ghe ki fə̂ŋ tə̀ zɔlɔ to, ghəa ghə̀n à dzə̀m zɔ̀lɔ nù â ghee. Yia a bughò ghəla ghe fwəlà luʼū to, boom fughuu ndùw sùghò yò, aghəa a dzə̀m â ghee lo à dzəa gho; tɔŋlo enyəa moʼnlò e ghee e bûʼ fwə̀n lò sugho nû, àsùghò fə̀ŋ tə ghee to.

Hibùlù 13:9

E kwo ndə̀mà tə etsʉ̀ tə̀ fughu tə̀ li tə lô bughò sêe nughùun tsughuu ghɛ an dziī è tsəghatsəgha. À lò ghəa è dzûŋ zò abugho fə̀ŋ e ghùw nɛɛ̄ tsughu mò à lò dzɔ̀ e Kəzə̀, mò à yo dzə̂ aŋ ghəa à naŋlo a lwàŋ u ghəa a ufʉ̀ghàzəa, mo lwâŋ wən yòso yò ghee aŋ ghəa è li zo.

Hibùlù 9:10

Ghəa ghən a dzə̀m ghe ghənlo, ghe ghəəŋ ndùw ko bòʼ dzughu è zəa zo àsùghò fʉgha ù mʉa wo, àsùghò ghəa à fughuu â ghûw ghò â mùghù ŋ Kə̀zə̀ mò. Wən lò ko lwâŋ wəla u yo dzə alekuuwn fə̀ŋ è ghùw, mo lwâŋ u te u fə̀ fwaʼ bugho kum tsughu ko an nəgha zəla Zə̀ kə fə̀ ghəəŋ tsughu enyəa aghəa a dzə̀m dòʼò à fughu gho.