Lumà 13:8 - To kə Kəzə̀ kə̀ Fughu ko

⁸ Ghɛ̀ ka e kele dzə ghùw u lì â ndàŋ kò. Ndàŋ kəla ghɛ̀ ki ko alekele mîaa ko enyəa ghɛ̀ è ləghaa ghue zɛʼɛ zo; tɔŋlo enyəa ghùw wəla ù ləghaa dzə̂ ghî ghò fi lueso kə̀làŋ.

Lumà 13:8 Iomraidhean Croise

Matìo 7:12

À fi lo enyəa, ghəa ghə̀là ghù ləghaa enyəa ghî ghə̀ è ghəəŋ wo â ghù, e bɔɔm ghəəŋ nduw sugho ŋgòʼ è ghəa a te gho â ghì ghò. Kən lò fəgha kəla kə lo an laŋ kə Musî àsùghò fəgha kəla mwàʼsò kə Kəzə̀ kəla ghiīshʉ̀ghà a fə̀ tɔ naŋa tsughu.”

Dzɔ̌n 13:34

Lâŋ kə̀ fughu kə̀là M̀ fughu wo â ghɛ̀ lò enyəa, ‘E dèe ləgha zo aŋ ghue zɛʼɛ̄ tò aŋghəa Ǹ ləghaa ghɛ a te. Chìa ki aleləghā sugho wàazə̀.’

Lumà 13:10

Abugho ghùw ləghaa dzə ghùw wəla ù lo am bùghu e wə̄n, ù kòom yò aleghəəŋ ghùw ù te â bo zo. E fi lo enyəa, aledè èləgha â ghùw, à lò alelueso ulwàŋ u dzə̀m.

Lumà 13:7

Ghɛ̀ e fughuu nduw fəgha kəla ghɛ̀ ki alefughu tsəghà ndûw â ghee: mò à lǒ mwàʼsò kə̀ chuuw ko, ghɛ̀ n chùw è nduw, chuuw ndùw sùghò chuw tɛʼɛ, ghɛ̀ m fughuu ndùw kɔʼso məla m kpe â ghee.

Gàlashìan 5:14

Tɔŋlo enyəa lwâŋ u Musî wə̀n u dzə̀m ghe n nì kwu kɔlɔ kɔʼ alo kəlàŋ kə mɔ̀ʼ mo kə dzɛ̂ enyəa “Ləgha wàazùghù tò aŋghəa ghù ləghaa ghue wʉ̀a wò a te.”

Kòloshìan 3:14

Ghəa è səŋò zò aŋ ghəa ghən à dzə̀m lò enyəa ghɛ̀ a dzə̀m è ləghaa nduw ghue zɛʼɛ zo, tɔŋlo enyəa abugho ghɛ̀ ləghaa ghue zo ghɛ̌ fi lo kəfəgha ko kə mɔ̀ʼ.

1 Timotì 1:5

Ghəa è səŋò zəla M̀ fughuu wô ghû â làŋ kən ko lo enyəa to kə mô lò aleghəŋlo ghî a Kə̀lestò ghə̀ e ləghaa ghue ghee zo; ŋgòʼ è ləgha zəla e səā wo am fə̂ŋ è zɔ̀lɔ, à mòʼnlò è dzuŋ zò, Abugho ghe ləghaa ghue e ghee zo enyə, e fi dêe nù enyəa ghe ŋ kùm bǒo fughu â Kə̀lestò.

Dzɛ̂ms 2:8

Abugho ghɛ̀ kûu naaŋ lâŋ kə fɔ̀e u Kəzə̀ wò, aŋghəa mwàʼsò kə Kə̀zə̀ kə̀ dêe tsughu enyəa, “Ghù ki aleləghāa wàazùghù aŋ ghəa ghəla ghù ləghaa ghue wʉ̀a wò a te.”

1 Dzɔ̌n 3:10

Zən lǒ ghəa zəla è dêe tsughuu enyəa wɛ a Kəzə̀ à lo nəŋo nəŋ a zəŋò wɛ a Satàn ghò: enyəa ghùw wəla ù ghə̂əŋ yò ghəa zəla e lô tsəghatsəgha, vʉ̀a ù ləghaa sughò yo wàazə̀, ù fi yo dzè wɛ u Kə̀zə̀.