Lumà 13:13 - To kə Kəzə̀ kə̀ Fughu ko

¹³ To sɛ̀ mô nyòʼn ghəəŋ ndùw aghəa tò ghî ghəla ghe mughu an tsə̂, mò à yò dzə̂ alo kələ̄m. Sɛ̀ ki dzə yo alendùw an lùʼu təla ghe mʉa kala lʉ̀ mò a te, ghəəŋ sùghò ghəa à nuūŋ gho fughu, ŋkāa ki sugho yo alemughu dzə̀adzə̀ kə emùghù ko, ŋkāa alebwiī baā kaaŋ tsəgha ghəa gho, ŋkāa aleki mʉ̌ʉn ko.

Lumà 13:13 Iomraidhean Croise

Lûk 1:6

Ghe m mughu tsəgha an làŋ kə Kəzə̀, lò tsəghatsəgha an sə kə Kəzə̀.

Lûk 16:19

Ghùw ù kǔu ù lì fə̀ lo nû mò ù ghue u laa tsə̀ghà ko an dàla tə̀ səŋò tò, à fə̀ghà mə̀ ŋ̀ghùe n nyə̀ghaan mò tò kədə̀ŋ; ù n zəa zēe tsə̀ghà wə̄n â fə̀ghà n dzûŋ mò nəgha tən tə dzə̀m.

Lûk 21:34

“Nǐ nlò ghôom zò, e kwo ghɛ̀ lô laʼsò doʼn nduw a bàâ dzughu è zəa zo ŋkāa ghɛ̀ doʼo nduw mgbə̀ŋ wò a bàâ fʉgha ù mʉa wo àsùghò a bàâ fʉgha u mbī wo, e kwo tsuʼ u te u lô vûuŋ kpeē wo mò ghɛ̀ kâ ghue e ndzûŋlò, ghɛ̀ lô nîi an tsāʼ.

Kə̀fwàʼ 2:15

Ǹ so Ŋ̀ kûu dzâa wô â ghɛ̀ enyəa ghî ghən kala dzə̀ yò aŋghəa ghɛ̀ moʼō.

1 Kòlentìan 3:3

Tɔŋlo enyəa ghɛ̀ naam mùghù ko làŋà kə e mùghù kə ghì a mbī gho. Abugho ghɛ̀ mʉʉ̄n ghue zɛʼɛ zo, buu kəŋgè alo eghùe e fi mgbaŋa dèe ko enyəa ghɛ̀ lo ghî a mbī gho, ghɛ̀ yia ghəə̄ŋ sughò ghəa ghəla ghî a mbī a ghəə̄ŋ kaŋlo.

Gàlashìan 5:19

Ghəa ghəla ghue u ghûw ù ghɛ̂nlo aleghəŋlo lo an ndɛ: ghəa a te a lo; alesəā ndzāŋ, ghəa à nyəə̄ŋ kaaŋ ghə eghùe gho, dzə̀adzə̀ tə aghəa, aleŋaŋa koʼo ghue zo,

Gàlashìan 5:21

sə à səa gho am fʉgha u aghì, lʉ̀ m mʉ̀aa kala mò, dzweŋe ù biigh wo. Àsùghò ghəa à biigh à li gho. M̀ maa ghɛ bùʼ kwɛ̀ɛn dzə̀ tò aŋghəa Ǹ naām kwɛ̂ɛn wô ko sughò ghɛ êzə̄ŋ, enyəa ghùw wəla ù mùghu ŋgòʼ è mùghù zən zo yǒ tò ù e zə fɔ̂e u Kəzə̀.

Efɛsùs 4:1

Bòʼ ghəa ghə̀n a dzə̀m Zə̀ kə̀ lo mo kə ghəŋlo â ghɛ̀, zən lò e ghee, mùghò wəla Ǹ lô fɛ an ndùghùtsāʼ bòʼ M̀ fwaʼà â Mughu ù te, M̀ buʼū wô ghu ko â ghɛ̀ enyəa ghɛ̀ è mughu mughù zəla ghî a Kəzə̀ ki alemùghù ghè zò, zəla Zə̀ kə fə̀ tɔŋɔ ghɛ a te.

Efɛsùs 4:17

Tɔ̀ʼɔ naŋa wò nlò tuūŋ ko an tsʉ̀ zəla Ǹ tsʉ̂a wô ghɛ fɛ a te an daʼa kə Mughu u te, enyəa, ghɛ̀ ka kôom mùghù dzə̀ ŋgòʼ è mùghù zəla Toʼò e mughu ghè zo, nu ghe moʼn təla ko ghəa ghəla a kwuū yô ghəa zo.

Efɛsùs 5:15

E fi lo enyəa ghùw kǐ aletɔʼɔ̄ naŋso tsughuu ghuw kə egbìi kə wə̄n ko, kà è tsôo bwiī ko nlò tò ndzəŋso tə aghì, e kuuwn bwiī nlo tò ghî à tɔɔ gho.

Efɛsùs 5:18

Ka nlò è mʉa kala sugho lʉ̀ mò, tɔŋlo enyəa lʉ̀ ŋ ghəəŋ nù ghùw ŋ ghə̂əŋ ghəa à kwu gho. E zəghaan tsughu nlò Zuʼ tə̀ Zɔlɔ to tə n dêe ndùw ghɛ̀ â dzì.

Efɛsùs 5:8

tɔŋlo enyəa ghuūghùe zɛʼɛ̄ e fə̀ buʼū lo tsəgha alo kələ̄m, ghɛ̀ yia lo mò ghɛ̀ n sə teme wò an tsə̂ êzəŋ aŋghəa ghɛ̀ à ghê Mughu ù te lô fəgha ko kə mɔ̀ʼ. E ghəəŋ nduw nlò ghəa ghɛʼɛ gho tò ghî ghəla ghe lo mo ghe n sə tēe wò an tsə̂.

Fèlepìan 1:27

Ghəa è səŋò zə èzəŋ e lo ko enyəa, ŋgòʼ è dzì zəla ghɛ̀ mughu a te ki alelo fəgha kəla làbəlà è dzùŋ è Kə̀lestò dzâa ghè kò, enyəa abugho M̀ bùghò kôʼ ko ghɛ ŋkāa M̀ bûʼ buw ko alebùghò kòʼ ghɛ̀, mùghò è ke lo alezuūw wo enyəa ghɛ̀ kûum tì nû alo kəfəgha kə mɔ̀ʼ, àsùghò enyəa am fə̂ŋ e mɔ̀ʼ, ghɛ̀ è dəma alekwuū kelè boo zəla ghɛ̀ zoʼn kɔʼ an làbəlà è dzùŋ è te.

Fèlepìan 2:3

Kà nlò è ghəəŋ dzə ghəa gho mò ghɛ̀ moʼn tə̀la kô ghue zɛʼɛ, ŋkāa aŋ ghùe è deē zo. E koʼō nduw nlò ghî à li gho tò ghî ghəla ghe tsəghà sə ghɛ.

Kòloshìan 1:10

Ghàʼ yia gɔ̂ɔŋ sugho enyea ghɛ̀ è mughu mùghù zəla e kɔʼso Mughu ù te, mughù zəla e ghəŋlo Mughu ù te n tsoʼnlo, ghɛ̀ e ghəəŋ ghəa à dzûŋ ghə̀n a dzə̀m, ghɛ̀ ke biso bugho kele tsughu Zə̀ kò, ghɛ̀ tsəgha taʼa.

Kòloshìan 3:5

Ghɛ̌ fi ki aleŋgəmso kûm tuū maʼà ghəa a mbī ghəla gwən e ughùe è ləghaa, ghəa a te a lo tǒ; ghəa à nuūŋ kaaŋ ghə eghùe ghò, àsùghò aleghəəŋ dzə̀adzə̀ tə aghəa to, àsùghò alemōʼn təla ko aleghəŋlo èbo, àsùghò enyəa ghue u ka e nughuun ghû abugho ghù kòʼ nduw wìzən ŋkāa wìnû, àsùghò alesəa â sə gho am fʉgha u mbī wo, mò à fi lo sugho tǒ zʉ̀ ù li wo ghî a kɔʼso.

1 Tɛ̀sàlonìan 2:12

enyəa ghɛ̀ è mughu tsughu mughù zəla Zə̀ kə̀ ləghaa ghè zò. Ù lǒ Zə̀ kəla kə mò tɔŋɔ̄ nyə wô ghɛ am fɔ̀e u wə̄n, àsùghò an səghanyəgha ŋ wə̄n.

1 Tɛ̀sàlonìan 4:12

tò enyəa ghî ghəla ghe tâʼkè boō fughu â Kə̀lestò lo e fughuu ghɛ â kɔʼso mò. Ghɛ̀ è mughu aŋ ŋgə̄ŋ zɛʼɛ̄, mò ghɛ̀ bvʉa yo fəgha ko â ghùw ù lì.

1 Tɛ̀sàlonìan 5:17

E gɔ̄ŋlō nlò nə̀ghā tən tə̀ dzə̀m.

Dzɛ̂ms 4:5

Ghɛ̀ moʼò èndughō an shwaʼ wəla ghe tɔm naŋa am Mwàʼsò kə Kəzə̀ enyəa, “Zə̀ kə̀ kûm ləghaa nù Zuʼ tə̀là Ù lǒ mò Ù m fughu â sɛ̀ à.” À lǒ mò shwaʼ wən lo agha a?

1 Dzɔ̌n 2:6

Ghî ghəla ghe dzɛ̂ enyəa ghe lo alo kəfəgha kə mɔ̀ʼ ghèe ghê Zə̀ kò kì alebɔɔ̄m bwii ko aŋ ghùw kə ebwìi kè Yɛso Kə̀lestò.

2 Dzɔ̌n 1:4

Mùghò mo ŋge duʼn nû aŋghəa mùgho mò bughò kôʼ wǒ wɛ ghə̂a a li ghò mo ghe mughu ko alo êsəŋò aŋghəa Tsele ù sɛ̀, Kə̀zə̀ mò dzɛ̂ naŋā â sɛ̀.

Dzûd 1:23

ghɛ̀ è bəghasəa wo à li gho aŋghəa ghɛ̀ bɛlɛbəghaa səa wo ghee aŋ uwə̀n, à li gho ghɛ̀ e deē nduw ghee â se è kwuso zo, ghəəŋ sùghò enyəa ghe e tsəŋo nduw Zə̀ kò — ghɛ̀ ki alenyaŋa ndzʉ tə ghee to, mo ghəa a ghee a biigh ghəla gwən e ughùe e ghee ləghaa enyəa ghe e ghəŋlo n dzəso naŋa.