Lumà 13:12 - To kə Kəzə̀ kə̀ Fughu ko

¹² A êzəŋ e lo ko tò â lə̌əmlə̌əm tə utsuʼ to, a tsûuŋ tsùghuu ko enyə, tsuʼ u zuūw nyəa wò nù. To sɛ̀ mô bughū naŋa aleghəəŋ ghəa gho a tsəla kələ̄m, sɛ̀ nîi kɔʼ mughù e zɔlɔ zo tǒ ndzʉ tə tsam sɛ̀ dzəlà kele a zəŋo e ughùe.

Lumà 13:12 Iomraidhean Croise

Lumà 13:14

Ghɛ̀ dzəla kele tsughu Mughu ù te Yɛso Kə̀lestò a zəŋò ghɛ̀ tò təndzʉ, àsùghò enyəa e kwo ko ghɛ̀ lô naāŋ tuw ko aŋ ghəa ghəla gwən e ughùe e zɛʼɛ e ləghaa enyəa ghɛ̀ e ghəŋlo.

1 Kòlentìan 10:11

Êzə̄ŋ, ghəa ghən fə̀ fɛ a zəŋò ghee sə kɔʼ tǒ ekʉ̂ɛnlò â ghì ghò a dzə̀m, ghe ŋ kuūwn tɔ̄m naŋa tsughu enyəa à dòʼò tsughu etsʉ̂ â sɛ̀ an tì kən êzə̄ŋ a mbī so e bughò mîaa.

1 Kòlentìan 7:29

Waazə̂ ghaŋa gho, fəgha kəla Ǹ dzâa wo lò enyəa nəgha zə ŋ kəmto â sɛ̀ fɛ am mbī; alenìi nughù tsughu êzə̄ŋ, ghî ghəla ghe nîi ghue zo mughùu tsughu tò ghî ghəla ghe nîi yo.

2 Kòlentìan 10:4

Fʉgha u tsam u sɛ̀ ù yo dzə tò u ghì a mbī wo, u kuuwn ki daʼa kə Kəzə̀ aletəma sâʼ luʼū təla ghîikətuw a sɛ̀ à bəgha doʼò kaŋlo a te.

2 Kòlentìan 6:7

Ghàʼ yia dzaā èsəŋò, fwàʼà ndùw àghəa an daʼa kəla Zə̀ kə̀ fughu â ghàʼ. Ghəa a tsəghatsəgha ghəla ghàʼ ghəə̄ŋ nduw ghè ghò, à lò fʉgha u tsam waʼa wəla ghàʼ ki aŋ kwè ù təma wo àsùghò alô ù kwû wò.

Efɛsùs 4:22

Zə̀gha màʼa nlò mughù è wii zəla ghɛ̀ mò bûʼ mughù tsəgha ghè zò, mughù e te e mò seē məŋso ghɛ, ghɛ̀ ŋ ghə̂əŋ ghəa ghəla a wiīn ghɛ alo fətsə̀tèʼè.

Efɛsùs 5:11

Kà nlò ghu kò e nyəso aŋ ghəa e kə lə̄m è li zo, tɔŋlo enyəa ghəa a tè a ki dzə yo namso kə̀ li ko. E kuuwn niī deē fughuu səa wo ghəa a te gho an ndɛ to ghî ghə̀ e koʼō.

Efɛsùs 5:8

tɔŋlo enyəa ghuūghùe zɛʼɛ̄ e fə̀ buʼū lo tsəgha alo kələ̄m, ghɛ̀ yia lo mò ghɛ̀ n sə teme wò an tsə̂ êzəŋ aŋghəa ghɛ̀ à ghê Mughu ù te lô fəgha ko kə mɔ̀ʼ. E ghəəŋ nduw nlò ghəa ghɛʼɛ gho tò ghî ghəla ghe lo mo ghe n sə tēe wò an tsə̂.

Hibùlù 10:25

E kwo ko sɛ̀ lǒ zəghàan maʼn mwam zəla sɛ̀ ki enyəa a e bugho təmadzəŋlo, aŋghəa ghî à li a ghəŋlo, sɛ̀ è toon nduw ghue zo aŋghəa Tsuʼ fəla Mughu ù te lo bughoo a te tsoo fəghaan suū wô sugho.

Hibùlù 12:1

Ghəa e lo enyəa sɛ̀ ki nu ndə̀mà tə aghì tò ghe taʼ sɛ̀ à ghee, bùghò nlò sɛ̀ zəghà maʼà ghəa ghəla a sêe wo sɛ̀ ebàm àsùghò ghəa biigh ghəla a tughuu doʼn wo a zəŋò sɛ̀, a kaā tsughu ezə alenyəŋ nyəŋ kəla kə lo â sɛ̀ â sə ko.

Dzɛ̂ms 1:21

À fi lo enyəa ghɛ̀ ki alezə̀ghàa maʼà dzə̀adzə̀ tə bòobò tə aghəa tɛʼɛ̄ tə te to, ghɛ̀ ni ŋgɔɔm naŋa wo shwaʼ wəla Zə̀ kə̀ dzə̂n naŋā am fə̀ŋ tɛʼɛ, mo u ki kədaʼa alebəghaasə ghɛ.

Dzɛ̂ms 5:8

Ghɛ̀ kɔlɔ tsughu ko nlò fə̂ŋ tò, ghɛ̀ ka tsughu zə zo, nu nəgha e Mughu ù te è bughoo zə n su.

1 Pità 2:1

Ghəa e lô enyəa Zə̀ kə m fughu ghɛ â mùghù è fughu zo, e fi lo enyəa, ghɛ̀ kuwnlo nlò fə̀ŋ tɛʼɛ tə̀ biigh to, ghɛ̀ maʼa ghəa a kə̀bàŋàdzə̀m ghò, gha à kaʼn gho, kə̀mʉ̀nlo, ghɛ̀ maʼa sugho nùʼ tò.

1 Pità 4:7

Nəgha e fɛ êzəŋ e kpee wò nù â ghəa gho a dzə̀m alebùghò mîaa. E fi lo enyəa ghɛ̀ tee kɔʼ nlò alo efwee, ghɛ̀ naŋso tsughu ghuw kə ebwìi kɛʼɛ ko, tò ghɛ̀ è ki sə̂ŋ zò alegɔ̀ŋlò.

2 Pità 3:11

Ghəa e lô enyəa ghe lô fʉgha wə̀n ù dzə̀m dzûuw màʼnlò an dziī zə, e fi lo enyəa ghɛ̀ ki alemùghù mùghù è zɔlɔ zəla Zə̀ kə̀ ləghaa,

2 Pità 3:9

E kuuwn lò enyəa, Mughu ù te lɛso dzə̀ yo alelueso to kə wə̄n tò aŋghəa ghî à li a môʼnlo. Ù ləghaa yo enyəa to ghùw mò kwəlà sâŋlò. Ù kuuwn ləghaa enyəa to ghî à mô maʼà bòo tə ghee, ghe tiī kuwnlo.

1 Dzɔ̌n 2:18

Wɛ ghaŋā gho, nəgha e te zə m kpe aŋghəa ghe mò dzɛ̂ naŋā â ghɛ̀ enyəa ghùwkə̀tuw ù Kə̀lestò lo bùghò nù, alebùʼù nì tsughu ko ezəŋ ndə̀m è ghee m bùghò. Zən lô dzì zəla a kele a te enyəa nəgha zəla mbī so e bughò mîa a te, zə m kpe.

Edêe Fughu 1:3

Dzɔ̀ lǒ ghuw wəla ù tɔɔ̄ŋ səā kɔʼɔ̄ shwaʼ u ushʉ̀ghà wə̄n wo, dzɔ̀ lò sugho â ghî ghəla ghe zuw tɔ shwaʼ u te wo, yìa à lò sugho dzɔ̀ â ghì ghəla ghe zuw shwaʼ u te wo bwìi ndùw an dzə̂ e ghə̀a ghəla ghe tɔm naŋā am mwàʼsò kən; tɔŋlo enyəa nəgha zə n sū â ghəa a te gho alenì kə̀bəla.

Edêe Fughu 22:10

Zə̀ n dzɛ̀ â mùgho enyəa, “E kwo ko ghù lo nalà naāŋ ghəa a ushʉghà ghəla ghe tɔm naŋa fɛ am mwàʼsò kən, tɔŋlo enyəa nəgha zə n sū â ghəa ghən gho alenì kəbəla.