Lumà 13:11 - To kə Kəzə̀ kə̀ Fughu ko

¹¹ È li zəa e lô sugho enyəa, ghɛ̀ kwo nû nəgha zəla e lo ghè zò êzə̄ŋ, nəgha zə m kpe êzə̄ŋ â ghɛ̀ alezòo nughu kɔʼ alo təmgbii. Tɔŋlo enyəa nəgha zəla sɛ̀ ki alezə kətuw a te mô êzəŋ e su, tsə̀ghàtàʼà aŋghəa a fə̀ kuʼù boo fughu tsughu a te â Zə̀ kò.

Lumà 13:11 Iomraidhean Croise

Matìo 16:3

À m bùghò à lǒ â gbə̀làgbə̀là tò, ghɛ̀ mo enyəa, ‘Fɛ̀ɛn kə eghuuw kə sô tsùghuu nù nɛ, aŋghəa wala kə sô baŋa ləŋo ndûw nû.’ Ghɛ̀ kwo nû aletɔɔŋ kelê fəgha kəla tsə̌a tə kəwala tə deē, kuuwn yò aleteso dzɛ̂ ghəa ghəla a səa an tì kən.

Lûk 21:28

Abugho ghəa ghən kê kaʼ tsughu êzə̄ŋ alenì kə̀bəla, ghɛ̀ ke nughu tēe wo ebàm alo tətsə̀n, nu ghe kê fi so e kuʼù bəghā sə ghɛ.

1 Kòlentìan 10:11

Êzə̄ŋ, ghəa ghən fə̀ fɛ a zəŋò ghee sə kɔʼ tǒ ekʉ̂ɛnlò â ghì ghò a dzə̀m, ghe ŋ kuūwn tɔ̄m naŋa tsughu enyəa à dòʼò tsughu etsʉ̂ â sɛ̀ an tì kən êzə̄ŋ a mbī so e bughò mîaa.

1 Kòlentìan 15:34

Kwən nyə̀ wò nlò an tɔ wɛʼɛ ù səŋò wò, ghɛ̀ ka ghəa à biigh a kôom ghə̌əŋ sùghò. Ghɛ̀ â li a kwo dzə yo Zə kò. Ŋ̀ ghəa ghən â ghɛ̀ kə̂aa wò enyəa Ǹ dənsò tsughu tuw kɛʼɛ̄.

Efɛsùs 5:14

Zə̀ lò e ghee ghe dzâa tsughuu enyəa, “Hɛɛ mugho fə̀ŋo tə̀mgbii, zôo nùghu kɔʼ alo evʉ̄, ghù tee kɔʼ alò fwē, tò Kə̀lestò lo ghəŋlo tsə̀ e wən e tughuu a zɔŋɔ ghù.”

Dzɛ̂ms 5:8

Ghɛ̀ kɔlɔ tsughu ko nlò fə̂ŋ tò, ghɛ̀ ka tsughu zə zo, nu nəgha e Mughu ù te è bughoo zə n su.

1 Pità 4:7

Nəgha e fɛ êzəŋ e kpee wò nù â ghəa gho a dzə̀m alebùghò mîaa. E fi lo enyəa ghɛ̀ tee kɔʼ nlò alo efwee, ghɛ̀ naŋso tsughu ghuw kə ebwìi kɛʼɛ ko, tò ghɛ̀ è ki sə̂ŋ zò alegɔ̀ŋlò.

2 Pità 3:11

Ghəa e lô enyəa ghe lô fʉgha wə̀n ù dzə̀m dzûuw màʼnlò an dziī zə, e fi lo enyəa ghɛ̀ ki alemùghù mùghù è zɔlɔ zəla Zə̀ kə̀ ləghaa,

2 Pità 3:9

E kuuwn lò enyəa, Mughu ù te lɛso dzə̀ yo alelueso to kə wə̄n tò aŋghəa ghî à li a môʼnlo. Ù ləghaa yo enyəa to ghùw mò kwəlà sâŋlò. Ù kuuwn ləghaa enyəa to ghî à mô maʼà bòo tə ghee, ghe tiī kuwnlo.

1 Dzɔ̌n 2:18

Wɛ ghaŋā gho, nəgha e te zə m kpe aŋghəa ghe mò dzɛ̂ naŋā â ghɛ̀ enyəa ghùwkə̀tuw ù Kə̀lestò lo bùghò nù, alebùʼù nì tsughu ko ezəŋ ndə̀m è ghee m bùghò. Zən lô dzì zəla a kele a te enyəa nəgha zəla mbī so e bughò mîa a te, zə m kpe.

Edêe Fughu 1:3

Dzɔ̀ lǒ ghuw wəla ù tɔɔ̄ŋ səā kɔʼɔ̄ shwaʼ u ushʉ̀ghà wə̄n wo, dzɔ̀ lò sugho â ghî ghəla ghe zuw tɔ shwaʼ u te wo, yìa à lò sugho dzɔ̀ â ghì ghəla ghe zuw shwaʼ u te wo bwìi ndùw an dzə̂ e ghə̀a ghəla ghe tɔm naŋā am mwàʼsò kən; tɔŋlo enyəa nəgha zə n sū â ghəa a te gho alenì kə̀bəla.

Edêe Fughu 22:10

Zə̀ n dzɛ̀ â mùgho enyəa, “E kwo ko ghù lo nalà naāŋ ghəa a ushʉghà ghəla ghe tɔm naŋa fɛ am mwàʼsò kən, tɔŋlo enyəa nəgha zə n sū â ghəa ghən gho alenì kəbəla.

Edêe Fughu 22:12

Yɛso n dzɛ̀ wò enyəa, “Kòʼô! Ŋ̀ kuʼù bùghò nu â namso kaŋā ko alebùghò tsə aghî am fwaʼ kəla ghe lo mo ghee m fwàʼ.

Edêe Fughu 22:20

Wə̄n wəla ù tèso dzâa wô ghəa ghən gho dzɛ̀ enyəa “Kùmkùm Ǹ lo kuʼù bùghòo nù.” Zə e lo ko êzə̀. Bùgho a Mùghùbè Yɛso!