Lumà 12:9 - To kə Kəzə̀ kə̀ Fughu ko

⁹ E kuūm deē nduw nlò ləgha zo â ghì ghò. E baā nlò ghəa ghəla a dzɔ̂ɔ yo, tughu ndùw aleghəəŋ ghəa à dzûŋ ghò.

Lumà 12:9 Iomraidhean Croise

Matìo 26:49

Dzudàs n daŋso tiso ndùw ko ùghue an sə Yɛso, â wə̀n à, “Yìa n tɔɔŋ ghû a Wàdè!” Ù n daŋso maaŋ kele ndùw wə̄n.

Dzɔ̌n 12:6

Ù ka fə ghəa ghən kə̂a tsughu dzə̀ bòʼ ù fə̀ ŋgeē ləghaa aleyòsò ghì à laa gho, ù fə̀ êzə kəa tsughu bòʼ ù fə̀ lo ghùwtsɔ̀ŋɔ, à n naaŋ tsə̀ghà sùghò wə̄n kə̌aa kə kua u kədzeŋe u ghee wo, ù n tsoo nyɛʼɛ nìi sə̌aa tsə̀ghà sùghò ùkua a te.

Kə̀fwàʼ 11:23

A m bùghò ù bùghò kôʼ tsughu enyəa Zə̀ kə̀ mò ti an tuw kə ghee, ù mo èduʼnlo, fəghaan tɔ̀ʼ tsʉ̀ tsùghu ghee enyəa ghe nəghāa kɔʼ fənyə aŋ ghəa e Mughu ù te, ghe teē təla tsughu a te am fə̂ŋ è ghee e dzə̀m;

2 Kòlentìan 6:6

Ghǎʼ yia dê tsughu enyəa ghàʼ zɔlɔ nù, dè sùghò enyəa ghàʼ tɔɔ nù, dè sùghò ghue zəla ghàʼ maʼà tsughu, dè sùghò dzɔ̂ zaʼa, Shʉghà ù Kəzə̀ vʉa u lo a zəŋò, ghǎʼ yia ləghaa ghî ghò am fə̂ŋ zaʼa e dzə̀m,

2 Kòlentìan 8:8

Ŋ̀ ghəa ghə̀n â ghɛ̀ kə̂aa wò dzə̀ yò tò M̀ fughuu wò kə̀làŋ. Ǹ dêe wò aŋghəa dzweŋe u ghì a Kəzə̀ ù li ghən ki ghɛ̂ zo a te aleyoso ghî gho, alemɔ̀msò kôʼ enyəa ləgha zɛʼɛ e lo nû kùum kə eləgha ko a?

1 Tɛ̀sàlonìan 2:3

Ghàʼ ka fə mə̂ŋ dzə̀ an fəgha kəla a fə̀ dzâa wo â ghɛ̀, ghàʼ ŋ ki sugho yo moʼnlò è biigh zo ŋkāa ghǎʼ fì kəŋo yo dzì è lì aletsè ghɛ̀.

1 Tɛ̀sàlonìan 5:15

Kà nlò è bomlo enyəa ghùw tsə ebo alo ebō. E kuuwn kəŋo ko dzì aleghəŋlo èdzɔ̀ aŋ ghùe zɛʼɛ̄ àsùghò â ghì ghò a dzə̀m.

1 Tɛ̀sàlonìan 5:21

E mɔmso koʼō nduw nlò ghəa ghəla ghe dzɛ̀ a dzə̀m, ghɛ̀ ŋ kuuwn nìi naāŋ wò ko ghəla a lo à dzûŋ ghò.

1 Timotì 1:5

Ghəa è səŋò zəla M̀ fughuu wô ghû â làŋ kən ko lo enyəa to kə mô lò aleghəŋlo ghî a Kə̀lestò ghə̀ e ləghaa ghue ghee zo; ŋgòʼ è ləgha zəla e səā wo am fə̂ŋ è zɔ̀lɔ, à mòʼnlò è dzuŋ zò, Abugho ghe ləghaa ghue e ghee zo enyə, e fi dêe nù enyəa ghe ŋ kùm bǒo fughu â Kə̀lestò.

Hibùlù 1:9

Ghù lə̀ghaa ghəa à tsəghatsəgha gho, bàa ghəa a biigh gho. Zə̀ lo e ghee Kə̀zə̀, tɔ̂ɔŋ Zə̀ kə̀a, kə tsɔʼ kɔʼ ghù enyəa ghu tsəghasə ghî ghəla ghɛ̀ à ghee lo a dzə̀m, tsoʼn zəghà è tsəghàsəa sughò e ghee zo.”

Hibùlù 12:14

Də̀ma tsughu nlò enyəa ghɛ̀ è lo alo ebughunlo ghɛ à ghê ghì ghə̀n à dzə̀m, ghɛ̀ mughuu tsughu sugho mughùu è zɔlɔ zo. Abugho ghùw mùghù yo êzə̀, ù yò alekòʼ Mughu ù te.

Dzɛ̂ms 3:17

Yia a kuūwn bughò tɔ wəla u sə tsughu wo edzūŋ, à kì ghî a Kəzə̀, ghe bûʼ kì dzə fə̂ŋ tə̀ zɔlɔ to, ghe lo ghî ghəla ghe ləghaa enyəa ghəa ghə e lo bughubughu. Ghe lo zʉ̀ tə aghì, mùghù sugho kədzûŋ ghèe ghê ghì ghò, ki se è kwùso zo, fughuu sùghò èyòso â ghì ghò. Ghe m bâa yò kpwiī wo, tsèe sùghò yò ghue e ghee zo aŋ ghəa a ghee à ghəəŋ gho.

1 Pità 1:22

Ghəa e lô êzə̄ŋ enyəa səŋò zəla ghɛ̀ zoʼn kele kɔʼ ghɛ̀ yia bwiī a te ŋ ghɛ̀ sûw màʼà, ghɛ̀ yia ləghaa ghue zɛʼɛ zo tò waazə̂, e kuū ləghaa nlò ghue zɛʼɛ zo am fə̂ŋ è mɔ̀ʼ.

1 Pità 4:8

Ghəa è səŋò zəla e lo ghè zò lò enyəa, e ləghaa nlò ghue zɛʼɛ zo am fə̂ŋ e mɔ̀ʼ, bòʼ kwò enyəa à lò eləgha e tsəla nàlà ndə̀mà tə tə̀bòo tò.