Lumà 12:8 - To kə Kəzə̀ kə̀ Fughu ko

⁸ Abugho fughu kə te kə lo aledzə̀n fə̀ŋ tə aghì, ù ŋ ghəəŋ ndùw êzə̀. Mo fughu kə ghûw kə̀ lo alefughu eyôsò â ghì ghò, ghùw ù m fughuu ndùw aŋ ghùe ù mwaʼā wo. Ghùw wəla ù ki dwaʼa wo alekwuū kele àghì, ù ki alekwuū kele ghee aŋ ghu kə̀ dzûŋ kò. Wə̄n wəla ù ki fughu ko aledè edzɔ̀ â ghì ghò, ù n dêe ndùw dzɔ̀ e te zo aŋ ghùe ù ghɛɛn wo.

Lumà 12:8 Iomraidhean Croise

Matìo 25:40

Də̀ŋ kə te kə lo daŋso bɛlɛ̀ tsughu ghee enyəa, ‘M̀ fɛ kùm dzàa wò nù â ghɛ̀, aŋghəa ghù fə̀ ghəə̄ŋ dzə̄ wàazə̀ waŋa u mɔ̀ʼ â ghəa ghən gho, wəla ù fə̀ tsoō fweēn yô fəgha ko, ghù mǒ fi ghəŋlo â mùghò.’

Kə̀fwàʼ 11:23

A m bùghò ù bùghò kôʼ tsughu enyəa Zə̀ kə̀ mò ti an tuw kə ghee, ù mo èduʼnlo, fəghaan tɔ̀ʼ tsʉ̀ tsùghu ghee enyəa ghe nəghāa kɔʼ fənyə aŋ ghəa e Mughu ù te, ghe teē təla tsughu a te am fə̂ŋ è ghee e dzə̀m;

Kə̀fwàʼ 13:12

A m bùghò gɔvə̀nò kòʼ tsughu ghəa yia a sə kɔʼ, ù m boo fùghù è nduw, tɔŋlo enyəa ghəa ghəla ghe mò zoʼnlō kùu ndùw Mughubè ù te a mò kpuuw wə̄n â tuw ko.

Kə̀fwàʼ 13:15

Ghəa ghe tɔɔ̄ŋ mɛʼɛ̀ tsughu ghəa ghəla ghe nî sə kɔʼ an làŋ kə Musî àsùghò am mwàʼsò u ghì ghǐishʉ̀ghà tuw kə ndùghùne kə n tùm wò tùm è lì â ghee enyəa, “Waazə̂ ghaŋa ghò, ghàʼ mô lə̀ghaa enyəa ghɛ̀ lô kpaʼ ki ghəa zo aletoōn ndûw ghì ghə̀n a te, ghɛ̀ ŋ kə̀a è nduw.”

Kə̀fwàʼ 15:32

Dzudàs ghèe Saelàs, mo ghuūghùe e ghee e lo sugho ghê wàkə̀a, ghe m fəghaan kə̀aa kpèʼe ndùw ndə̀mà tə aghəa tə̀ li to â ghee, dzə̀n kpèʼe ndùw fə̀ŋ tə ghee, dzə̀n ndùw sùghò ghee â sə̀ŋ zò.

Kə̀fwàʼ 20:2

Pôl n bwìi mɛ̀ʼɛ̀ tsùghù dəŋò kə te ko kə dzə̀m mo ù dzə̀là ndùw kô fə̀ŋ tə ghì an dzə̂; daŋso bùghò nùghù nyə̀ ndùw aŋ Gə̀lês,

Kə̀fwàʼ 20:28

Nǐ nlò ghôom zò aŋ ghùe zɛʼɛ̄ àsùghò a zəŋò ghì ghəla Zuʼ tə̀ Zɔlɔ tə fughu naŋā enyəa ghɛ̀ è lɛnlo. Ghɛ̀ è lɛɛn sugho â dzeŋe kə ghì a Kəzə̀ zəla ù fə̀ zue sə wo aŋ kàŋ tə wɛ̀ ù wə̄n.

Kə̀fwàʼ 4:36

Dzùghùsî wən fə̀ sə an tigh kə Lɛvì mò ghe wə̄n dzə an naʼ e Saepə̀lùs, tum tə Kə̀lestò tə n təghàa tsughu zən e wə̄n enyəa à lǒ Bànabàs (mo e môʼn tsùghuu enyəa, Ghù wəla ù dzə̀la fə̂ŋ tə aghì tò),

Lumà 12:13

E teen nduw nlò fʉgha wɛʼɛ wo ghɛ̀ à ghê ghì a Kəzə̀ ghɛʼɛ ghəla ghe ki yo. Ghɛ̀ naŋa tsughu ndughu tɛʼɛ to tughō â ghì ghəla ghe bwîin wo alo ghɛ̀.

Lumà 13:6

Zən lò e ghee ghɛ̀ ki sugho alechuuw ŋgùu kò, tɔŋlo enyəa ghî ghəla ghe saʼā tuw u sɛ̀ wò lò ghî a kəfwàʼ a Kəzə̀, ghe kûu fwàʼà â Zə̀ kò aŋ ghəa ghən.

1 Kòlentìan 12:28

Zə kə fə̀ sûesʉ tsuʼ naŋa kɔʼ tum tə Kə̀lestò esə̄ an dzeŋe kə ghì a Kəzə̀, kə n daŋso tsuʼ naŋa kɔʼ ghiīshʉ̀ghà a Kəzə̀, aŋ ghì a kə̀təgha gho Zə̀ kə n tsuʼ naŋa kɔʼ ghê wàdè, daŋso tsuʼ kɔʼ ghî ghəla ghe deē sə̀ghà mò, daŋso tsuʼ naŋa kɔʼ ghî ghəla ghe baāŋ ghì a dzaŋa gho, kə n tsuʼ naŋa kɔ̀ʼ ghì ghəla ghe kwo alebianlo àghəa aleyoso aghì, tsuʼ tsughu ghiīshʉ̀ghà, tsuʼ tsughu, tsuʼ tsughu ghêe wàdè, tsuʼ tsughu ghî ghəla ghe deē səghàa mò, tsuʼ tsughu ghəla ghe baāŋ ghî ghò, tsuʼ tsughu ghəla ghe yôso, daŋso tsuʼ naŋa kɔ̀ʼ sùghò ghəla ghe saʼā ndə̀m è sàʼà tə tənàʼà tò.

1 Kòlentìan 14:3

Abugho ghùw kuūwn dzâa shʉghà u Kəzə̀ wò, ù dzàa wò â ghì ghò, aletughusō tsughu ghee, dzə̀n tsùghù sùgho ghee â sə̀ŋ zò, tsəmso tsùghù sùghò ghee.

2 Kòlentìan 1:12

Ghàʼ ghue e ghaŋso bòʼ enyəa fə̂ŋ taʼa tə zɔlɔ nù am mùghù zəla ghàʼ mughù fɛ a te am mbī aŋghəa ghàʼ ghəə̄ŋ sughò â ghɛ̀ an dziī è zɔ̀lɔ zəla Zə̀ kə̀ ləghaa, à yò dzə̀ an tɔ u ghì a mbī gho, à lò an daʼa kə dzɔ̀ e Kəzə̀.

2 Kòlentìan 11:3

Ǹ sô fɛ tsəŋo enyəa aŋghəa zughu fə̀ nɔm fughu tsughu Êf, mò zughu è te tɔɔ ko nʉghànʉghà tò ekom, ghe lo sèe mɛ̀ŋso nù tuw wɛʼɛ wo, ghɛ̀ lo ti zəghāa tsughu kùum kə kəfwàʼ kəla ghɛ̀ fwaʼā â Kə̀lestò am fə̂ŋ zɛʼɛ e dzə̀m, mò ghɛ̀ fwaʼà an dziī è zɔ̀lɔ.

2 Kòlentìan 8:12

Tɔŋlo enyəa abugho ghɛ̂ e te e lo, Zə̀ kə̀ fəgha kə̀là ghùw fughu nìi ndùw sùghò am fəgha kəla ghùw ù te ki, à yò dzə̂ am fəgha kə̀là ù ki yo.

2 Kòlentìan 9:11

Kə kê ghə̌əŋ tsughu nù ghɛ̀ è kuu am mwàʼ zəla ghɛ̀ mwaʼā ghè zò, ghì ghə̀ è ke fughuu zɔ̀ɔŋ kò â Zə̀ kò bòʼ fʉgha wɛʼɛ wəla ghàʼ fughu nduw â ghee.

2 Kòlentìan 9:13

Ndə̀mà tə aghì tə̀ e ke fughuu kɔʼso mò â Zə̀ kò mò à lo bòʼ fəgha kəla ghɛ̀ fwâʼ tsughu, aŋghəa ghe zuūw tsughuu Làbəlà è Kə̀lestò è dzùŋ zən, àsùghò am mwàʼ zɛʼɛ alechuuw fughuu nduw ghee â fʉgha wo, chuuw fughuu sùghò ghì à li gho.

2 Kòlentìan 9:7

Chìa kì ko alefughu aŋghəa ù tsə̀m kɔʼ a te am fə̂ŋ è wə̄n, à e yò dzə tò ù sə̀əm nù, ŋkāa to a wən tsəən ndùw nù, tɔŋlo enyəa Zə̀ kə̀ ləghaa ghùw wəla ù fughuu mò ù fùghuu am fə̂ŋ è dzùŋ.

Efɛsùs 6:5

 ghɛ a kɔ̂ wò, e zuuw nduw nlo â ghê mughùbè ghɛʼɛ ghəla ghɛ̀ ki fɛ aŋ ghueekətsə̄, ghɛ̀ e tsəŋo ghee, fughuu sughò ghee â kɔʼso mò, fwàʼà nduw â ghee am fə̂ŋ è zɔ̀lɔ̀ tò ghɛ̀ fwaʼa â Kə̀lestò.

Kòloshìan 3:22

 ghɛ̀ a kɔ̂ wò, e zuuw nduw nlò â ghê mughùbè ghɛʼɛ alo aghəa a dzə̀m. E dəmā təla tsughuu ko nlò aleghəŋlo enyəa fə̂ŋ tə ghee tə e duʼnlo, kà è kaa fwaʼā ko nlò â ghee mò ghùw chìin ghɛ̀. E tsəŋo nlò Mughu ù te, ghɛ̀ è fwaʼā â ghì ghəla ghe lo ghê mughùbè ghɛʼɛ am fə̀ŋ tə̀ dzûŋ tò.

1 Tɛ̀sàlonìan 2:3

Ghàʼ ka fə mə̂ŋ dzə̀ an fəgha kəla a fə̀ dzâa wo â ghɛ̀, ghàʼ ŋ ki sugho yo moʼnlò è biigh zo ŋkāa ghǎʼ fì kəŋo yo dzì è lì aletsè ghɛ̀.

1 Tɛ̀sàlonìan 2:8

Ghǎʼ mò kuū ləghaa nû ghɛ, zə̀ lǒ e ghee ghǎʼ mò kaā kə̂a ko yo ghɛ â shwaʼ u Kəzə̀ wò, ghàʼ m fùghù mɛ̀ʼɛ̀ wò ghue zaʼa aleyòsò ghɛ̀, ghàʼ màʼà ŋge gaʼ fə̀ŋ a zəŋò ghɛ̀.

1 Timotì 4:13

Tò Ŋ̀ kê tsoō bughô a fì êzə̀, e tɔɔŋ teso nduw shwaʼ u Kəzə̀ wò â ghì ghò an ndɛ, zoʼn ndùw àghì a te, zùghò ndùw sùghò shwaʼ u te wo.

1 Timotì 5:17

Tsoʼ tə dzeŋe kə ghì a Kəzə̀ təla tə nyɔʼɔ̀ fwaʼā fwàʼ kə ghee ko, ki alekelê namso kə̀ dzûŋ kò àsùghò kɔʼso mò; a ka dɔ̂m taŋ ghəla ghe zughò shwaʼ u Kəzə̀ wò, zoʼn sùghò àghì.

1 Timotì 6:18

Dzàa tsughu â ghee enyəa ghe e deē dzɔ̂ zò, ŋgee fwàʼà ndùw ghəa à dzûŋ gho â ghì ghò. Ghe e mwaʼā aleyòsò àghì, ki zǐi alefughuu fʉgha wo â ghì ghò.

Hibùlù 10:25

E kwo ko sɛ̀ lǒ zəghàan maʼn mwam zəla sɛ̀ ki enyəa a e bugho təmadzəŋlo, aŋghəa ghî à li a ghəŋlo, sɛ̀ è toon nduw ghue zo aŋghəa Tsuʼ fəla Mughu ù te lo bughoo a te tsoo fəghaan suū wô sugho.

Hibùlù 13:17

E zuuw nduw nlò â ghì ghəla ghe lô tsoʼ tɛʼɛ to, ghɛ̀ è ghəəŋ nduw ghəa ghəla ghe dzâa wo. Ghe lɛnlo â ghɛ̀, nu ghe lo ki aleteso dzɛ̀ â Zə̀ kò ghəa ghən a dzə̀m ghe fə̀ fwaʼ â ghɛ̀. E zuuw nduw nlò â ghee to ghe fwaʼā â ghɛ̀ alo eduʼnlo. Ghɛ̀ lo alezə kə kwò a te abugho ghɛ ghəŋlo enyəa ghe e mʉŋe zee a?

Hibùlù 13:22

Waazə̂ ghaŋa gho, M̀ buʼu kə̀ghu â ghɛ̀, enyəa ghɛ̀ naŋa wo nlò tuūŋ ko an shwaʼ waŋā wəla ù lo mò mùghò n tsʉ̀ wò ghɛ a te, zən lò e ghee Ǹ tɔm wô sə fə aghəa fən fo â ghɛ̀.

Hibùlù 13:24

Tɔɔŋ zuw nlò tsoʼ tɛʼɛ to ghèe ghê ghì a Kəzə̀ ghò a dzə̀m. Waazə̂ a sɛ̀ ghəla ghe nughu wo an Etalì fughù wò sughò ghɛ̀ â tɔɔŋ zo.

Hibùlù 13:7

E moʼn tsughuu nlò tsoʼ tɛʼɛ to, tɔ̂ɔŋ ghì ghəla ghe mò kə̂a wô shwaʼ u Kəzə̀ wò â ghɛ̀. Ghɛ̀ e moʼn tsughuu ghəa a dzûŋ ghəla mughu e ghee e fə̀ deē, ghɛ̀ koʼ ni boo zəla ghe fə̀ ki â Zə̀ kò.